Фишинг атакасының құрбаны болмау мүмкін бе?

Фишинг деген интернет-алаяқтың торына түсіп қалуды білдіреді және балық аулауға еш қатысы жоқ. Интернет-алаяқтардың құрбандары аз болу үшін онлайн ортада неден сақтану керектігі туралы сөз қозғаймыз. 

Алаяқтар қолданатын амалдар:

№1 Қармақ – жеделдік.

Әдетте, жедел ашу қажет хат, жеке деректерді қорғауға арналған файл жүктеу, өтіп жатқан акциялар туралы толық ақпарат алу үшін сілтемеге өте деген сияқты хабарламалар келеді. Сіздің банк картасы хакерлер ұрлаған карталар тізімде жоқ екенін тексеру қажет деген сияқты хабарлама келуі мүмкін. Әрине, қаражатыңыздың сақтығы үшін ойланбастан, инструкция бойынша әрекет ете бастайсыз. Ресми сайтқа ұқсас сайтқа сілтеме жібереді, онда карта нөмірін, оның жарамдық мерзімі мен  CVV кодын енгізуді сұрайды. Деректерді тезірек енгізу үшін, қосымша таймер қойып қояды. Фишер осылайша сіздің жеке деректерге қол жеткізеді. Кейін, сіздің картаңызды қолданып, интернетте төлем жасай алады. Сонымен, зиянкес бағдарламасы бар PDF-файл жіберу мүмкін. Файлды жүктеп, ашқан сәтте сіздің құрылғыға арнайы бағдарлама орнатылады және оның көмегімен жеке деректер ұрлауға мүмкіндік туады. 

Сенімді сайттар әдетте SLL шифрлеуді деректер алмасу үшін пайдаланады. «https://» деп басталу қажет дегенді білдіреді. Ал, сайт «http://» деп басталатын болса, банкке хабарласқаныңыз жөн болады. Кішкентай ғана айырмашылық “S” әрпі, сондықтан ылғи мұқият болыңыз. Сайтты https://www.skydns.ru/check/ сияқты сервис арқылы тексере аласыз. Күмән тудырып отырған сайт сілтемесін көшіріп, арнайы терезеге енгізіңіз.

№2 Қармақ —тікелей  байланыс. 

OLX сатушы мен сатып алушы арасында қауіпсіз байланыс орнатуға және төлемдер өткізуге барынша ыңғайлы етуге тырысады. Басқа платформада немесе мессенджер арқылы байланысқа ұсынатын болса, абай болуыңыз қажет. Оған қоса хабарламада жеке деректеріңізді жібермеңіз, тікелей төлем жасамаңыз. Бұндай жағдай туындаса, қауіпсіздік қызметі алаяқты табуға көмек бере алмайды. 

Ашық WI-FI желілерін қолданғанда қауіпсіздік үшін online-банкинг пайдаланбаған жөн болады. Мобильді интернеті жоқ саяхатшылар жедел түрде картадағы қалдық ақшаны тексеру үшін қолданады. Интернетте қосылу сәтінде алаяқтар сізді жалған сайтқа жіберуі мүмкін. 

Барлық хаттар мен сілтемелерді тексеретін фишингқа қарсы контент-фильтрлар бар. Бұл қызмет ақылы, алайда қауіпсіздік үшін контент-фильтр орнатқан дұрыс болар. Жаныңыздың тыныштығына не жетсін.