Мереке алдында алаяқтар торына түспей қалай пәтерді қауіпсіз жалдауға болады?

Жаңа жыл мерекесі қарсаңында пәтерді тәуліктеп жалдау сұранысқа ие болады. Сұраныстың өсуіне байланысты алаяқтар саны да өседі. Осы мақалада қауіпсіздік шараларымен бөлісіп, алаяқтар торына түспей жолдарымен бөлісеміз. 

Пәтерді тәуліктеп жалдау сұранысы мен ұсынысы маусымға тәуелді. Жалдаушылар желтоқсан айының бірінші аптасында аса белсенді, осы кезеңде 23% көбірек үйлер және 14% пәтерлер туралы хабарландыруларға кері байланысқа шығады. Үш және төрт бөлмелі пәтерлермен салыстырғанда екі бөлмелі пәтерлерге сұраныс жоғары, сәйкесінше бағасы да қымбатырақ.

Сұраныстың өсуі алаяқтардың белсенділігін оятады. Пәтерді жалдау сервистерінде алаяқтық хабарландырулар саны көбейеді. Жасанды интеллект көмегімен хабарландырулардың бір бөлігі анықталып, жарияламастан бұрын бұғатталады. 

Келеңсіз жағдайларға тап болмау үшін, негізгі қауіпсіздік ережелерін ұстанған жөн: 

• Бағаның шынайылығына мән беріңіз. Қаланың орталығында орналасқан, жөндеуден өткен пәтер үшін төмен баға сұраса, абай болыңыз. Ұқсас ұсыныстардың бағасымен салыстырып көріңіз. 
• Әдемі сурет Google-дан алынған болуы мүмкін. Тексеру үшін тінтуірдің оң жақ батырмасын басып “Суретті (Google) табу” таңдаңыз. 
• Пәтер және оның иесі туралы мүмкіндігінше көбірек ақпарат табуға тырысыңыз. Мысалы, терезелер қай жағына шығатынын, көршілер туралы, қандай көлік түрімен жетуге болатынын сұраңыз. Сондай-ақ пәтердің құжаттарын көрсетуді сұраудан тайынбаңыз. 
• Тексерудің нәтижелі тәсілдерінің бірі – бейне қоңырау. Виртуалды румтур турады сұраныс көптеген алаяқтарды анықтауға мүмкіндік береді. 
• Уақытыңыз болса, кездесіп, пәтерді алдын ала көріп алсаңыз болады. 

Алаяқтардың екі негізгі жұмыс тәсілін анықтадық. Үй иесі алдын ала төлем жасауды сұрайды немесе “агенттіктен” хабарласып, келісім шартқа қол қойып, белгілі көлемде көрсетілген қызмет үшін төлем жасауды сұрайды.  Үй иесі фейк OLX сайтында форманы толтырып, төлем жасауды сұрайды. OLX жылжымайтын мүлікке байланысты ешқандай қызмет көрсетпейтінін есте сақтағаныңыз. 

Құрметті пайдаланушылар, мұқият болыңыз! Демалысыңыз жақсы, мәмілелеріңіз сәтті болсын!