Банк картасын алаяқтардан қалай қорғауға болады?

Ақша ұрлығынан қалай қорғануға болады? 21 ғасырда алаяқтар банк картасынан ақшаны оңайлықпен шешіп алады. Картадан ақша ұрлаудың көптеген тәсілдері ойлап табылған. 

Картаңызды қорғаудың тиімді тәсілдерін осы тізімге жинап қойдық.

• Құпия сөздер мен кодтарды үшінші жаққа хабарламаңыз. Картаның  ДСН-кодын ешкімге хабарламаңыз, оны телефонда сақтамаңыз және карттың үстінде жазып қоймаңыз. Банкоматта код енгізу барысында пернетақтаны жауып тұрыңыз. Картаңыз арты жағындағы үш цифрді де ешкімге хабарламаңыз, CVV-код интернетте төлеу үшін қажет. Ешкімге көрсетіп, айтпаңыз. Көп жағдайда аялақтар банк қызметкерлері болып, карта иелеріне звондайды. Сонымен қатар, сіздің туысыңыз немесе танысыңыз ретінде хабарласып, ақша жібергілері келетінін айтады. Осылайша, картаңызға байланысты барлық ақпаратты сұрап алады, картаңыздың жарамдылық мерзімін, ДСН және CVV кодтарын, карта нөмірін. Банк қызметкерлеріне карта нөмірінен басқа ақпарат қажет емес. 
• Банк картаңыз бойынша  СМС-хабарландыру қызметін қосып қойыңыз. Егер сіз орындамаған сатып алу туралы хабарландырулар келсе, бірден Банкқа хабар беріңіз. Ең дұрысы картаңызды бұғаттап, жаңасын шығару болады. 
• Интернеттегі операцияларды қауіпсіз сайттарда орындаңыз. Алаяқтар кеңінен тараған интернет-қызмет сайттарының копиясын жасаған, оларға банктер, қаржы компаниялары мен интернет-дүкендер кіреді. Сол сайттарға карта деректерін енгізгенде, олар алаяқтардың қолына түседі. 
• Белгісіз қолданушылардан келген күдікті сілтемелерді ашпаңыз. Сілтемеде зарарлы бағдарлама орнатылған болуы мүмкін, ол сіздің жеке деректер үшін қауіпті. 

Қарапайым қағидаларды орындасаңыз, алаяқтардың тұзағынан аман қаласыз. Банк картасының қауіпсіздігі тек сіздің қолыңызда!