Балық аулауға және аңшылыққа барарда қалай киіну керек ? 

Көптеген ер адамдар аңшылық және балық аулау десе ішкен асын жерге қояды. Сүйікті ісіңізбен айналысқанда уақыт жайлы өту үшін киім-кешекті алдын ала дайындап қойған жөн. Жылы әрі ыңғайлы болатындай және аңды қорқытып алмау үшін қалай киіну керек? OLX сервисі аңшылық пен балық аулауға не керек екенін егжей тегжейлі зерттеді.

Әдетте аңшылық пен балық аулауға киім ретінде ескі шалбар, жейде және куртка киеді. Мұндай таңдау дұрыс емес, белсенді демалысқа арнайы киім қажет, ол қимылдауға кедергі жасамайтындай кең болуы тиіс. Бір шалыс бассаңыз болғаны, олжа суырылып кетеді. Киіміңіз қолайлы, жеңіл, қимылдауға ыңғайлы, ылғалға төзімді, дыбыссыз және әрине жылы болуы керек. Ең ыңғайлы таңдау – екілік костюм (бөлек шалбар мен куртка). Вейдерлер де тамаша таңдау: оның арқасында дененің төменгі бөлігі құрғақ болып қалады, яғни бұл киіммен тереңге кіру қорқынышты емес, алайда дәрет сындыру және киіну қиынға соғуы мүмкін.

Жылы кездерде аңшылыққа не алған жөн?

Жаз, күз және көктемде ауа райы құбылмалы болады. Күндіз аптап ыстық болса, түнде екпінді жел көтеріліп, жаңбыр жауып кетуі мүмкін. Сәйкесінше, аңшылық пен балық аулауға жаз бен маусымдық киімдерді табиғи маталардан, мақта және зығырдан таңдаған жөн. Олардың жылуөткізгіштігі жоғары, ылғалға төзімді, ауаны жақсы өткізетін болуы керек. Аңшылық пен балық аулауға тамаша нұсқа фланельден тігілген, жеңіл камуфляж костюмдер болып табылады. Жылы уақытта демалысқа басқа не керек? Жауыннан қорғану үшін су өтпейтін матадан жасалған плащь желбегей және ыңғайлы треккинг бәтеңкелер мен кроссовка керек. Аяқ киіміңіз су өткізбейтін, табаны жеңіл әрі иілгіш болуы керек.

Қыста аңшылыққа және балық аулауға не қажет?

Суықта киетін киім таңдау кезінде ең ескі матаны, яғни шұғаны таңдаған жөн. Ол жылыны ұзақ сақтайды және ылғал сіңірмейді. Киім-кешектің ең басты элементтерінің бірі – термо іш киім. Ал костюм болса суықтан және қатты желден қорғау керек. Киімнің сыртқы қабатындағы полиэфирлі маталар бұл  мәселені жақсы шешеді, олардың су өткізбейтін қасиеттері көп. Ұсақ саңылаулы, көп қабатты мембранадан жасалған киім қатты дыбыс шығармайды. Мұндай материал судырламайды, сонымен қатар су өткізбейді, ауа жақсы өтеді.  Синтетикалық маталар ыңғайлы болғанымен, өте шулы. Холлофан, холлофайбер, тинсулейт, флис және т.б. сияқты инновациялық жылытқыш материалдар жылулық және жеңілдікпен қамтамасыз етеді. Олар үлкен, ауыр емес және қой терісі және синтепонмен салыстырғанда жеңілірек.

Қыста аңшылыққа және балық аулауға не кию керектігін білуден басқа, қалай дұрыс киіну керектігін де білу керек. Киіміңіздің бірнеше қабаттан тұруы маңызды. Қалың қабатты киімдер кигенде ылғал өте жай буланады. Сондықтан адам терлегенде, тер киімге сіңіп, суып, адамды тоңдырады. Ондай жағдайларды болдырмау үшін “3 қабат ережесін” ұстанған жөн. Аңшылыққа қалай киіну керектігі жайлы нұсқаулар:

1. 1-қабат – табиғи матадан тігілген іш киім;
2. 2-қабат – инновациялық және экологиялық жылуұстағыш маталардан термо іш киім;
3. 3-қабат – желдетуі жақсы, ауа өткізетін, ылғалға төзімді матадан сырт киім.

Аңшылық пен балық аулауға арнайы киім-кешек таңдау кезіндегі қателіктер

• Киім-кешек таңдау кезінде киімнің өте жылы болуы ең басты критерий емес. Киім ауаны жақсы өткізетін және жылуөткізгіштігі жоғары болу тиіс. Жылы киінсеңіз көп қимылдағанда бірден терлеп кетесіз, киіміңіз терді сорып алады, соңында тоңып қаласыз.
• Киім-кешек түсін елемеу. Киімнің түсін таңдау қандай аңды, қандай жерде және қандай маусымда аулайтыныңызға байланысты. Мәселен, дала болса – сары түс, орман немесе батпақты аймақ үшін жасыл түс, қысқы аңшылық үшін ақ, күзде қызғылт сары, қоңыр түстер таңдаған жөн. Аңшылық үшін әмбебап түс әскер түстері болып саналады: батпақ, зәйтүн, сарғыш жасыл түстер және т.б.

Балық аулау мен аңшылықта олжалы болу үшін жеке дағдыларыңыз бен қабілеттеріңіз ғана емес, ең бірінші кезекте жабдықтарыңыздың толық болуы маңызды. Киімде қосымша керек-жарақтардың болуын ескерген жөн, мысалы: қажетті заттарды салып қоюға болатын жабылатын үлкен ыңғайлы қалта; капюшон, бекіткіші бар кермеліктер киімді одан да жылы, ыңғайлы және ылғалға төзімді етеді; жең мен тізелердегі матаның бірнеше қабат болуы киімді тозуға төзімді етеді.