Автокөліктегі жарықшақтар мен сызаттарды кетіру

Автокөліктен жарықшақтар мен сызаттарды кетіру зақымданған кезде бояудың қаншалықты терең сіңгеніне байланысты. Жарықшақ пен сызатты бірден кетіретін ғажайып құрал жоқ, бірақ оларды жөндеу сіз ойлағаннан әлдеқайда оңайырақ болуы мүмкін. Кәсіпқой шеберханаға бармай-ақ, сызаттарды қалай кетіруге болатынын осы мақалада айтамыз. Көлігіңіздің зақымдану дәрежесін бағалау үшін жарықшақтар мен сызаттардың қандай түрлері бар екенін анықтайық:

– Жылтыр сырдың бүлінуі

– Бояу мен жылтыр сырдың бүлінуі

– Жылтыр сыр-бояу қаптамасының бүлінуі

Сызатты өз бетіңізше кетіру мүмкін бе, жоқ па, оны тексеру үшін тырнағыңызбен оның бетін сипаңыз. Тырнағыңыз сызатқа ілінбей, бетінен тегіс жылжыса, онда жөндеуге болатын болмашы сызат деген сөз. Ал егер сызат ілінетін болса, онда маманға жүгінген жөн. Айтпақшы, сіз оны біздің OLX хабарландырулар қызметінде «Автокөліктерге қызмет көрсету – ТБС» санатынан таба аласыз.

Сызат терең болмаса, онда одан құтылу үшін келесі нұсқаулыққа назар салыңыз.

1. Бетін тазалаңыз

Зақымданған жерде еш қоқыс пен лас зат қалмайтындай тазалаңыз. Ол үшін түйірлігі 2000-3000 болатын тегістеу қағазын пайдаланыңыз.

Жарықшақ пен сызатқа бір нәрсе жақпастан немесе өңдеместен бұрын жақсылап тазалағаныңызға көз жеткізу өте маңызды. Бетінде қалып қойған кез келген қоқыс немесе болмашы шаң өңдеу кезінде жаңа сызаттарға әкеледі.

2. Сызаттарды кетіретін өнім немесе жиынтық сатып алыңыз

Сіз жылтыр сыр, балауыз қарындаштар, маркерлер және т.б. сияқты сызат кетіргіштерді автокөлік бөлшектері дүкендерінен немесе “Автокөлік аксессуарлары” санатындағы OLX хабарландырулар сервисінен сатып ала аласыз.

3. Сызат аймағына өнімді жағыңыз

Сызат аймағыңа сызат кетіргіштің аз мөлшерін жағып, сызат металдан кеткенше оны тік және көлденең бағытта сүртіңіз.

– Тас ұнтақтары мен тереңірек қажалулардан туындаған локализацияланған зақымдар бұрғымен тегістеуді және жылтыратуды қажет етуі мүмкін.

– Жөндеу үшін сызатты сәйкес бояумен немесе мөлдір бояу шайырымен толтыру қажет болады.

– Күрделі жағдайларда кәсіби автошеберханаға баруды ұсынамыз.

Лайфхак: тіс пастасын пайдаланыңыз

Бұл нұсқа ақылға қонбайтындай естілуі мүмкін, бірақ ол пайдаға асады! Тіс пастасы негізінен тегістеу қағазының жеңіл нұсқасы секілді, жұмсақ абразивті әсері бар.

Көлігіңіздегі сызаттарды кетіруге бұл әдісті қолдану үшін жұмсақ сүлгіге кішкене тіс пастасын аққызыңыз. Содан кейін оны сызаттың бетіне ақырын жағыңыз.

Осылайша, оның абразивті әсері пленка мен мөлдір жабынның кішкентай қабаттарын, сонымен қатар көлігіңіздегі сызаттар мен дақтарды жояды және оларды жылтыратады.

Осы әдіс барынша тиімді болуы үшін ағартқыш тіс пастасын қолдану ұсынылады, себебі оның құрамында сызаттарды жақсы кетіретін абразивтер бар және ол автокөліктің түсін сақтайды.