Қазақстанда құрылыс қызметтері 4 есе арзандады. Сонымен қатар, оларға сұраныс ұсыныстан 8 есе асып түседі

Пандемия Қазақстандықтардың әдеттері мен басымдықтарын өзгертуде. Осылайша, OLX сарапшылары екінші жыл қатарынан «Жөндеу және құрылыс» санатындағы тауарлар мен қызметтерге сұраныс пен ұсыныстың артқанын атап өтті. Қазақстандықтар биылғы жылы да өз пәтерлері мен үйлерін жөндеуді және жаңартуды жөн көруі ықтимал. Мәселен, 2021 жылғы наурыз-маусым кезеңінде санаттағы іздеу сұрауларының саны өткен жылдың ұқсас кезеңімен салыстырғанда 18% – ға, ал ұсыныстар саны 17% – ға артқан.

Сарапшылар «Әрлеу және жөндеу» айдарындағы іздеу сұраныстарының сәйкесінше 18% – ға, «Тапсырысқа жиһаз әзірлеу» – 17% – ға өскенін атап өтті. Хабарландырулар саны да қарқынды өсуде, сондықтан «Құрылыс қызметтері» айдары 39% – ға өсті, ал қызметтің орташа құны айтарлықтай төмендеуді көрсетеді. Өткен жылдың сәйкес кезеңімен салыстырғанда құрылыс қызметтері 4 есеге арзандады. Ал тапсырыс бойынша жиһаз жасау қазақстандықтарға өткен жылмен салыстырғанда орташа есеппен 3 есе қымбатқа түседі, сондай-ақ «Дизайн және сәулет» қызметтері үш есе қымбаттай түсті.

2021 жылы қалалар бөлінісінде ең танымал іздеу сұраулары «Пластикалық терезелер», «Сантехник қызметтері» және «Керілмелі төбелер» болды, 2020 жылдың ұқсас кезеңінде «Сантехник қызметтері» Қазақстанның бірқатар қалаларында ең талап етілетіндердің бірі болды.

Қалалар бөлінісінде құнға қатысты жүргізілген талдау жеткілікті қызық мәліметтерді ұсынады. «Құрылыс қызметтері» айдарындағы қызметтердің орташа құны құлдырауды көрсетеді. Қызметтер Қазақстанның бірқатар ірі қалаларында арзандауда, құнның неғұрлым айқын төмендеуі Алматыда байқалады – қызметтер 9 есе арзандады және Қостанайда – өткен жылдың ұқсас кезеңімен салыстырғанда орташа құнының 5 есе төмендеуі тіркелді. Петропавлда аталмыш айдардағы қызметтердің орташа құны ең аз – 8% – ға төмендеді. Бірақ «Әрлеу және жөндеу» айдары бірқатар қалалардағы орташа құнның өсуін де, оның айтарлықтай төмендеуін де көрсетеді:

Ескертпе:

• аналитика Olx.kz сервисі деректеріне негізделеді
• деректер Қазақстан бойынша наурыз-маусым, 2021 және наурыз-маусым, 2020 кезеңінде талданды