Қалай хаттасу барысында алаяқты тануға болады?

Бүгін алаяқты хаттасуда қалай тануға болатыны туралы бөлісетін боламыз. Алаяқтардың көбісі өтімді тауарлар мен қызметтерді өз хабарламаларында пайдаланады, оларға, смартфондар, сағаттар, трендтік тауарлар және пәтер жалдау сияқтылар кіреді. 

Бірінші кезекте, пайдаланушы қашан тіркелгеніне мән бергеніңіз жөн.

Алаяқтардың көбісі бір үлгі бойынша жұмыс істейді, жаңа профильге кеңінен тараған тауардың ашық түсті суретін жүктеп, өте арзан баға қояды. 

Екінші мән беретін жайт, алаяқтар телефон нөмірін көрсетпейді, көбінесе, “жазу” функциясын қосып қояды. 

Тауарды барлық қырынан суретке түсіруді сұраңыз. Сурет профильде бар десе, белгілі бір элементтің суретін жіберуді сұраңыз, мысалы, телефонның IMEI нөмірі болады. 

Әдетте, алаяқтар тауар мықтап қапталған және дәл қазір суретке түсіретін мүмкіндік жоқ деп айтады. Көп хабарламалар мен сұраныстар келеді, сол себепті телефонды тексертін жағдай жоқ деген сылтау қолданып, телефон нөмірін жібермейді. 

• Хаттасу барысында «сатушы» басқа қалада екенін айтады. Тауарды/ қызметті  алғысы келетіндер көп, егер бірінші болғыңыз келсе, жартылай алдын ала төлем жасауды, ал кейде тіпті 100 пайыз төлем жасауды сұрайды, және тауарды жеткізіп беруді уәде етеді; 
• Ақша жіберуді, төлем жасау үшін сілтемеге өтуді сұраса, алаяқтардың тұзағына ілініп қалмаңыз; 
• «Сатушының профилін зерттеңіз. Әдетте, алаяқтар қымбат тауарларды тартымды бағаға ұсынады; 
• Байланыс деректерін сұраңыз;
• Міндетті түрде кездесу ұйымдастырыңыз, тауарды тексеріп алыңыз, қажет болған жағдайда тауар құжаттарын сұраңыз. 

Сатып алу операцияларын жеке кездесу арқылы ғана өткізіңіз. Күдік тудыратын хабарламаларға шағым жасаңыз. Біздің мамандар ол хабарламаны міндетті түрде тексереді, шын мәнінде ережелерге қарсы келетін жағдайда бірден бұғатталады.