Қалай фейк хабарландыруларды танимын?

Интернет-алаяқты тану үшін тәжірибелі тергеуші болу қажет емес. Мұқият болсаңыз алаяқ сатушыларды тану қиын емес. Алаяқтардан сақтану туралы сөз қозғайтын боламыз. 

Айғақ №1.

Тауар таңдауға келгенде жалған сатушылар аса ерекшеленбейді. Әдетте, сұранысқа ие тауарларды таңдап, өте төмен баға қояды. Нарықтағы бағадан 10% арзан болса дүкен туралы көбірек ақпарат табуға тырысыңыз. 

Сондай-ақ, алаяқтар жоғары сапалы қызметке арзан баға сұрауы мүмкін, алайда алдын ала төлем жасауды сұрайды. Жоғары білікті мамандар істейтінін айтып, оларға бірнеше ай бұрын кезекке тұру қажеттілігін айтады. Төлемнің жартысын алдын ала төлесеңіз, сіздің орынды сақтап қаламыз деп ақталады. Осылайша, жоқ нәрсе айналасында дүрлікпе сұраным пайда болады. 

Айғақ №2.

Тауар бағасының төмен болуын егжей-тегжейлі түсіндіреді, немесе мүлде ештеңе түсіндірмейді. Біріншілері барынша аянышты болып көрінуге тырысады. Қоңырау шалып, өздерінің қиын жағдайы туралы бәрін айтып береді. Әдетте, жасы келген әйел болады, немесе жұмыс істеп жүрген студент болып шығады. Сондықтан, адамдар көбінесе жақсылық жасағысы келіп, алаяқтар торына түсіп қалады. 

Айғақ №3. 

Алаяқтар жеке кездесуге келіспейді. Алаяқты су бетіне тек сұрақтар қою арқылы шығара аласыз. Тауар, дүкеннің орналасуы, сату себептері туралы көбірек ақпарат алуға тырысыңыз. Аккаунт деректері мен сатушы жауаптарын салыстыра отырып алаяқты таба аласыз. 

Алаяқ екенін түсінген болсаңыз, оны түсінгеніңізді мүмкіндігінше көрсетпеңіз. OLX қолдау қызметіне хабарласыңыз, біздің мамандар берген нұсқаулық бойынша әрекет жасаңыз. Сатушы шын мәнінде алаяқ болып шықса, аккаунты бұғатталады.