Сатушыны сайтта қалай тексеруге болады?

Онлайн шоппингтің ең басты қауіптерінің бірі – көрмей-білмей өнімді сатып алу. Өкінішке қарай, OLX сайтында алаяқтар сирек емес. Затты OLX алаяғынан емес, «нақты» сатушыдан сатып алып жатқанымызға қалай көз жеткізуге болады? Оның сенімділігіне көз жеткізіп, сатып алынған тауар бізге жететініне қалай сенімді болуға болады? OLX-те алаяқты қалай танимыз? Бұл сұрақтарға қатысты кейбір нюанстар мен зеректік жайлы осы мақалада оқып-біле аласыз.

OLX хабарландыру қызметі әртүрлі интернет алаяқтық схемалардан қалай сақтануға болатыны туралы тұтынушыларын тұрақты түрде хабардар етеді. «OLX сайтында мені алдап кетті: не істеу керек?» тәрізді осы тақырыпқа қатысты бірнеше мақаланы оқуды ұсынамыз. Осындай мақалаларды оқып, OLX алаяқтары қалай жұмыс істейтінін және олар OLX сайтында қақпанға түсіру үшін қандай схемалары қолданатынын білетін боласыз. Біз хабарландыру қызметімізді жақсартуға әрдайым тырысамыз: тексеру жүйесін жетілдіреміз, техникалық шаралар жүргіземіз, алаяқ аккаунттарын бұғаттаймыз және т.б.

Жарнамалар

Жарнаманың тақырыбы мен сипаттамасын мұқият зерттеңіз, ол жерде барынша пайдалы ақпарат берілуі керек, грамматикалық қателер болмауы керек. Өнім туралы ақпарат анық немесе толық болмаса, қателер көп кездессе, оған қоса контактілерде жалған никнейм (мысалы, Sweet_girl, Buyer007) немесе түсініксіз таңбалар жиыны пайдаланылса, ондай жарнамалардан аулақ болыңыз. Тұтынушының OLX сайтында басқа да қандай өнімдер/қызметтер ұсынатынын көру үшін оның басқа жарнамаларының бар-жоғын тексеріңіз. Ол үшін «Автордың барлық жарнамалары» бөлігін басыңыз. Аккаунты жақында ашылған күдікті жарнама беттері – OLX алаяқтығының алғашқы сигналы. Белгілі бір жарнаманы басу арқылы терезенің оң жағынан тұтынушының тіркелген күні көрсетілген шағын профилін көресіз.

Фотосуреттің болуы

Жарнамаларға тіркелген фотосуреттер өнімнің сипаттамасына сәйкес келіп-келмейтінін анық көруге мүмкіндік береді. Ниеті нашар тұтынушылар көп жағдайда суретті интернеттен жүктеп алады: тым тартымды шарттары бар күдікті фотосурет немесе керісінше, өнімнің сыртқы түрі мен күйін толық бағалауға мүмкіндік бермейтін бұлыңғыр фото.

Пікірлер

OLX қызметіндегі сенімді пайдаланушыларды анықтау қазір өте оңай! Автор жайлы көптеген жағымды пікірлер болған жағдайда, оның профилінде «Жақсы» деген күй көрсетіледі. Егер хабарландырулар қызметінде ниеті нашар сатушыға тап болсаңыз, «OLX сатушысына қалай шағымдануға болады?» мақаласын оқып шығуды ұсынамыз.

Өнімнің құны

Тым түсірілген «тартымды» бағаларға алданбаңыз: әдетте, алаяқтар ондай бағаны сізді арбау үшін пайдаланады. Баға нарықта оңтайлы және бәсекеге қабілетті болуы керек – тым төмен де емес және тым жоғары да емес.

Төлем жасау және жеткізу

OLX жеткізу қызметі өтірік екенін еске саламыз! Біздің OLX хабарландыру қызметінде «Жеткізу» немесе «Курьер» тәрізді қызметтер ұсынылмаған. Алаяқтықтың тағы бір жолы – картаға ақша аудару. OLX сайтында «Өнім/қызмет төлемі» деген опция жоқ. OLX сайтының жеткізу немесе төлем жасау қызметін пайдалануды ұсынатын тұтынушы – алаяқ! Сақ болыңыз! Ешқашан, ешбір жағдайда банк картаңыздың деректерімен бөліспеңіз: CVV коды, парольдер, банк немесе басқа сервистерден келген SMS хабарламасындағы кодтар. Егер бұл ақпарат кенеттен үшінші тұлғаның қолына түскен болса, дереу банкке хабарласып, картаңызды бұғаттаңыз.

Сатушымен хат алмасу

Сатушымен келіссөздерді қатаң түрде OLX хабарландыру қызметінің чатында жүргізіңіз. Басқа мессенджерлерге ауыспаңыз, себебі біз өз сервисімізде бөгде сайттарға апаратын жалған сілтемелерді бұғаттаймыз. Ықтимал сатушымен хат алмасу кезінде сізге қысым көрсетіп, өнім/қызметтің тартымды төмен бағасымен сізді тартуға тырысып жатпағанына назар аударыңыз. Мысалы, «шұғыл, соңғы тауар, бұдан төмен бағаны таба алмайсыз» сияқты жасанды дүрлікпелер, т.б. Өнім бағасын талқылау кезінде алаяқтар сұраныстың жоғары екенін айтып, алдын ала төлем жіберу немесе тауарды брондауды сұрауы мүмкін. Ешқашан алдын ала  ақша жібермеңіз! Мәміленің ашық және сатушының адал екеніне көз жеткізіңіз.

OLX сайтындағы алаяқты қалай табуға болады? Егер сіз алаяқ сатушының құрбаны болсаңыз, дереу полицияға хабарласып, арыз жазуды ұсынамыз. Тек арыз болған жағдайда, уәкілетті органдар тергеу жүргізе алады. Сондай-ақ, жаңағы сатушыны бұғаттап, басқа пайдаланушыларды қорғау үшін OLX ұжымына жүргізілген мәміле жайлы толық ақпарат беріңіз. Деректеріңіз басқа тұлғаларға белгілі болған жағдайда, тіпті ешқандай күмәнді әрекеттер байқамасаңыз да, банк картасын қайта шығару үшін міндетті түрде банкке хабарласыңыз.

OLX мәміленің сәтті болғанына көз жеткізбейінше, сатушымен өткен барлық хат алмасу, түбіртектер немесе төлемнің басқа кез келген дәлелін сақтауды ұсынады. Кез келген түсінбеушілік туындаған жағдайда, бұл дәлелдердің барлығы қажет болады. Біздің хабарландырулар қызметімізде тиімді, ең бастысы қауіпсіз сауда жасауыңызды тілейміз!