Бизнес мақсаттарын анықтау

Осы мақалада мақсаттарды анықтап, оған жету жолдарын талқылаймыз.

Мақсат қойыламаса келесі қадамдарды түсіну қиынға түседі. Қиындықтар туындаған жағдайда бизнес жасайтын біліктілігім жоқ деп қол қусыру қаупі бар, ал нақты мақсаттарыңыз болса, қиын-қыстау кезеңді жеңу әлдеқайда оңай болады. 

SMART

Мақсат қойғанда бір ережені есте сақтаңыз, мақсаттарыңыз “ақылды” болу қажет. “SMART – Specific, Measurable, Achievable, Realistic, and Timely” деп аталатын жүйе бар. Бұл жүйеге сүйенетін болсақ, мақсатыңыз нақты, өлшемді, қолжетімді, шынайы, және ең бастысы белгілі уақыт ішінде жүзеге асу қажет. 

1. Нақты мақсат “маған не керек?” және “неге бұл маған маңызды?” деген сұрақтарға жауап беру қажет. 
2. Өлшемді мақсат “мақсатқа жеттім бе?” деген сұраққа жауап беруі тиісті. Бұл жағдайда сандар көмегін тигізуі мүмкін, мысалы, клиенттер саны, кіріс және тағы басқа. KPI қойып, мақсатыңызды өлшеу үшін қандай ресурстар керектігін зерттеңіз. 
3. Қолжетімді мақсат:  “Бұны іске асыра алғандар болды ма?”, “Маған қандай ресурстар қажет және олар менде бар ма?” 
4. Веб-сайтты тексеріңіз. 
5. Уақыт шектеуі белгілі уақыт шеңберінде белгілі нәтижеге қол жеткізуге мүмкіндік береді. Сондықтан дедлайн орнатқаныңыз жөн. 

Бұл үлкен мақсаттар қою керектігін меңземейді, керісінше кішігірім тапсырмаларға бөліп, SMART жүйесін қолданыңыз. 

Үлкен мақсаттар қою үшін қолжетімді ресурстарды жадыңызда сақтағаныңыз жөн. Ол, кәсіби мамандар тобы, уақыт және біліктілік. Отбасылық бизнес болса, кәсіби мамандар тобын отбасы мүшелері және мысығыңызда құрауы мүмкін. 

Мақсаттар мен тапсырмаларды ажырата білгеніңіз дұрыс; мақсат, неге қол жеткізгіңіз келеді? Тапсырма, қалай оған қол жеткіземін деген сұраққа жауап береді. 

Бизнес жүргізу үшін қандай дағдылар керек? 

• Нәтижелі коммуникация 

Туындаған қиындық болсын, бизнес мақсаттары болсын, не туралы сөз қозғасыңыз да клиенттермен, әріптестеріңізбен сыпайы болыңыз. Нағыз «лидерлер» қашан сөйлеп, қашан тыңдау қажет екенін біледі. Сонымен қатар, білікті жетекші адамдарды емес, жұмысты сынайды, және әрдайым мәселені шешу тәсілдерін ұсынады. 

Бизнес коммуникация біліктілігін дамыту үшін Максим Ильяховтың “Новые правила делевой переписки” кітабын оқуға кеңес береміз. 

• Жауапкершілік пен сенімділік 

Жақсы басшыға әріптестер де, серіктестер де, достар да арқа сүйей алады. Басқалар үшін ережелер орнататын болсаңыз, өзіңіз де оларды сақтауыңыз керек. Тапсырма орындауға уақыт шектеуін қойсаңыз және оларды орындау кезінде қиындықтар туындаса, әріптестеріңізге айтып қойған жөн болады. Барлық қабылданған шешімдер үшін өзіңіз жауапты екеніңізді ұмытпаңыз. 

• Ұзақ мерзімді жоспар

Стив Джобс және Билл Гейст әріптестері арасында жақсы болжамдайтын адамдар ретінде әйгілі. Стив Джобс болу міндетті емес, бірақ ұзақ мерзімді жоспар жасаған бизнес өркендеуіне септігін тигізері сөзсіз. 

• Адамдарға бағдарланған бизнес 

Адамдардан жұмыс істегенде «командалық ойыншы» болу маңызды. Басқалардың жетістігін байқау, оларға қамқорлық көрсету ылғи жанға жағымды. Маңызды шешім қабылдау барысында, тәжірибесі бар, білікті қызметкерлердің көзқарасын білуге ұмтылыңыз. Талқылаңыз, ынталандырыңыз, мақтаңыз. 

• Эмоциялық тұрақтылық пен ынталандыру 

Өзіңізге және бизнеске деген сеніміңіз мүлтіксіз болуы қажет, тек сонда стресске қарсы тұра аласыз. Ылғи бәрін ынталандырып, ешқашан көңіліңіз көншімеу, эмоцияңызды басу мүлдем қажет емес. Тірі адам болғандықтан кейін өмірде қиындықтар туындайтыны белгілі. Алайда, стресске төтеп бере білу маңызды. Ол үшін мақсаттарыңызды жадыңызда сақтап, кішігірім жеңіске жетсеңіз де марапаттау жасаңыз. Бұл бизнес әлемінің заңдылықтары. 

Пайдалы дағдылар туралы сөз қозғадық, ал неден аулақ болу керек? 

Нашар кәсіпкерлердің бәрінде өзгерістен қорқу, эмпатия жетіспеушілігі, коммуникация құруға талпынбау, қиындықтар туындаса барлығын кінәлі санау, басқалардың еңбегін және жетістіктерін түкке қоймау сияқты қасиеттері бар. Бұндай қасиеттер бизнес құруға және адамның өзіне кедергі. Осы қасиеттерді өзіңізде тапсаңыз, мәселені жартылай шештіңіз дегенді білдіреді. Ал енді, «ақылды» тәсілді іске қосып, бизнесті дамытайық!