2023 жаңа жылға әріптестеріңізге қандай сыйлық беруге болады?

Жаңа 2023 жыл жақындап қалды, сондықтан жаңа жылға әріптестеріңізді қуанту үшін қандай сыйлық беруге болатынын және алдын ала тапсырыс беруді ойластыратын сәт келді.

Жаңа жылға әріптестерге сыйлық беру — ынтымақтастық пен достық үшін ризашылық, таңданыс пен алғыс білдіру жолы.

Жаңа жылға әріптесіңізге сыйлық беру қарым-қатынастарыңызды күшейтіп, ақылақтық рухты және адамның көңілін көтереді.

Қандай сыйлық беру керектігі туралы ойлағанда, әмбебап және «қауіпсіз» сыйлықтарды қарастырған жөн, бірақ оны ерекше еткен дұрыс.  Мысалы, стандартты емес, күлкілі жазу, мем сурет немесе қолдан жасалған элемент қосуға болады. Барлығы сіздің қиялыңызға байланысты.

Жаңа жылға әріптестерге қандай кәдесыйлар беруге болатынын қарастырайық. Сыйлық қорапшаларын толтыру сыйлықты алатын адамның қызығушылықтары мен жасына байланысты өзгереді. Мысалы, косметикалық қораптарды сыйлық алушының жасы мен терісінің түріне қарай таңдауды ұсынамыз. Жас әріптесіңіз қартаюға қарсы 50+ кремін алса, ыңғайсыз болады.

Бос уақытыңыз болса әріптесіңізге сый қорапшасын өзіңіз дайындауға болады.

Ол үшін не қажет:

— сыйлықтарға арналған қораптар;

— әріптесіңіздің қызығушылықтары мен талғамдары жайлы білу;

— сыйлық қаптамасы;

— уақыт.

Қорапқа не салатыныңызды ойластырғаннан кейін, оларға онлайн тапсырыс беруге немесе бір күніңізді бөліп, дүкенге баруға уақыт керек. Көп жағдайда қораптағы заттар саны 3-тен көп болады. Жаңа жылдық сыйлар салынған қораптар, әдетте, кез келген жастағы және жыныстағы адамдар үшін жақсы таңдау болып табылады. Шырша ойыншықтары, шоколадтар, печеньелер, ашықхаттар, шамдар, тосап, жемістер – мұның бәрі мереке алдында ерекше атмосфера беріп, әріптесіңіз бен оның отбасын қуантатын жағымды ұсақ заттар.

Сіз бастықсыз және ұжымыңызда бірнеше адам немесе толық бір бөлім бар ма? Онда ұжымыңызға жаңа жылға корпоративтік сыйлықтар беруге болады.

Компанияның логотипі бар сыйлықтар қызметкерлердің сол жерде жұмыс істегені жайында  естелік болып қалады.

Футболка мен толстовка

Керемет сыйлық. Гардеробта бұл киімдер артық болмайды. Тығыз материалдан тігілген сапалы киім таңдауға тырысыңыз, ондай киімді ұзақ киюге болады. Бірнеше рет жуғаннан кейін футболканың түсі оңып, худи тарылып қалса ұят болады.

Блокноттар, қаламдар

Барлық адамдар қалай болғанда да бір нәрсеге қатысты болуға тырысады. Қоғам, ұжым. Компания логотипі бар блокнот кеңсе тауары ғана емес, сондай-ақ қызметкерлерге компанияның бір бөлігі екендерін көрсетеді. Мұнда ең бастысы – эстетикалық тартымды дизайн мен сапа.

Паурбанктар

Паурбанк — сапарларда керек болатын маст хэв зат. Қазіргі уақытта сымсыз зарядтау функциясы бар құрылғылардың керемет түрлері жетерліктей. Бұл смартфондарды немесе планшеттерді тікелей қоспай-ақ зарядтауға мүмкіндік береді. Сондай-ақ, USB Type-C кабелімен толықтырылған қосымша жылдам зарядтау мүмкіндігі бар модельдер бар.

Брендіңізді көрсетіп,  әріптестерге сыйға тартуға болатын бірнеше заттар:

— Телефонға тіреуіш;

— картхолдер;

— арқа сөмке;

— термос;

— кофеқайнатқыш.

Жаңа жылға ұжымыңызға тағы не сыйға тарута болады:

— сыйлық қаптамасындағы арнайы дүкеннен кофе немесе шай;

— тәттілер мен кәмпиттер жинағы;

— шампан немесе басқа алкоголь

— белгілі бір дүкендерге сертификаттар.

Әріптес қыздар үшін сыйлықтар:

Қыш құмырадағы өсімдік

Дұрыс күтім көрсеткен жағдайда, ұзақ уақыт көзді қуантады. Қалай күту керектігін бәрі біле бермейді, сондықтан күй талғамайтын өсімдікті таңдаңыз. Міне бірнеше түрі:

• Каланхоэ. Анда-санда бір суаруға болады, сондықтан әріптесіңіз гүлді суаруды ұмытып кетсе де, гүл өлмейді.
• Кактустар мен суккулентер. Классикалық, бірақ керемет нұсқа.
• Замиокулькас. Тұрақты қоректендірудің қажеті жоқ, күтімі оңай.

SPA-центр, маникюр, педикюр және басқа да бьюти процедураларға сертификат.

Тырнақтар мен басқа да сұлулық процедуралар арзан тұрмайды. Әйел әріптестеріңіз жақсы сұлулық салоны немесе спаға сертификатты жоғары бағалайтыны сөзсіз.

Керек-жарақтар салынған қораптар

Мысалы сабын, денеге арналған мист, қол мен денеге крем, ванна үшін бомбочкалар. Ондай заттар жиі бітіп қалатындықтан, ешқашан артық болмайды.

