Алдын ала төлем арқылы жүзеге асырылатын алаяқтық

Интернеттегі сатылымдар мен сауда-саттықтарда кең таралған алаяқтықтардың бірі – алдын ала төлем арқылы жасалатын алаяқтық. Зиянкестер ықтимал құрбандарды нарықта жоғары сұранысқа ие тауарларға тартымды баға ұсыну арқылы арбайды. Әрине, мұндай шамадан тыс тиімді ұсыныс сатып алушыларды қызықтырады және олар жарнамаға жауап береді.

Көбінесе, алаяқтар жазысуды әр түрлі кең таралған мессенджерлерде ғана жүзеге асырады және барлық айла-тәсілдермен жеке кездесуден немесе қоңыраудан бас тартады. Бұл алғашқы белгіден ақ сақ болғаныңыз жөн. Бірақ ұсыныс тартымды болғандықтан, көптеген адамдар қырағылықтарын жоғалтып, келіссөздерді жалғастырады. Нәтижесінде, бәрі сұраныстың жоғарылығы мен сатып алуды брондау қажеттілігін алға тартып, сатушының тауардың толық немесе ішінара құнын төлеуді сұрайтындығына келіп тіреледі. Төлемді алғаннан кейін сатушы бірден байланысты тоқтатады.

Өкінішке орай, көбінесе киім мен аяқ киім, құрал-жабдық, смартфон сатып алғысы келетін адамдар осындай алаяқтық тұзақтарға түсіп қалады. Сондай-ақ, бұл қызмет көрсету саласына да қатысты екенін есте ұстаған жөн: курстық, дипломдық жұмыс жазу немесе,мысалы, соңында жүзеге асырылмайтын онлайн курстары.

Сонымен, өзіңізді қалай қауіпсіздендіруге және зиянкестердің тұзағына түспеуге болады?  

• Егер сіз, негізі, бірнеше есе қымбат тұратын затты төмен бағамен байқасаңыз, сатушы мен сатылатын зат туралы барлық ақпаратты тексеріңіз.
• Сонымен қатар, ұқсас сайттарда берілген өнімнің орташа нарықтық құнын қарап, зерттеңіз. 
• Сатушыдан өнімнің әр жағынан түсірілген фотосуретін жіберуін сұраңыз. 
• Егер төлем үшінші тарап қызметінде жасалса, банктік картаңыздың мәліметтерін енгізбес бұрын, мекенжай жолына, доменді тіркеу күніне назар аударыңыз. Нысан вирусты болып,  сіздің деректеріңіз үшінші тұлғаларға жіберілуі мүмкін.
• Бөтен дүкеннен фирмалық тауарларды сатып алғанда, сипаттамасын, сыртқы түрін ресми сайттың ұсыныстарымен салыстырыңыз. Сатушыдан тауардың жөнелтуге дайын фотосуретін жіберуін сұраңыз. 
• Сонымен қатар, зиянкестер әртүрлі манипуляциялармен сатып алушыларға қысым көрсетіп, оларды әдейі асықтырады және сол арқылы ақпаратты қайталап тексеруге уақыт бермейді.

Егер сіз аңдаусыздан OLX-те осындай алаяқтық схемалардың құрбанына айналсаңыз, бізге дереу кері байланыс формасы арқылы шағым жіберіңіз.

Егер сатушы қандай да бір себептермен сіздің банктік картаңыздың нөмірі мен кодын, ағымдағы шотты және т.б. сияқты жеке деректеріңізді білуге тырысса, жеке ақпараттың бұл түрін жарияламау керектігін ұмытпаңыз! Бұл сіздің қаржылық және жеке қауіпсіздігіңізге қауіп төндіреді. Жеке деректеріңізді өзіңізде сақтап, операциясын толық түсінбейтін төлем схемаларына кірмеуіңізге кеңес беремін.

Сізге сәтті, ең бастысы, қауіпсіз сауда тілейміз! Әрдайым сізбен бірге, сіздің OLX!