Алдын ала және жұмыс біткеннен кейін төлем алудың артықшылықтары мен кемшіліктері

Жұмысқа орналасқанда жалақы мен оны төлеу шарттары маңызды критерий болып табылады. Көбінесе фриланс биржасы мен қысқамерзімді жобаларға қатысты. Тапсырыс беруші жұмыс бітпей алдын ала немесе жұмыс аяқталғаннан кейін төлеуі мүмкін. Алдын ала немесе кейін төлем алудың артықшылықтары мен кемшіліктері туралы осы мақалада талқылайтын боламыз. Әлеуетті жұмыс вакансияларын OLX хабарландырулар қызметінде таба алатыңызды ұмытпаңыз 🙂

Алдын ала төлем әдетте жұмыс басталмай тұрып жүзеге асады. Алдын ала төлем көлемі әртүрлі болады: 100%, 60%, 50% және тағысын тағы. Жалақының бір бөлігі жұмыс басталғанда, ал қалған бөлігі жұмыс аяқталғаннан кейін төленеді.

Артықшылықтары:

• Еңбек нарығында алаяқтық кездеседі. Алдын ала төлем алған қызметкер компания/тапсырыс беруші төлей қабілеті барына сенімді бола алады. Яғни, бұл қауіпсіздік кепілі, жасалған жұмыс төлемсіз қалмайтынына сенім.
• Тұрақтылық. Алдын ала төлем алып, күнделікті шығындарыңызды өтей аласыз, яғни жұмысыңызды еш уайым-қайғысыз орындай аласыз.
• Сенім. Тапсырыс беруші алдын ала төлем жасай отырып, жұмысыңыздың сапасы мен сізге деген сенімін білдіреді.

Кемшіліктері:

• Жұмысты кейінге қалдыру. Ақша шотқа түскен сәттен бастап, көп жағдайда жаныңыз тынышталып, жұмыс жартылай “біткен” деп есептейсіз де, жалқаулана бастайсыз. Кей жағдайда бұл жұмыс сапасына әсер етуі мүмкін.
• Қаржылық есеп қиындықтары. Алдын ала төлем түскенде барлық төлемдерді қадағалау қиынға соғады.

Пост төлем: Жұмыс/жоба аяқталып, тапсырылығаннан кейін есеп жүргізіледі. Төлем жоба аяғында немесе жұмыс толықтай аяқталғаннан кейін жүзеге асады. Пост төлем бойынша көп жағдайларда маркетолог пен таргетологтар жұмыс істейді.

Артықшылықтары:

• Тез жұмыс табу мүмкіндіктері. Тәжирібесі жоқ мамандарға жұмыс табу қиынға соғады. Жұмыс берушілер көп жағдайда жұмыс аяқталғаннан кейін төлем жасау шартымаен жұмыс істеуге келіседі.
• Қаржылық есеп жүргізу оңтайланады. Қанша ақша басында, аяғында алатыңызды есептеу қажеттілігі жоқ. “Жұмысыңды орындадың – төлем алдың” жүйесімен есеп жүргізіледі.

Кемшіліктері:

• Алаяқтық қаупі. Жұмысты аяқтағананн кейін төлем алатыныңызға кепілдік жоқ. Кепілдік ретінде келісім шартқа отырған жөн.
• Төлемнің шегерілу мүмкіндігі. Жұмысты келіскен уақытта бітірсеңіз де, төлем бірнеше аптадан, тіпті бірнеше айдан кейін жасалуы ықтимал.

Қай тәсіл қолайлы? 

Төлем түрлерініңі бәрінен артықшылықтары мен кемшіліктері бар. Қысқамерзімді жобаларда жұмыс істейтіндерге алдын ала төлем арқылы жұмыс істеген ыңғайлырақ, әсіресе тапсырыс берушімен таныс болмаған жағдайда. Ұзақмерзімді жобаларда келісім шартқа отырып, пост төлем бойынша жұмыс істеуге келіседі.