2022 жылғы ипотекалық бағдарламалар

Ипотека – жылжымайтын мүлікті несиелеудің кең таралған түрі. Қазақстандағы ипотекалық бағдарламалар жыл сайын жаңартылады, осылайша азаматтар армандаған баспанасын сатып алу мүмкіндігіне ие болады. OLX хабарландыру қызметі арқылы Астанадан 1 немесе 2 бөлмелі пәтерді ипотекаға сатып алуға болады. Бұл мақалада біз 2022 жылғы өзекті ипотекалық бағдарламаларды қарастырамыз.

Қазақстанда ипотека алу шарттары

Қазақстанда ипотека алу оңай ма? Өкінішке қарай, бастапқы жарнасыз ипотекалық несие алу мүмкін емес. Тіпті мемлекет бағдарламалары да кем дегенде 10% бастапқы жарнаның немесе Отбасы банкінің депозитінде жинақтың болуын талап етеді. Қазақстандағы ипотека пайызы таңдаған банкке немесе мемлекеттік бағдарламаға байланысты өзгереді, жылдық 3,5%-дан 26,5%-ға дейін баруы мүмкін. Несие алудың алғы шарттарының бірі – төлемнің жалпы сомасы табыстың 50%-нан аспауы керек, яғни 150 мың теңге қарыз алғыңыз келсе, кемінде 300 мың теңге табыс табуыңыз керек. Ипотеканы зейнеткерлік жасқа дейін ала беруге болады – ерлер үшін 63 жас, әйелдер үшін 60,6 жас. Тұрғын үйді бастапқы және қайталама нарықта несиеге алуға болады. Қазақстанда қайталама тұрғын үйлер үшін ипотека 1965 жылдан кейін салынған үйлерге беріледі. Бастапқы жарнаның мөлшері салынған жыл мен үйдің материалына байланысты өзгереді, тұрғын үй неғұрлым ескі болса, соғұрлым көп ақша салу қажет болады.

Банктерден ипотека ұсыныстары

Несиені қай банктен алған дұрыс?

Ипотеканың ең қолайлы шарттарының бірі «Отбасы Банкте» ұсынылған. «7-20-25» әлеуметтік бағдарламасы бойынша ипотека алу мүмкіндігіне байланысты қазақстандықтар арасында кең таралған несие беретін банктер «Банк ЦентрКредит», «Қазақстан Халық Банкі» болып табылады.

Ипотека қалай істейді?

Пәтер немесе үй сатып алуға мүмкіндік беретін банктен несие аласыз, бұл сатып алынған мүлікті немесе сізге тиесілі басқа жылжымайтын мүлікті кепілдікке қалдырасыз. Кепіл банк үшін оның алдындағы қаржылық міндеттемелеріңізді өтейтіндігіңіздің кепілі болып табылады.

Қазақстанда ипотеканы қалай рәсімдейді?

1. Жылжымайтын мүлік табыңыз;
2. Тұрғын үй бағдарламасын таңдаңыз;
3. Осы бағдарламаны жүзеге асыратын банкті таңдаңыз;
4. Барлық қажетті құжаттарды жинаңыз, қажетті процедуралардан өтіңіз;
5. Бастапқы салымды жасаңыз;
6. Банктен несие алғаныңыз туралы растау аласыз.

Қазақстагда ипотекалық несиелеудің қандай шарттары ұсынылған?

Қазақстанда ипотекалық несиелеу шарттары мемлекеттік бағдарлама мен банкке байланысты өзгеріп отырады. Елімізде орташа пайыздық мөлшерлеме 17-18%, бастапқы жарна мөлшері 20%-ды құрайды. Қазақстанда ипотеканы 10-ға жуық коммерциялық банктен алуға болады, олардың қатарына мемлекеттік «Отбасы банкі» де кіреді. OLX қаржы институттарының ұсыныстарын төмендегі кестеге жинады.

Нұрлы жер

Бұл ипотекалық бағдарлама әлеуметтік қорғалмаған санатқа жататын қазақстан азаматтарына арналған және жалға алып, әрі қарай сатып алу мүмкіндігі қарастырылған. Бағдарламаның басты артықшылығы – қаражат жетпеген жағдайда кепілгерді тартуға болады. Сатып алу мүмкіндігі бар жалдау 20 жылға дейін қолжетімді.

7-20-25

«Әр отбасының баспаналы болу мүмкіндігі бар» бастамасы аясында жасалған қазақстандықтарға арналған әлеуметтік бағдарлама. Алғашқы жарна мөлшері тұрғын үй құнының кемінде 20%-ын құрайды. Несие мөлшеріне шектеулер бар, оның максималды құны сатып алатын мүлік құнының 80%-ын құрайды. Ипотека мерзімі – 25 жылға дейін, пайыздық мөлшері – 7%. Қатысушылар ғимаратты салушыны өздері таңдап, бастапқы нарықтан тұрғын үй сатып ала алады. Бір жылдан астам қызмет көрсететін бұл бағдарламаның 2022 жылдың соңына дейін жұмыс істеуі жоспарланып отыр.

