Үш бөлмелі пәтерге жөндеу жұмыстарын жүргізу қанша тұрады?

Үш бөлмелі пәтерге жөндеу жұмыстарын жүргізу оңайға соқпайды. «3 бөлмелі пәтердің жөндеу жұмыстарына қанша қаражат қажет?» деген ой мазалады ма? Біз осы және басқа да мәселелерді қарастырдық. Барлық жауаптар осы мақалада.

3 бөлмелі пәтердің заманауи дизайны кеңістікті аймақтарға бөлу немесе қайта жоспарлау арқылы әртүрлі идеяларды жүзеге асыруға мүмкіндік береді. Үш бөлмелі пәтерде жөндеу жұмыстарын жүргізу қанша тұрады? Бұл тұрғын үйдің дизайн жобасына ғана емес, сонымен қатар басқа факторларға да байланысты:

• Жаңа ғимарат па әлде ескі үй ме?

Панельді үйдегі 3 бөлмелі пәтердің жөндеу жұмыстары күрделі болады, мұндай ғимараттардағы беттер қисықтау, жоспары ыңғайсыз және т.б. болғандықтан жөндеу көп уақытты және көп қаражатты қажет етеді. Жаңа ғимараттағы 3 бөлмелі пәтерді жөндеу қанша тұрады? Бәрі жобаның ерекшеліктеріне байланысты, бірақ ескі үйлерге қарағанда аз шығынды қажет ететіні анық: инженерлік коммуникациялар мен электр сымдары жаңа болғандықтан ештеңені ауыстыру қажет емес.

• Пәтер ауданы

60 м2 пәтерге жөндеу жұмыстарын жүргізу, әрине, ауданы 100 м2 болатын үш бөлмеліден арзанға шығады.  Шаршы неғұрлым үлкен болса, соғұрлым қымбатырақ.

• Жөндеу жұмыстарының түрлері

3 бөлмелі пәтерге қандай жөндеу жұмыстарын жоспарлап отырсыз: косметикалық, күрделі, дизайнерлік немесе еурожөндеу ме? Жобаның ауқымы жұмыстың құнына, мерзіміне және күрделілігіне әсер етеді.

• Жұмысты орындау: бригада шақырған дұрыс па әлде өз қолыңмен істеу ме?

Таңдау қаржылық мүмкіндіктеріңізге және жөндеу дағдыларыңызға байланысты.  Бос уақытыңыз, тәжірибеңіз және шыдамыңыз жетсе әрине өз қолыңызбен жөндеу қаражат жағынан тиімді. Пәтерді жөндеуді мамандарға тапсырған дұрыс. Шеберлер бірден бірнеше бөлмеде жұмыс істеп, жөндеу жұмыстарын тез арада бітіре алады. Құрылыс бригадаларының өздерінің жеткізушілері  бар, олар құрылыс материалдарын көтерме бағамен бере алады.

•  Жиһаз және құрылыс материалдарының класы

Шығын материалдары неғұрлым сапалы болса, жөндеу жұмыстары соғұрлым жақсы әрі ұқыпты болады. Қолданылған құрылыс материалдары жөндеу жұмыстары шығындарын айтарлықтай төмендетуі мүмкін.

3 бөлмелі пәтерді жөндеудің орташа құны бір шаршы метр үшін 15 000 теңгеден 30 000 теңгеге дейін өзгереді. Мұның бәрі сіз таңдаған жөндеу жұмысының түріне байланысты. Негізгі кезеңдер:

1. Бөлшектеу жұмыстары: беттерден ескі әрлеу материалдарын алу, жаңа әрлеуге дайындау, конструкцияларды тұрғызу немесе бұзу.
2. Электр және сантехникалық жұмыстар: кеңістікті гидро және жылумен оқшаулау, стяжкаларды құю, қабырғалар мен төбелерді тегістеу.
3. Әрлеу жұмыстары: төбені, қабырғаны және еденді әрлеу.
4. Терезелер мен есіктерді орнату, сантехника және электр құрылғыларын орнату.

Косметикалық жөндеудің бір шаршы метрге орташа құны 15 мың теңгеден басталады. Бір шаршы метрге күрделі жөндеудің орташа құны 50 000 теңге және одан жоғары. 3 бөлмелі пәтерге еурожөндеу бір шаршы метрге 70 мың теңге және одан да көп.