Балаға қандай велосипед сатып алуға болады

Балалық шағында өз велосипеді болғанын кім армандамады десеңші! Тек айдай алмайтындар болмаса:D Велосипед – экологиялық таза көлік түрі ғана емес, сондай-ақ балалық шақтың бір ерекше атрибуты. Балаңызды қуанту үшін бірінші велосипедін алып беруді ойластырып жүрсеңіз, сәйкес, ыңғайлы әрі қауіпсізін қалай таңдау керек деген сұрақ туындайды. Дүкенге бармас бұрын осы мақаланы міндетті түрде оқыңыз.

Тауарды қайдан алатыныңызды шешіңіз. Балаларға арналған велосипедтерді ойыншық дүкендерінен емес, тек қана мамандандырылған ірі дүкендерден алуды ұсынамыз. Балаңыздың денсаулығына қауіп төндіргіңіз келмейтініне сенімдіміз, басқа дүкендердегі көліктің сапасы күмән туғызады. Сондықтан балаңызды қорғап, мамандандырылған дүкендерге барыңыз.

Балаға велосипедті қалай таңдаған жөн? Балаңыз оны қаншалықты жақсы айдай алатынына байланысты. Бүгін нарықта велосипедтердің алуан түрі бар:

• Мәселен, беговел – 1 жастан асқан балаларға арналған педальі жоқ велосипедтер. Ершігінде сенімді отыруды және жақтауды басқаруды үйрету үшін осы түрді таңдаған дұрыс.
• Жиі отбасылық серуендерді ұнататындар үшін тұтқасы бар, бала арбасы мен экологиялық таза көліктің қосындысы тәрізді велосипед. Бала басқыны тебуден шаршағанда ата-анасы велосипедті итеріп жүре алады.
• Трицикл – 1 мен 4 жас аралығындағы балаларға арналған үш дөңгелекті велосипед. Көбіне арнайы тұтқасы болады, ата-анаға басқару мүмкіндігін береді. 
• Төрт дөңгелекті велосипедтер көбінесе екі дөңгелекті көлікке ауыспас бұрын жаттықтырушы және үйрену құралы ретінде пайдаланылады. Кішкентай бүйірлік дөңгелектер балаға тепе-теңдікті сақтауға мүмкіндік береді, сенімділік береді және, әрине, құлаудан сақтандыру үшін қолданылады.

Балаға арналған велосипедтің өлшемін анықтайтын уақыт келді. Тіпті велосипед дөңгелегінің диаметрі баланың бойына сай таңдалады. Бұл таңдау балаңыздың бойына және жасына байланысты:

Балаңыздың бойы 150 см және одан жоғары болса, оған ересектердің велосипедін алған дұрыс деп санаймыз.  Ал егер балаңыз тым жас болса (1 жастан), оған кәдімгі үш аяқты бала велосипеді жақсы нұсқа болады. 

Велосипедтің сәйкес келетінін қалай тексеруге болады:

Сіз таңдаған велосипедтің  балаңызға сәйкес келетінін анықтаудың практикалық әдістерінің бірі – баланың педальдарға оңай жететінін және педальдардың бірі төмен тұрғанда аяғын толығымен соза алатынын тексеру. Кейбір велосипедтерде орындық биіктігі мен бұрышын өзгертуге болады, сондықтан балаңызға ыңғайсыз болса, орындықты сәйкесінше реттеңіз. Сондай-ақ, жақтау аяқтардың арасында, ал ершік болса жамбасқа тірелуі үшін балаңызды орындық алдындағы жақтау үстіне орналастыруды ұмытпаңыз. Сосын жақтау мен баланың аяқтарының арасындағы қашықтықты тексеріңіз. Егер ол 5-10 сантиметрден аз болса, онда сол велосипедті қорықпай алыңыз! Бұл кенет тежеу ​​кезінде баланың еш жерін соқтырмай велосипедтен оңай секіріп шығуы үшін ескеріледі.

Балаға велосипедті қалай таңдау керек?

Балаға велосипдеті таңдау кезінде ең бастысы көліктің мөлшері мен ерекшеліктеріне назар аударыңыз. Сондай-ақ балаңыздың оны басқару мүмкіндіктері мен дағдыларын да ұмытпаған жөн.

Сізге қызықты сапарлар, төмпешіксіз тегіс жолдар және балаңызға бақытты балалық шақ тілейміз! 😉