ЖК немесе ЖШС қалай тіркеледі?

Жеке кәсіпкер (ЖК) жекеменшік кәсіпкерлікпен айналысатын және барлық мүліктік жауапкершілікті өз мойынына алатын тұлға. 

Қай  жағдайда ЖК немесе ЖШС тіркеу қажет?

Кәсіп орнында жалдамалады қызметкерлер болса, ЕТЖ мөлшерінен 12 есе артық табыс табатын болсаңыз, және сауда орталықтарында ауылшаруашылық өнімдерін саудаға қойған жағдайда қажет.

ЖК тіркеуге қажет құжаттар: 

• бекітілген үлгідегі салықтық арыз; 
• жеке куәлік көшірмесі (қызмет алушының тұлғасын сәйкестендіру үшін құжат түпнұсқасы); 
• жылжымайтын мүлікке жекеменшік құқығын растайтын құжат немесе мекенжай анықтамасы;
• заңды өкілдердің келісімі, ал ондай келісім болмаған жағдайда – неке қию (ерлі-зайыпты болу) туралы куәліктің көшірмесі немесе қорғаншылық және қамқоршылық жөніндегі орган шешімінің көшірмесі немесе кәмелетке толмағанға толық қабілетті деп танылған сот шешімінің көшірмесі – қызмет алушының кәмелетке толмаған жасқа толмаған сұранысы бойынша;

Онлайн қызмет алу: 

• Порталда тіркелу және «Қызметке онлайн тапсырыс беру» батырмасына өту.
• Өтінім толтырып, ЭЦҚ (электрондық цифрлық қолтаңба) қол қою. 
• Жеке кабинетте («Қызмет көрсету тарихы» бөлімінде) көрсетілген уақыт ішінде түсетін өтінімнің өңделуі жайындағы хабарландырумен танысып шығыңыз.  

ЖШС (Жауапкершілігі шектеулі серіктестік) – белгілі бір шаруашылық қызмет жүргізу мақсатында бір немесе бірнеше адам құрған, жарғылық капиталы құрылтай құжаттарымен белгіленген мөлшерде құрылтайшылардың үлесіне (салымдарына) бөлінген заңды тұлға.

ЖШС тіркеуге қажет құжаттар тізімі: 

1. Жеке тұлғаның құрылтай құжаттары: 

• Жеке куәлік көшірмесі;
• Мекенжай анықтамасы.

2. Заңды тұлғаның құрылтай құжаттары:  

• Мемлекеттік заңды тұлға тіркеу анықтамысы (куәлік) көшірмесі; 
• Жарғы көшірмесі 
• Банк реквизиттері; 
• Органның жарғысы бойынша тіркелген заңды тұлғаның тіркелген заңды тұлғаны құруға қатысу туралы шешімі.

3. Жеке куәлік көшірмесі, жетекші мекенжайы; 
4. Фирма атауы  (Қазақстан Республикасында жоқ біреге й атау болуы қажет)
5. Қызметтер тізімі; 
6. Заңды мекенжай 
7. Жарғылық капитал мөлшері және салымдар құрамы; 
8. Жарғылық капиталдағы үлестің құрылтайшылар арасында таратылуы (бірнеше құрылтайшы болған жағдайда);
9. Шот және валюталық шот ашылатын банк атауы; 
10. Бақылау-кассалық машина (қажеттілік болған жағдайда).

ЖШС «электрондық үкімет» веб-порталында тіркеледі немесе «Азаматтарға арналған үкімет» Мемлекеттік корпорациясы арқылы.

ХҚКО-да тіркеу үшін: 

1. Белгіленген нысандағы мемлекеттік тіркеу туралы толтырылған өтініш. Өтініш нысаны – ҚР Әділет министрінің 2007 жылғы 12 сәуірдегі № 112 бұйрығымен бекітілген заңды тұлғаларды мемлекеттік тіркеу және филиалдар мен өкілдіктерді есептік тіркеу туралы нұсқаулыққа 1-қосымша немесе 2-қосымша (үлгілік жарғы бойынша қызметін жүзеге асыратын ЖШС үшін)
2. Белгіленген нысандағы кәсіпкерлік қызметті жүзеге асырудың басталғаны туралы толтырылған хабарлама. Хабарлама нысаны-ҚР Әділет министрінің 2007 жылғы 12 сәуірдегі № 112 бұйрығымен бекітілген заңды тұлғаларды мемлекеттік тіркеу және филиалдар мен өкілдіктерді есептік тіркеу туралы нұсқаулыққа 18-қосымша
3.  Тіркеу алымының бюджетке төленгенін растайтын түбіртек немесе өзге де құжат (орта кәсіпкерлік субъектілерін қоспағанда).

Онлайн тіркелу үшін: 

1. «Электронды үкімет» веб-порталына тіркеліп, «Қызметке онлайн тапсырыс беру» батырмасына өту;
2. Заңды тұлғаны тіркеу нұсқасын таңдау; 
3. Таңдалған нұсқаға байланысты өтінім толтырыңыз. Өтінімде мекенжай деректерін, фирма атауын, жетекші және құрылтайшылар туралы деректерді көрсету керек. 
4. Өтінімге ЭЦҚ қол қойыңыз. ЖШС-ны бірнеше құрылтайшы құрайтын болса, әр құрылтайшы ЭЦҚ қол қойылған өтінім талап етіледі. 
5. Жеке кабинетте («Қызмет көрсету тарихы» бөлімінде ) көрсетілген уақыт ішінде түсетін өтінімнің өңделуі жайындағы хабарландырумен танысып шығыңыз.  

Қалай ЖК және ЖШС тіркеуін білесіз!