Қызмет көрсету нарығы карантиннен кейін қалай өзгерді?

Карантин халықтың әлеуметтік-экономикалық өмірінің барлық секторларына кері әсерін тигізді. Көп өзгерістер пайда болды. 

Карантиннен кейін қызмет көрсету нарығында не байқалады? 

Бухгалтерлік, заң, қаржылық және кадрлық қызметтерге сұраныс күрт азайды. Өткен жылмен салыстырғанда жиһаз өндірісі, құрылыс қызметтеріне де сұраныс азайған. 

Карантиннен кейін еңбек нарығына қандай мамандықтар керек? Заман талабына сай, көптеген кәсіп орындар нарықтағы орнын жоғалтпау мақсатында онлайн режимге ауысты.  Қазіргі таңда SMM, IT, Digital-маркетинг мамандары бизнес-секторда тапшы. 

Компанияларға стратегиялық даму үшін Big Data сарапшылары да қажет. Қазақстандағы кәсіп орындарының 80% сараптама технологиялары көмегімен көптеген мәселелер мен міндеттемелерін шешеді. 

Сату жөніндегі мамандар карантин кезінде де, карантиннен кейін де өзектілігін жоғалтпайды. Сауда секторы кіші және орта бизнестің өзегі болып есептеледі. 432,1 мың нысана сауда секторында жұмыс істейді. 

Сovid-19 таралуына байланысты медицина қызметкерлері сұранысқа және жоғары мәртебеге ие болды. Инфекционисттер, хирургтер, гинекологтар және эндокринологтар жоғары сұранысқа ие. 

2020 жылдың бірінші тоқсаны нәтижелері бойынша 15-28 жас аралығында жұмыссыздық көбейген, Қазақстан бойынша 75 000 адам құрайды. 

Қаржылық ахуалын реттеу мақсатында компаниялар шығындарын және кадр азайтып,  бизнес-процесстерді оңтайландыруда. Бұл жұмыссыздар санының күрт өсуіне әкеліп соқты, соның салдарынан еңбек нарығындағы бәсекелестік өсті. 

Жұмыссыз қалған жағдайда, жаңа мамандық игеріп, кәсибі және жеке дағдыларыңызды дамытуға әрекет жасаңыз. Дамудың жаңа жолдарын іздестіріңіз. Дүрбелең заманда жаңа мүмкіндік табыңыз.