OLX Қазақстан халықаралық ақпаратты қорғау күні шеңберінде кибершабуылдардан шоғырландырылған қорғау жөніндегі мәселелерді талқылау үшін e-commerce секторының ірі өкілдерін жинады

ІІМ киберқылмысқа қарсы күрес орталығының деректеріне сәйкес, Қазақстанда алаяқтықтың ең көп тараған тәсілі онлайн-сауда болып табылады – бұл секторда 2022 жылдың бірінші жартыжылдығында 6 000-нан астам кибершабуыл оқиғасы тіркелген. Сала өкілдері olx.kz онлайн-хабарландыру сервисі алаңының базасында киберқауіпсіздік мәселелерін және кибер-шабуылдарға қарсы іс-қимыл жөніндегі бірлескен шараларды талқылау үшін жиналды. Конференцияға қатысушылар Қазақстандағы кибершабуылдарға қарсы іс қимыл бойынша көпшілікке арналған білім беру жобасын құру бастамасын көтерді.

Олжас Сатиев, Кибер шабуылдарды талдау және тергеу орталығы (КШТТО): «Елімізде e-commerce және цифрландыру секторының қарқынды өсуімен біз азаматтарымызға қауіп төндіретін кибер алаяқтардың қалай жанданғанын көріп отырмыз. Сондықтан дәл қазір кибер алаяқтыққа қарсы тұру және құқық қорғау органдарымен әрбір жағдайды тиімді пысықтау үшін ақпараттық қауіпсіздік шешімдеріне маманданған жеке бизнестің, мемлекеттік сектордың және компаниялардың күш-жігерін шоғырландыру өте маңызды».

OLX бірнеше жыл қатарынан елде сервис ұсынылған барлық елдерде қауіпсіз онлайн сатып алу және сату ережелерін білуге және үйретуге бағытталған онлайн қауіпсіздік ақпараттық науқанын жүргізіп келеді. Қазақстанда ақпараттық науқан сервисті қолдау және қауіпсіздік қызметінің деректері бойынша интернет-алаяқтықтың ең өзекті түрі ретінде фишингке қарсы күреске бағытталған. Науқан фишинг тақырыбы бойынша бірқатар білім беру материалдарын Сайтта және сервистің барлық ресми платформаларында орналастыруды, сондай-ақ сервисті пайдаланушылардың бүкіл базасы бойынша ақпараттық таратулар мен пуштарды жүзеге асыруды және ескертулер мен банерлердің көмегімен жаңа және ағымдағы пайдаланушылармен жұмыс істеуді көздейді.

Қазақстандағы OLX қолдау қызметі мен қауіпсіздік қызметінің деректері бойынша сервисте пайдаланушылардың ең көп өтініштері жалған жеткізу схемасы арқылы фишинг бойынша алаяқтық әрекеттерге және азаматтардың қаражатын алдау үшін жалған сайттарды пайдалануға байланысты. Алаяқтық жағдайларының үлесі өткен жылдың сәйкес кезеңімен салыстырғанда 2022 жылы 26% – ға төмендеді.

Интернеттегі алаяқтық схемаларын қалай айырып тануға болады?