Бренд, компания атауы және логотип деген не?

Бренд заманауи бизнестің құрылу принципі. Бренд компанияның қоғам бөлігі болуын визуалды және менталды сәйкестендіру арқылы қамтамасыз етеді. Логотип өз алдына брендтің компоненті және тұтынушымен визуалды қарым-қатынаста маңызды. 

Бренд құрамына не кіреді?

Брендтің атауы, логотипі, пішіні, түсі, дыбыстары, құндылықтары, миссиясы, ұраны, ұстанымдары сияқты көптеген элементтері бар. Тұтынушымен қарым-қатынас орнатуда брендингтің маңызы зор. Samsung пен Apple брендтері кеңінен танымал. Телефондарды әртүрлі ұсынатын екі жетекші компания. Функционал туралы сөз болса, алдымен ойымызға Samsung келеді. Ал инновациялық өнім дегенде Apple туралы ойлаймыз. Coca-Сola өз алдына жақсы көңіл-күй тудырып, мейрам сыйлайды.  

Атаудың  компания болашағында маңызы зор

Компания атауы нарықтағы позициясын орнатуға септігін көп тигізеді. Компания атауы құлаққа жағымды естілетіндей және есте қаларлықтай болуы тиіс. 

Неймингтің қойылатын үш маңызды талап бар, ықшамдылық, халықаралық, және ассоциативтік. Ықшамдылық атаудың жағымды естілуі мен графикалық дизайнмен қарапайым жұмыс істеу мүмкінділігі. Компанияның атауы халықаралық болуы алдымен латын әліпбиінде оңай жазылуды талап етеді. Заманауи компаниялардың веб-сайты болуы қажет, ал ол үшін домен қарапайым түрде жазылғаны абзал. Компания атауы мен өнім логикалық және эмоцияналды байланыста болу керек. Бұл тұтынушы санасына еніп, қызықтырып, өнім сапасына күмәнсіз сенім тудырады. 

Логотип деген не? 

Бірі үшін әдемі сурет болса, басқа үшін шрифті рәсімделген жазу. Логотип өз кезегінде дара визуалды графикалық сурет, шрифтік жазу немесе сурет пен шрифтік жазу қосындысы. 

Компанияны құруда логотип маңызды рөл атқарады және оның көмегімен тұтынушымен қарым-қатынас орнатылады. Логотипке қойылатын бірнеше шарт бар, біріншіден, ол мағыналы әрі бірегей болу керек. Екіншіден, баннерлерде, визиткаларда және өнімдерде үйлесімді көріну керек, сондықтан дизайнерлік орындалуы сапалы болғаны жөн, және тұтынушылар жақсы эмоциямен байланыстыратындай болу қажет. Логотип жай ғана сурет емес, компанияның идеологиясы мен мағыналығының визуалды интерпретациясы екенін есте сақтаңыз. 

Бренд компания мен тұтынушы арасында байланыс орнатып, нарықтағы орнын белгілеуге көмектесетін құрал. Атау мен логотип барлық брендттерінің негізгі құраушылары.