Тіл кедергісін қалай жеңіп шығуға болады?

Бірнеше тілде еркін сөйлейтін болсаңыз, көп мүмкіндіктер ашылады. Бір шет тілін білу міндетке айналған. Алайда көп адамдар тіл кедергісін жеңе алмай қиналуда. OLX осы мақалада шет тілінде қалай еркін сөйлеп үйренуге болатыны туралы сөз қозғайтын болады. 

• Шет тілінде сөйлеу үрейі, көпшілік алдында сөз сөйлеу үрейіне ұқсас. Сахнаға шығар алдында сөзіңізді дайындап, жаттап шықсаңыз да, бәрін шатастырып, ұмытып кетуіңіз ықтимал. Әдетте, ақымақ, біліксіз, түсініксіз болып көрінуден қорқамыз. Тіл кедергісін жеңу үшін тіл деңгейі өзіңізден төмен топ арасында сөйлеуге кеңес береміз. Осылайша, сенімді, әрі еркін сөйлей бастайсыз. 
  
• Үздік болғыңыз келсе, үздіктерден үйреніңіз! Ғаламтор, әлеуметтік желілер шетелдіктермен танысуға мүмкіндік береді. Сол мүмкіндікті пайдаланып шетелдік дос табыңыз, сонда үйреніп жүрген тіліңізді қолдана аласыз. 
  
• Қызығы, басымызды қатырмасақ тіл үйрену шын мәнінде оңай. Сондықтан, полиглоттардың кеңесіне сүйенетін болсақ, еркін ортада, Alies, Табу немесе Мафия ойнап тіліңізді жаттықтырсаңыз болады.  Жеңуге деген ұмтылыс тіліңізді ашады,қате жіберуден де қорқпайтын боласыз.  
  
• Қате жіберуден қорықпаңыз, түк істемеген жағдайда ғана қате болмайды. Шет тілін үйренгенде қате жібермесеңіз болмайды. 
  
• Сондай-ақ тіл үйренуде мұғалімнің орны бөлек. Жоғары білікті мұғалімді OLX хабарландырулар сервисінен таба аласыз. Аптасына екі-үш рет сабақтан бөлек, тіл үйренуге күніне ең кемінде 20-30 минут бөліңіз. Жаңа сөздер үйрену немесе шет тілінде фильм, я сериал көру сияқты өзіңіз ләззат алатын әдетті күнделікті өмірге еңгізіңіз. 
  
• Асықпаңыз, ойыңызды сауатты жеткізуге тырысыңыз, ал жылдамдық уақыт еншісінде. Алғашқы кезеңде пауза жасаудан ұялмаңыз, себебі сөзіңіздің анықтығы әлде қайда маңызды. 
  
• Әңгіменің мәнін түсінуге тырысыңыз. Түсінбеген сөздерге қадалып қалмаңыз. Ең бастысы әңгіменің мәнін түсіну, туған тілде де барлық сөздерді біле бермейміз. 

Тәжірибе жинаңыз! Бастысы қорықпаңыз және ұялмаңыз! Түк істемейтін адам ғана қате жібермейді. Ешқайсымыз бір тілгде сөйлеп туа салмайды, тілді біз үйренеміз.