Эвакуатордың қандай түрлері бар?

Барлық жүкті кәдімгі жүк машинасымен тасымалдай алмайсың, арнайы техника қажет болатын кездер де болады. Мәселен, автокөлік, мотоцикл және басқа да маршруттық құралдар немесе кез келген өлшемсіз жүктерді тасуға эвакуатор қажет. Қазақстанда эвакуаторды еліміздің кез келген өңірінен қолжетімді бағамен сатып алуға болады.

Эвакуаторлардың түр-түрі бар:

• Жүкшығырлы эвакутор – эвакуатор платформасына көлікті тиеуге және түсіруге көмектесетін қосымша «жүкшығыр» механизмі бар көлік. Көліктің тірегі қай жерде орналасқанына қарамастан кез келгенін көтеруге мүмкіндік береді, сондай-ақ аласа көліктер үшін де тамаша. Жүктілік көрсеткіштері – 2,5–7 тонна.
• Манипуляторлы эвакуатор – краны бар жүк көлігі. Көліктің кең функционалдығы түрлі ақаулықтағы автокөлікті жетуі қиын кез келген аймақтан тасымалдауға мүмкіндік береді: жырадан, оталдыруы бұзылған жағдайда және т.б. Жұмыс принципі қарапайым: кранның көмегімен автокөлікті ұстап алып, эвакуаторға тиеп, қажетті жерге апарады. Жоғары өнімділік пен сенімділігіне қарамастан, эвакуатордың бұл түрімен жұмыс бәрінің қолынан келе бермейді: бұл көлік арнайы дағдыларды қажет етеді, өйткені кран жол қозғалысына, басқа жүргізушілерге қауіп төндіруі мүмкін.

Манипуляторлы эвакуатордың екі түрі бар:

– Тіке платформасы бар эвакуатор белгілі бір қашықтықта орналасқан көліктерді ұстай алады. Елді мекендер үшін және кедергілері бар, жетуі қиын жерлерден автокөлікті тасымалдау үшін ең жақсы нұсқа.

– Қисық платформалы эвакуатордың қос бүгісті платформасы бар. Көліктің жүктерді тасымалдауға болатын қашықтыққа шектеуі бар. Эвакуацияның бюджеттік және тиімді түрлерінің бірі.

• Жылжымалы платформасы бар эвакуатордың конструкциясы күрделі, сондықтан оның артықшылықтары мен функционалдары да көп. Мысалы, осындай эвакуатордың платформасы жинақтағы гидроцилиндрдің арқасында жылжи алады. Тағы бір артықшылығы эвакуатордың шағын болуы, ол кішкентай алаңдар мен аймақтарда жүк тасымалдау мүмкіндігін береді.
• Жартылай тиеу эвакуаторы жүк көліктеріне, тіркемесі бар жеңіл автокөліктерге және автобустарға жарамды. Транспорт көліктің кез келген жерінен, яғни ілмегінен, белдігінен немесе аспасынан ұстап алуға мүмкіндік беретін әртүрлі қондырмалармен жабдықталған.
• Екі қабатты эвакуатор әртүрлі салмақтағы екі автомобильді бір уақытта тасымалдай алады. Жинақтағы тірек жақтауының арқасында эвакуатор тепе-теңдікті сақтайды және қозғалыс кезінде қауіпсіздікті қамтамасыз етеді. Көбінесе «екінші қабат» – бұл жүк тиеу кезінде оңтайлы биіктік пен тепе-теңдікке қол жеткізуге мүмкіндік беретін қисық платформасы бар эвакуатор.

Эвакуаторлардың алуан түрлері бар, алайда ең көп таралғаны жүкшығыры бар эвакуатор. Әмбебаптылығы, ілмегінің орналасқан жеріне қарамастан автокөлікті жылжыту мүмкіндігі және басқа да ерекше артықшылықтарына байланысты жүкшығыры бар эвакуатор жиі қолданылады және барлық дерлік жеңіл автокөліктерге жарамды.

Автокөлік эвакуаторларының түрлері кез келген жағдайға, орынның күрделілігіне және т.б. Байланысты эвакуаторды таңдауға мүмкіндік береді. Сондықтан эвакуатор паркінің иесінде осы көліктердің барлық түрі болғаны абзал. Міндетті түрде: жүкшығырлы эвакуатор (ең кең таралған және әмбебап түрі), қисық платформалы эвакуатор (ең үнемді) және платформасы жылжымалы эвакуатор (ірі габаритті көліктерді тасымалдау үшін).