“Көк жағалыларды” жұмысқа қалай тартуға болады?

Қазақстан нарығында желілік қызметкерлер немесе “көк жағалылар” жетіспеушілігі байқалады. Әкімшілер, даяшылар, жүргізушілер сияқты корпорациялар жұмысын қамтамасыз ететін қызметкерлер осы категорияға кіреді. “Көк жағалыларды” жұмысқа тарту жолдарымен бөлісеміз. 

“Көк жағалылар” деген кімдер? 

«Көк жағалыларды» жұмысқа алу үшін олардың психологиясын түсінген жөн. Тұрақтылықты жоғары бағалайды, алайда тым консервативті деп те айтуға болмайды. Жалақы уақытында төлесеңіз, ресми жұмысқа орналастырсаңыз және  міндеттерін нақты түсіндірсеңіз, бірге жұмыс істеу оңай болады. 

Желілік қызметкерлер көп сағаттық идея талқылау үшін айлық алмайды, сол себепті міндеттерді нақты түсіндіріп, қандай жұмыс үшін қанша айлық төлейтініңізді түсіндірген жөн. Сонымен қоса, ұсыныс сұраныстан көп болса, жұмысты таңдауда айлықтың орны бөлек. 

Желілік қызметкерлерді қайдан іздеймін? 

«Көк жағалыларды» OLX сервисінде таба аласыз. Сондай-ақ, корпоративті әлеуметтік желілерде жұмыс орындары туралы ақпарат орналастыру және жеке сайтыңызды құру маңызды. Орта жастан асқан мамандарды іздесеңіз газеттерге хабарландыру жариялаған дұрыс болады. 

Белгілі мамандарды жұмысқа тарту үшін қоғамдық көліктерде хабарландырулар орналастырсаңыз болады. 

Сұраныс тұжырымдау 

Жұмыс міндеттерін және жұмыс шарттарын анық түсіндіріңіз. Жұмыс барысында туатын міндеттер тізімін жасаңыз, жұмыстан тыс уақытта істелген жұмыс үшін қандай сыйақы беретіңізді ойланыңыз. Жалақы көрсетілген хабарландыру кері байланыс мүмкіндігін ұлғайтады. Вакансияға айлық төлемді жазыңыз. Төлем сағатпен жүргізілсе, орта есеппен жалақы ауқымын көрсетіңіз. Жоғарғы және төменгі шегінің айырмашылығы 40-50% аспау қажет. 

Заңға сәйкес жұмысқа орналастыруды кей жұмыс берушілер бонус деп қабылдайды. Дегенмен, бұл барлық компаниялар міндеті болып табылады. Жол ақысы және ұялы байланыс компенсациясы, спорт жаттығулары және қызметкерлерге арналған іс-шаралар жұмысқа кандидатты қызықтыру мүмкін. Қызметкерлер жетіспеушілігіне қарамастан қызметкерді жұмысқа алғанда біліктілігін дұрыс бағалай білу керек.