Балаға репетиторды қалай таңдауға болады?

Әрбір ата-ана өз баласына тек ең жақсысын қалайды: лайықты және сапалы білім, даму үшін қолайлы жағдайлар және т.б. Балалардың оқу үлгерімі мен оқуға деген ұмтылысына баланың ғылымға бейімділігі мен қызығушылығы ғана емес, оқу үрдісінің өзі де әсер ететіні айтылады. OLX хабарландырулар қызметінен білім беру саласындағы жоғары білікті және кәсіби мамандарды таба аласыз.

Біліктілік 

Мұғалімді таңдау сіздің қажеттіліктеріңізге байланысты: балаңызды белгілі бір емтиханға дайындау керек пе, қандай да бір пән бойынша білімін арттыру керек пе, әлде жай ғана үй тапсырмасын орындауда көмек керек пе? Бұл репетитордың сіздің балаңыз үшін сай келіп-келмейтінін түсіну үшін алдымен оқушының мақсаттары мен қажеттіліктерін анықтаңыз. Әмбебап мұғалімдердің қызметін пайдалануды ұсынбаймыз, әрқашан тар шеңберлі саладағыі мамандарға артықшылық беріңіз. Олардың біліктілігі балаңызды тезірек және тиімдірек дайындауға мүмкіндік береді.

Жұмыс тәжірибесі мен оқушы нәтижелері 

Әлеуетті үміткердің бұрынғы жұмыс тәжірибесін егжей-тегжейлі зерттеңіз. Қандай оқушылармен жұмыс істеді, олар қандай нәтижелерге қол жеткізді, бірдей қажеттіліктері мен мақсаттары бар балаларды бұрын оқытқан ба? Мұғалімнің жауаптары негізінде сабақтардың пайдалы болып-болмайтыны және ақшаңызды босқа жұмсамайтыныңыз белгілі болады. Оқушылардың бірімен сөйлесіп, жеке пікір алсаңыз, одан да жақсырақ болады.

Оқу бағдарламасы 

Сабақтар қандай форматта өтетінін, репетитордың белгілі бір бағытта қалыптасқан бағдарламасы бар-жоғын сұраңыз, ол сіздің балаңызға жалпы не ұсынатынын біліңіз. Әрбір сабаққа белгілі бір оқыту әдістемесі мен бағдарламасының болуы мұғалімнің кәсіпқойлығын жақсы дайындығын, байыпты көзқарасын айғақтайды.

Жеке қасиеттер

Репетиторды таңдауда кәсіби дағдылар, әрине, басты критерий болып табылады, бірақ жеке қасиеттерді де назардан тыс қалдырмаған жөн. Мүмкін сіздің балаңыз бұл мұғаліммен психологиялық жағынан ыңғайсыз сезінетін шығар? Мұғалімнің салауатты білім беру ортасын орнатуы және сіздің балаңызбен сенімді қарым-қатынас құруы маңызды. Бұл жағдайда тәжірибе, дипломдар мен сертификаттар сияқты қызмет тізімі көрсеткіш болып табылмайды, сондықтан адаммен сөйлесу кезіндегі өз әсерлеріңізді басшылыққа алыңыз. Алғашқы сынақ сабағына қатыссаңыз артық етпейді.