Алдын ала төлем арқылы жүзеге асырылатын алаяқтық

Posted at 01:05, 26 Мамыр 2021

Өкінішке орай, уақыт өткен сайын желіде алаяқтық схемалар көбейіп келеді. Қаскүнемдер қаражатты немесе пайдаланушылардың жеке деректері туралы ақпарат алу үшін түрлі қулықтарға жүгінеді. Интернеттегі ең көп таралған алаяқтықтың бірі – алдын ала төлем арқылы жүзеге асырылатын алаяқтық.

Мұның бәрі өте қарапайым жолмен жасалады. Сізден өнім / қызмет үшін алдын ала ішінара немесе толық төлем жасауды сұрайды, нәтижесінде сатушы сіздің ақшаңызбен жоғалып кетеді немесе сізге сапасыз өнімді жібереді. Бұл схема сатып алушылардың төмен қырағылығы, «тиімді» ұсыныстар және мәміленің реалистік емес шарттарының арқасында жүзеге асады. Егжей-тегжейлі қарастырайық:

Қаскүнемдер мүмкіндігінше көп пайдаланушыларды қызықтыру үшін жарнаманы өте тартымды бағамен жариялайды.
Келіссөздер барысында олар сатып алушыны өнім үшін алдын ала төлем жасауына нандыру үшін әр түрлі манипуляцияларды қолданады. Дәлел ретінде келесі жағдайларды келтіруге болады: үлкен сұраныс, соңғы өнім, мәміленің кепілдігі және т.б.
Сіз ақша жібере салысымен, алаяқтар байланысын тоқтатады.

Нақты, сенімді сатушылар да алдын ала төлем сұрайтындығы үшін, алаяқтарды тану және алаяқтық схемалардың белгілерін табу өте маңызды. Ол үшін біз сіздерге қысқаша бейне дайындадық, онда біз алаяқтық схеманың егжей-тегжейлі талдауларымен ғана емес, сонымен қатар мұндай тұзақтардан қалай сақтануға болатындығы туралы кеңестермен бөлістік. Бейнені міндетті түрде көріңіз және жақындарыңызбен бөлісуді ұмытпаңыз!