Бала күтуші қалай таңдау керек?

Әрбір ата-ана бала күтуші таңдауға үлкен жауапкершілікпен қарайды. Қайдан іздеу қажет, өз балалары болуы қажет пе? 

Бұл қиын сұраққа жауап табу үшін біздің практикалық кеңестерге сүйене отырыңыз. 

Бала күтушіні интернеттен әлде таныстардың ұсынысы бойынша іздеген дұрыс па? Әр ата-ана балалары үшін әрдайым уайымдап жүреді. Бала күтушіні сіз арнайы кадрлық агенттіктерден немесе біздің сервистегі Қызметтер бөлімінде іздей аласыз.  

Бала күтуші жасы 45 жастан аспағаны дұрыс деп есептейміз. Балалар тез өседі. Балаға ілесу үшін бала күтуші де белсенді болуы қажет. Екіншіден, өз балалары ересек болғаны абзал, мектеп жасындағы балалар жиі аурады, сол себепті бала күтуші инфекция тасымалдаушы болуы мүмкін. 

Бала күтушінің білімі жайында да жас ата-аналарда  көп сұрақтар туындайды, педагогикалық немесе медициналық білім болғаны дұрыс па? Бір жасқа дейінгі балаларға келгенде медициналық білімі болғаны жақсы деп есептейміз. Үш жасқа толмаған балалар үшін педагогикалық білім болуы міндетті емес. 

Бала күтушіні жұмысқа алғанда, мінез-құлқына, сөйлеу мәнеріне, киген киіміне, иісіне мән бергеніңіз жөн болады. Сұхбатқа кезінде аттестаттар, дипломдар мен сертификаттарды көрсетуін сұраңыз. Жұмысқа үміткерден мінездеме сұраңыз, алдынғы жұмыс орнынан звондауға тартынбаңыз.  

Медициналық анықтама болуы міндетті. Құжаттың жарамдылығында күмәніңіз болса, анализдерді бірге тапсыруға ұсыныс жасаңыз. 

Жасы, білімі, тәжірибесі және мінездемесі мінсіз болып тұрғанның өзінде іштей көңіліңіз толмаса, ол адаммен жұмыс бастамағанды жөн көреміз. Балаңызды сеніп тапсыратын адам таппайынша іздестіруді тоқтатпаңыз.