Автосақтандыру: сенімді әрі тиімді бағамен қалай таңдауға болады
Қазақстанда автокөлікті сақтандыру міндетті болып табылады. Әрбір көлік түрінің өзіндік бағалары бар, сақтандырушылар сол бағалар аясында тарифті белгілеуге міндетті. Сондықтан автокөлікті сақтандыру полисі барлық дерлік компанияларда шамамен бірдей. Солардың арасынан сенімді және адал мамандарды қалай таңдауға болады? Көлікті сақтандыру үшін қалай таңдау жасау керектігін және автосақтандыру құнын қай жерде есептеуге болатынын айтамыз. Қазақстандағы көлікті сақтандыру бағасын OLX хабарландыру қызметінен таба аласыз 🙂
Көлікті сақтандыру полисі дегеніміз не?
Автополис – бұл көліктің бүзылу, апат немесе ұрланған жағдайда зақымдар мен шығынын өтеуге арналған көлікті сақтандыру арқылы қорғау. Қазақстанда автокөлікті сақтандыруды ҚР Ұлттық Банкінің лицензиясын алған кез келген сақтандыру ұйымынан рәсімдей аласыз. OLX сайтының көмегімен Алматыда автосақтандырумен айналысатын ұйымдарды таба аласыз!
Беделі
Компанияның нарықтағы жұмыс істеу мерзімі сақтандыру компаниясының сенімділігін, қаржылық тұрақтылығын және құзыреттілігін көрсетеді. Жұмыс істеу мерзімі, есептері, тәжірибесі және тұтынушылардың пікірлері бойынша ұйымды бағалауға болады. Мысалы, нарықта 10 жылдан астам уақыт бойы жұмыс істеп келе жатқан компанияның қызметіне күмәндану қиын.
Сенімділік рейтингі
Жыл сайын түрлі рейтинг агенттіктері сақтандыру компанияларының сенімділік пен тұрақтылық деңгейін көрсетіп, тізімдер құрады. Ұйымдар көбінесе 5 категорияға бөлінеді:
– А класы – сенімділік деңгейі жоғары;
– B класы – сенімділік деңгейі қанағаттанарлық;
– С класы – төмен;
– D класы – компания банкротқа ұшыраған;
– Е класы – лицензияны алып қою сатысында.
Автосақтандыруды сенімділік деңгейі жоғары, А санатындағы ұйымдарда жасатқан жөн, олар өз кезегінде бірнеше түрге бөлінеді:
- сенімділік деңгейі жоғары;
- сенімділік деңгейі өте жоғары;
- сенімділік деңгейі ерекше жоғары.
Мұндай зерттеулерден сақтандыру нарығының болашағы туралы оқып, білуге болады: рейтингте қай компаниялар қалады, қай қомпаниялар төмендейді және т.б. Ұзақ мерзімді қамтитын есептерді, тіпті бірнеше есептерді қарап шығыңыз. Автосақтандыруды таңдау кезінде сенімділік рейтингі ең маңыздысы емес екенін есте сақтаңыз, бұл процедура ақылы болғандықтан, кейбір компаниялар тізімге кірмей қалуы мүмкін.
Қаржылық тұрақтылық
Сақтандырушының қаржылық тұрақтылығы нарықтағы экономикалық жағдайларға қарамастан өз міндеттемелерін орындай алатынын көрсетеді. Ұйымның қаржылық қызметін бағалау үшін экономика маманы болу міндетті емес, төмендегілерге назар аудару жеткілікті:
- Жарғылық капитал. Қазақстанда «жалпы сақтандыру» қызметін жүзеге асыруға лицензия алу үшін, заңдарымызға сәйкес, компаниялардың кемінде 430 миллион теңге жарғылық капиталы болуы керек.
- Компания активтері: мүлік, материалдық құндылықтар, инвестициялар және т.б. Сақтандыру ұйымының бос активтері неғұрлым көп болса (тыйым салынбаған немесе кепілге қойылмаған), соғұрлым тұрақты және төлем жасауға қабілетті деген сөз.
- Сақтандыру портфелі – жасалған келісімшарттардың саны немесе басқаша айтқанда, клиенттер мен қаржылық міндеттемелердің саны. Бұл көрсеткіштер компанияның төлем жасау қабілетіне сәйкес болуы керек.
