Алаяқ спам-хабарламалар

Қаскүнемдер қармағынан қалай сақтануға болады? Электрондық пошта, әлеуметтік желілерде және мессенджерлерде алаяқтардан хабарламалар кейінгі жылдары көбейіп кетті. 

Лотерея ұтысы кеңінен таралған тәсіл.

Ұтыс ойын жеңімпазы болдыңыз деген хабарлама келеді. Мысалы, сіздің электрондық пошта мекен-жайыңыз 200 000 теңге жеңімпазы болып таңдалды. Әдетте хабарламада басқа сайтқа сілтеме тіркеледі, ұтысты алу үшін оған өтіп сіз карта деректерін енгізу керек болады. Сіз деректерді енгізген мезетте, ақшаңыз алаяқтар қолына түседі. 

Алаяқтар өздерін танымал банктер, электрондық ресурс компаниялары болып таныстырады.

Сол компаниялар стиліне ұқсас хаттар жібереді. Жалған егіз сайтқа сілтеме тіркейді. Осылайша киберқылмыскерлер интернет пайдаланушыларынан банк карталарының деректерін алаяқ веб-сайтта қалдыруға үндеу жасайды. 

Әлеуметтік желідегі және мессенджерларда спам көбінесе аккаунт баукеспесімен айналысатындардан келеді.

Кенеттен досыңыздан үлкен ақша сомасы керектігі туралы хабарлама келсе, тіркелген реквизиттерге ақша жіберу асықпаңыз, алдымен, досыңызға қоңырау шалыңыз. Әлеуметтік желілерде және мессенджерлерде кеңінен тараған спам-хабарлама түрі. 

Алаяқтар қармағына түспеу үшін бірнеше қағидаларды орындаңыз. 

1. Екі электрондық пошта ашыңыз, бірі жеке хабарламалар үшін болса, екіншісін сайттарға тіркелу үшін қолданыңыз. 
2. Сенімді пошта қызметін таңдаңыз, спам фильтрациясы жақсы істегені абзал. 
3. Сайт көздерін тексеріңіз, қандай сілтеме бойынша өткеніңізді қадағалаңыз, деректеріңізге абай болыңыз. 

Сақтықта қорлық жоқ!