Балаға арналған автокресло қалай таңдау керек?

Жол қауіпсіздігі өте маңызды, әсіресе өзіңізбен бірге отбасыңыздың ең жас мүшесі көлікте болса аса сақ болу керек. Жолсапарын барынша сенімді әрі ыңғайлы ету үшін, бала автокреслосын дұрыс таңдаған жөн. Осы мақалада сауда жасау кезінде көңіл аударуымыз керек негізгі факторлармен бөлістік. Көбіне адамдар автокреслоның жоғары бағасынан сескенеді, алайда атақты брендтерден кем түспейтін арзан автокреслолар да бар. OLX хабарландыру сервисінен балаңыз үшін түрлі маркалар мен өлшемдегі автокреслоларды таба аласыз.

Автокресло алу кезінде баланың жасын емес, бойын және салмағын ескеріңіз. Бала автокреслоларының бірнеше топтары бар:

“0 тобы” автобесігі 10 кг және 6 айға дейінгі салмақтағы нәрестелерге арналады. Бала креслосын алдыңғы орынға қырымен орнатқан дұрыс.

“0+ тобы” бір жасқа, 13 кг салмаққа дейінгі балаларға арналған автобесік тасымалдаушы. Баланы тасымалдау кезінде артқы жағын алдыға қаратып ұстау ұсынылады.

“1 топ” – 9 айдан 4 жасқа дейінгі салмағы 9–18 кг балаларға арналған автокресло. Орындық алдыңғы әйнекке қаратып немесе қозғалысқа қарсы орнатылады.

“2 топ” – 3 – 7 жас аралығындағы салмағы 15–25 кг болатын балаларға арналған.

“3 топ” – 6 – 12 жас аралығындағы салмағы  22–36 кг балалар үшін бустер.

Нарықта автокресло бекіткішінің екі негізгі түрі ұсынылған:

• Автомобильдің штаттық белбеуі – үш нүктелі қауіпсіздік белбеуі бар кез келген маркалы автомобильдерде қолдануға болатын әмбебап бекіткіш. Бұл түрдің тағы бір артықшылығы – барлық топтардағы автокреслоларды бекіту үшін қолданылады. Бірақ, өкінішке қарай, автокреслоны штаттық белдіктермен бекіту қиын, өйткені бекіту әдісі күрделі.
• IsoFix (Изофикс) жүйесі: бекітудің бұл түрін Халықаралық стандарттау ұйымы (ISO) барлық автокөліктерде автокреслоларды орнату бірдей, жылдам және пайдалануға оңай болуы үшін жасаған. IsoFix жүйесі өте ыңғайлы, өйткені бекіткіш автокреслоны өте тез, жеңіл және сенімді түрде қатайтуға мүмкіндік береді.

Автокресло корпусында қызғылт сары түсті таңбаның бар-жоғын тексеріңіз, онда әдетте қауіпсіздік стандартының нұсқасы, жас тобы және «E» бас әрпі көрсетіледі. Барлық автокреслолар ECE R44/04 немесе R129 (I-Size) қауіпсіздік стандарттарына сәйкес болуы керек. Сонымен қатар, жазатайым оқиғалар кезінде қауіпсіздік үшін апаттық сынақтардан өткен үлгілерді сатып алуды ұсынамыз.

Жаңа туылған бөпеге автокресло таңдау кезінде келесі жайттарды ескеріңіз:

 – қауіпсіздік, атап айтқанда соққы тестілеуінен өткен және баланың қаптал жағынан қорғанышы бар.

 – бекіткіш түрі;

 – нәрестенің автокреслодағы қалпы;

 – жасалған материалы;

 – автокреслоның салмағы.

Жаңадан туылған нәрестелер үшін автокреслоның екі түрі бар:

1. 0 тобы: пайдалану мерзімі – 6 ай. Бұл көлік белдіктерімен бекітілетін бекіткіштері бар балалар арбасының кәдімгі бесігі. Автокөлік салонында қырымен орнатылады, бұл баланы ішіне ыңғайлы орналастыруға мүмкіндік береді.
2. 0+ тобы – танымал және жиі қолданылатын нұсқалардың бірі. 15 айға дейінгілер үшін пайдалануға болады және максималды салмағы 13 кг нәрестеге арналған. Автокреслоның бұл түрі штаттық белбеулермен де және IsoFix жүйесімен де бекітіледі. Басты айырмашылықтары – қозғалғыштық, жеңіл салмағы және қолдануда ыңғайлы болуы.  

Қазақстанның ЖҚЕ 12 жасқа толмаған балаларды көлік конструкциясында көзделген қауіпсіздік белдіктерісіз,  көліктің алдыңғы орнында арнайы балаларды ұстау құрылғысы болмадан балаларды тасымалдау тыйым салынады. Бұл ережені бұзғаны үшін 5 АЕК (шамамен 13 мың теңге) көлемінде айыппұл қарастырылған. Құқықбұзушылық қайталанған жағдайда, яғни балаларға арналған креслосыз бала тасымалдаған кезде, айыппұл 10 АЕК (шамамен 26 мың теңге) құрайды.