Орда

«Орда» ипотекалық бағдарламасы «Еуразиялық банк» арқылы жаңа және қосалқы тұрғын үйлерді сатып алуға мүмкіндік береді. Бірақ тұрғын үйді Қазақстанның кейбір қалаларынан ғана сатып алуға болады: Астана, Алматы, Шымкент, Ақтөбе, Түркістан, Ақтау, Атырау, Көкшетау, Қарағанды, Қостанай, Қызылорда, Петропавл, Павлодар, Семей, Тараз, Өскемен және Орал. Несие 1 миллион теңгеден 65 миллионға дейінгі соманы құрайды (қалаға байланысты). Бағдарламаның басты артықшылығы – кірісті ішінара растау мүмкіндігі, бұл жағдайда бекітілген сыйақы мөлшерлемесі жылына 14%-ды құрайды. Табыс толықтай расталған жағдайда, жылдық мөлшерлеме 12% құрайды. Несие мерзімі 20 жылға дейін.

SUPER Ипотека

ЦентрКредит банкі мен «BI Group» құрылыс холдингі «SUPER ипотека» деген жаңа ипотекалық бағдарламаны іске қосты. Несие мөлшерлемесі жылдық 4%-дан 13,5%-ға дейін. Мерзімі қысқа болған сайын несиенің пайыздық мөлшерлемесі де төмендейді. Бастапқы төлем 20%-дан басталады, несие сомасы 80 миллион теңгеге дейін және қосымша кепілдікті қажет етпейді. Бұл бағдарлама Қазақстанның төрт қаласында ғана қолжетімді: Нұр-Сұлтан, Алматы, Шымкент және Атырау. Өтініш беру үшін “BI Group” холдингінің ресми сайтынан өзіңіз қалаған нысанды таңдап, жеке куәлігіңізбен ЦентрКредит банкіне барыңыз.

Жас отбасы

Отбасын енді құрғандарға арналған бағдарлама. Жылдық сыйақы мөлшерлемесі – 6%, несие сомасы 90 млн теңгеге дейін жетуі мүмкін, ипотека 6 жылдан 9 жылға дейін беріледі. Сатып алып жатқан үйді кепілдіке қою талап етіледі.

Елорда Жастары

«Отбасы банкі» ұсынатын 10% бастапқы жарнасы бар жастарға арналған ипотекалық бағдарлама арқылы Астанадан ипотекаға пәтер сатып алуға болады. Сыйақы мөлшерлемесі жылдық 5%-дан бастап, несиенің максималды сомасы 18 млн теңгеге дейін, максималды мерзімі 25 жылға дейін. Бағдарлама Астана қаласының бастапқы және қайталама нарықтарында тұрғын үй сатып алуға арналған. «Елорда жастарына» Астана қаласында кемінде бір жыл ресми жұмыс өтілі бар 35 жасқа дейінгі Қазақстанның жас азаматтары қатыса алады.

Ұмай

Әйелдерге арналған «Ұмай» ипотекалық бағдарламасы 15% бастапқы жарнамен баспана алуға мүмкіндік береді. Ипотека 25 жылға дейін беріледі. Несиенің максималды сомасы 30 млн теңгеге дейін, пайыздық мөлшерлемесі 13,5% (кейіннен төмендету мүмкіндігі бар).

Әскери Баспана

Бастапқы жарнасы 15%-ды құрайтын, баспана төлемін алатын азаматтарға арналған «Отбасы Банкінің» ипотекалық бағдарламасы. Бұл бағдарламаға қатысу үшін «Отбасы банкінде» тұрғын үй құрылыс жинақ депозитін ашып, баспана құнының жартысын жинау қажет. Осыдан кейін азаматтар ең төменгі пайызбен – жылына 3,5-тен 8 пайызға дейін несие ала алады.

Қазақстандағы ипотека – баспаналы болу үшін несие алудың қолжетімді және оңтайлы түрі. Қазақстандағы 2022 жылғы ең тиімді ипотеканың қайсысы екенін айту қиын.

Ипотекаға өтініш бермес бұрын мыналарды ұсынамыз:

• әртүрлі банктердегі артық төлемдер мен несиелеу шарттарын салыстыру. Ол үшін банктің кез келген бөлімшесіне хабарласып, сізді қызықтыратын ипотекалық бағдарлама бойынша алдын ала есептеулерді сұраңыз;
• ағымдағы мемлекеттік бағдарламаларды және оған қатысу мүмкіндігіңізді зерделеу;
• банкте төлем қабілеттілігін бағалауды алдын ала тапсырыңыз: қанша мақұлдауға болады;
• Ипотекалық несиені өтеудің оңтайлы мерзімі 10-15 жыл. Мерзім неғұрлым ұзақ болса, соғұрлым артық төлейсіз.