Енді жаңа жылға еркек әріптеске не беруге болады.

Автодүкендер немесе электроника дүкендеріне сертификаттар

Әріптесіңіз геймер немесе көліктерге әуес пе? Техника немесе қосалқы бөлшектер арзан емес, сондықтан кішкентай үлес болса да қымбатты әріптесіңізге үнемдеуге көмектеседі.

Термоыдыстар

Таң атысымен кофе немесе шай ішуді сүйетіндер үшін. Термоыдысқа кофе құйып алып, кеңсеге немесе басқа істеріңіз бойынша жолға шыққанда ішуіңізге болады. Бұл ыдыс пен термостың қосындысы секілді.

Автокөлік иелеріне арналған термоыдыстарды айта кетейік. Оларды стакан қоятын орынға орналастырып, сапар кезінде сусын ішуге болады.

Компьютер тінтуірі, пернетақта

Әріптесіңізді бақылаңыз. Егер сымды тінтуір қоданатын болса, қолайлы болу үшін сымсызын сыйға беруге болады. Пернетақтамен мәселе күрделірек.

Әркімнің өз қалаулары бар. Алайда әріптесіңіздің өзі сізге қандай да бір затын жаңартқысы келетінін айтқан болса, онда батыл іске көшіңіз. Досыңызға айналған жақын әріптесіңіз компьютер ойындарын сүйетін болса,  ойын пернетақтасын беріңіз.

Бастыққа сыйлық сатып алу қауіпті, бірақ игілікті іс. Сыйлық тым арзан және тым қымбат болмауы тиіс, әйтпесе оны ыңғайсыз жағдайға түсіресіз. Бірнеше әріптестермен немесе бөлім болып сыйлық дайындауды ұсынамыз. Жұмыстан тыс қызығушылықтарына қатысты сый таңдауға болады.

Іздеуді жеңілдету үшін түрлі бастықтарға арналған 5 үздік сыйлықтар тізімін дайындадық.

1. Эксклюзивті мұқабасы бар кітап

Бастығыңыз кітап оқығанды ұната ма? Онда көп томдық немесе кітаптар жинағының сыйға тартулық басылымын беру тамаша нұсқа болып табылады. Мүмкін сыйлық болашақта оның балаларына немесе немерелеріне қалар.

2. Қымбат алкоголь, шоколад және ірімшік салынған қорапша

Бұл қорапша бастығыңыздың ұрпақтарына қала қоймас, өйткені келер мереке күндері тез желінетіні анық.

3. Таспалы фотоаппарат

Шығармашыл немесе фототүсіріліммен айналысатын директорға керемет сыйлық. Сыйлыққа таспа қосып беруді ұмытпаңыз.

4. Сертификат

Парашютпен секіру, аспаздық мастер сабаққа қатысу немесе бастығыңыз қалайтын кез келген жерге сертификат.

5. Кресло немесе үстел

Дұрыс таңдалған компьютер креслосы мен үстелі жұмыс үстелінің алдында ұзақ отыратын адамның омыртқасы мен денсаулығы үшін маңызды.

Тізім тым ұзын. Бәрі бастығыңыздың не ұнатып, немен айналысатынына байланысты.

Керемет жаңа жылдық сыйлықтың тағы бір маңызды бөлігі — әдемі қаптамасы.

Қаптама және дұрыс ұсыну тіпті ең қарапайым сыйлықты ерекше ете алады.

К упаковке можно добавить милых деталей. 2023 жылғы стильді және ұтымды шешім — крафт қағазы. Бірақ егер жарқынырақ қаптама қаласаңыз, мамандандырылған немесе гүл дүкендерінен әрқашан мерекелік қаптаманы таба аласыз. Қаптамаға сүйкімді элементтер қосуға болады.

Декор үшін қосымша элемент нұсқалары:

— жіп;

— крафт қағаз;

— шыршаның бүршігі;

— шырша бұтағы;

— гүлдер;

— шырша ойыншықтары.

— қорапқа арналған толтырғыш немесе майлық

Сыйлыққа кішігірім хат жазуды ұмытпаңыз, әсіресе құпия санта ойнайтын болсаңыз.. Әйтпесе, сыйлықтың жоғалып қалуы немесе басқа адамға берілуі мүмкін.

Сыйлықты жекелендіру үшін әріптесіңіздің өткен жылғы еңбектеріне алғыс білдіріп, тілек жаза аласыз. Бұл сыйлықты жағымды әрі есте қаларлық етеді.

Екі мәнді тұспалды білдіретін сыйлықтардан бас тартқан дұрыс. Мысалы, терісімен проблемасы бар әлде артық салмақты адамдарға күтім косметикасын немесе таразы бермеген жөн. Сондай-ақ тар мамандандырылған бағыттағы заттарды бермеу керек, әріптесіңіздің ол салаға дым қызығушылығы болмауы мүмкін. Спортты ұнатпайтын адамға спорттық құрал беру орынсыз. Сыйлықты алатын адамның хоббиін/қызығушылығын алдын ала білуге ​​кеңес береміз. Әріптестерге интимдік немесе интимге тұспалдайтын нәрселерді беруден аулақ болыңыз.

Зерттеулерге сәйкес, орташа өмір сүру ұзақтығы 65 жыл деп алатын болсақ, стандартты 8 сағаттық жұмыс күнімен адам өмірінің 7 жылын жұмыста өткізеді екен. Сондықтан, кеңсеңізде атмосфера жағымды және жылы шырайлы болғанын, қызметкерлеріңіз жаңа жылғы міндеттеріне жаңа күш және мотивациямен кіріскенін қаласаңыз, жаңа 2023 жылға сыйлық таңдауға жауапкершілікпен қарауды ұсынамыз.