- Төлем деңгейі компанияның клиенттерге ақшаны қаншалықты уақтылы және тиімді төлейтінін көрсетеді. Төлемдер мен бонустардың мөлшеріне назар аударыңыз. Олар неғұрлым жоғары болса, соғұрлым жақсы, бұл компанияның өз міндеттемелерін адал және уақтылы орындайтынын, полис бойынша ақша өтейтінін көрсетеді.
- Сақтандыру резерві сақтандыру төлемдерін өтеу үшін пайдаланылады, сәйкесінше, олардың төмендеуі нашар көрсеткіш болып саналады.
- Қайта сақтандыру арқылы қорғау – сақтандыру портфелін теңестіру және қаржылық тұрақтылықты ұстап тұру мақсатында басқа сақтандыру агенттіктеріне үлкен тәуекелді сату.
Бұл деректер сақтандыру компаниясының сайтында көрсетілуі тиіс, төлемдер деңгейі туралы ақпаратты Қазақстан Ұлттық Банкінің сайтынан табуға болады.
Ұйым жағдайы
Қазақстан Ұлттық Банкі сақтандыру ұйымдарының заң талаптарын орындауы туралы ақпарат ұсынады. Мемлекеттік мекеме сайтынан сақтандырушыда ескертулердің болып-болмағанын, оның қызметі тоқтатылмағанын тексеруге болады. Сақтандыру қызметін жүргізуге қажетті лицензияның бар-жоғын Ұлттық Банктің сайтында сақтандырушылар тізілімі арқылы қарауға болады. Компанияның қай жерде тіркелгеніне көңіл бөліңіз. Басқа елдерде тіркелген сақтандыру ұйымдары күдік туғызады.
Тарифтер
Төмен бағалы сақтандыру қызметін іздемеңіз. Нарық құнынан төмен сақтандыруды алаяқтар немесе адамдарды төмен бағамен өздеріне тартып, соңында алдап немесе банкротқа ұшырайтын компаниялар ұсынуы мүмкін. Клиенттерге адалдық бағдарламаларын, түрлі бонустар, төтенше жағдай бойынша комиссарлар немесе тәулік бойы істейтін байланыс орталықтары тәрізді қосымша қызметтері бар ұйымдарды таңдаңыз.
Көлікті қалай сақтандыруға болады?
Автокөлікті сақтандыру жазбаша түрде жасалады. Басты ережесі – сақтандыру сомасы автомобильдің бастапқы бағасы, сыртқы түрі және амортизациясымен есептелген құнынан аспауы керек.
Автокөлікті сақтандыру құны пайдалану мерзімін, жүргізу тәжірибесін, апаттар тарихын және көліктің тіркелген жерін ескере отырып есептеледі. Келісімшартқа отыру үшін келесі құжаттар қажет:
– Жүргізуші куәлігі;
– Автокөлікті тіркеу туралы куәлік;
– Жол қағазы;
– Көлікті пайдалану немесе иелену құқығын растайтын сенімхат (егер көлік ресми түрде сіздің атыңызға тіркелмеген болса).
Ниеті нашар сақтандырушыға тап болсаңыз не істеу керек?
Сізге төленуі тиіс сомадан тым аз төледі ме? Оқиғаны бағалау құнын тым төмендетті ме? Төлем жасамай, уақытты созып жатыр ма? Сақтандыру омбудсменіне жүгінуге немесе ҚР Ұлттық Банкіне шағымдануға болады.
Автокөлікті сақтандыру компаниясының жұмысымен және қызметтерімен жақсырақ танысу үшін алдын ала кеңсесіне хабарласуды ұсынамыз. Оған қоса, қызметкерлер көлігіңізді сақтандыру құнын есептеп береді.
Соңғы мақалалар
2019 жылғы мәліметке сүйенетін болсақ, Қазақстанда жұмыс көп болғанымен білікті мамандар жетіспейді…
OLX-те сіз браузеріңізде JavaScript өшірілген болуы мүмкін екенін хабарлайтын қатені көрген болуыңыз…
Смартфон енді адамға «тек байланыс үшін» функциясын ғана атқара алмайды. Бұл көңіл…
Егер сіз жаттығу залына бармасаңыз және жоспарыңызда арықтау болса, онда жаттығуларды үйде…
Күтім косметикасының ішінде патчтар — бұл теріні реанимациялау кезіндегі жедел жәрдем. Арнайы…