Балкон мен қойманы қалай ретке келтіруге болады? Гардеробты ұйымдастырудың қадамдық жоспары.

Сіздің пәтердегі балкон немесе қойма қандай болуы тиіс? Әдетте, адамдар балконды мақсатына сай пайдаланбайды. Оны қажетсіз заттармен толтырып, лас әрі қоқысты жерге айналдырады. Балконды және қойманы ретке келтірейік.

Ең басты қағида – жылдар бойы пайдаланылмайтын заттардың барлығын балконнан шығару қажет, осының арқасында бос орын пайда болады. Бұл заттарды іріктеп, қораптарға салыңыз. Оларды қораптарға бөліңіз: жарамсыз және тастауға арналған, сыйлауға болатын немесе ауылға жіберетін және біздің сервисте сатуға болатын заттар.

Балконды және қойманы ұйымдастырыңыз:

1. Ең біріншіден, барлық заттарды іріктеңіз. Оларды топ-топқа бөліңіз: тағам өнімдері, тазартқыш құралдар, құрал-сайман және шаруашылық материалдар, маусымдық киімдер. 
2. Балконның алдыңғы жағын көрінбейтін материалмен жабуға болады, бұл кір жаятын жіптерді жасыруға және шкафтар мен сөрелерді орнатуға мүмкіндік береді.
3. Әрбір заттың өз орны болуы тиіс, оларды сөрелерге, қораптарға бөліп салыңыз. Сөрелерді дұрыс пайдалана біліңіз. Мысалы, күнделікті қолданбайтын заттарды жоғары сөреге қойыңыз. Тұздалған өнімдерді де сол сөреге қойған дұрыс.
4. Сақтауға арналған заттарды аузы жабылатын қораптарға салу қажет, бұл ретте әрбір қораптың бетінде жазуы болуы тиіс.
5. Пайдаланылмайтын, қажеті жоқ тұрмыстық заттарды да осы қораптарда сақтаңыз. Бірақ балконды қолданылмайтын заттармен толтырмас үшін оларды  OLX алаңы арқылы сатқан дұрыс, келісесіз бе ?

Балконды жайлы ету және қойманы ретке келтіру үшін барлық қажетті құралдарды осы Үй/бақ айдарынан біле аласыз. Қойма мен балконды ретке келтіргеннен кейін гардеробты ұйымдастыруға кірісіңіз!

Киім-кешегіңізді қарап, киетін және кимейтін киімдер деп бөліңіз. Ұмытылған, енді киілмейтін киімдерді тайсалмай Киім/аяқ киім категориясына сатуға қоя аламыз. Маусымдық киімдерді ұқыптылықпен қораптарға салып, балконға немесе қоймаға шығарыңыз. Тек киілетін заттарды ғана қалдырыңыз.

Жаңа маусым басталған кезде барлығымыз гардеробты жаңартуды ойлаймыз. Бұл процесте біздің пайдалы кеңестерімізді басшылыққа алыңыз:

1. Әрбір жаңа киім ескі үш киіммен үйлесуі тиіс;
2. Ақ көйлек және футболка гардеробтың таптырмас базасы болып табылады;
3. Жазуы, жыртығы жоқ, көк түсті классикалық джинс шалбарын сатып алған дұрыс;
4. Салқын ауа-райында жүннен жасалған кардиган немесе стильді пиджак киіңіз, оларды кейіннен басқа да киімдермен үйлестіре аласыз.
5. Тек қажетті заттарды ғана сатып алыңыз. 5 кг-ға арықтағаннан кейін киемін деген мақсатпен алынған заттар балконда сақталып жататына уәде береміз. Киімнің үлкен ассортиментін біздің Киім/аяқ киім категориясынан таба аласыз. Онда әрқашан керемет бағамен жақсы заттар бар.

Әдемілік тазалық пен тәртіптен басталатынын есте сақтаңыз!