Бітіру кеші: нені ескеру керек

Мектеп оқушыларының бітіру кеші — бұл маңызды кезең,  үлкен өмірге қадам басардың алдында бейқам көңіл көтерудің соңғы мүмкіндігі. Мерекеге дайындық әдетте қиындықтардан тұрады және барлық қатысушылардан күш, қуат пен эмоция жұмсауды талап етеді. Сонымен, бітіру кешінің әр сәтін ештемені ұмытпай қалай ойластыруға болады?

Бітіру кеші әдетте әр мектепте жеке анықталады. 11 сынып оқушылары осы жылдың 5-19 маусымы аралығында емтихан тапсырады. Осыдан кейін олар нақты күнді анықтайды. Бірақ бітіру кешіне деген дайындық ертерек басталады.

Мектеп бітіру кешіне дайындық жүргізу барысында мектеп оқушыларының иығына түсетін ауыр салмақтың біріне киім таңдау жатады. Қыздарда туындайтын алғашқы сұрақтардың бірі: бітіру кешінде көйлекті қайдан табуға болады? Ең оңай нұсқа — көйлекті жалға алу, мұндай хабарландыруларды OLX-тан таба аласыз. Жігіттерде де бітіру кешіне дайындық осылайша өтеді. Костюмді іздеу керек, оны аяқ киіммен және басқа аксессуарлармен үйлестіру керек. Сырт-келбетті ойластыруда не нәрсені жіберіп алмау керектігін анықтайық.

Бітіру кешіне арналған көйлек пен костюм

2023 жылғы бітіру кешіне костюм немесе көйлек алуға болатын жердің бірнеше нұсқасы бар. Олардың ішінде:

• бітіру кешіне дайын костюмдер мен көйлектер бар дүкен;
• бітіру кешіне арналған көйлектерді жалға алу, мұнда костюмдер де жиі кездеседі;
• бітіру кешіне арнап көйлек тігу.

Осы нұсқалардың ішінен бюджеттігі — бітіру кешіне арналған костюмді жалға алу. Ең қымбаты — киім тігу, өйткені ол бірегей өлшемдер алып, қолмен жұмыс жасауды көздейді.

Орта есеппен 2023 жылы OLX-та бітіру кешінің көйлегін жалға алу 12 000 теңгені, сатып алу — 20 000 теңгені құрайды.

Бітіру кешінде арналған көйлектердің арасында қандайлары танымал:

• жайлы (қызғылт, көк) немесе қанық (шоколад, шарап түстес) реңктердегі классикалық кешкі модельдер;



• бітіру кешіне арналған коктейль көйлектері тиімді болып табылады, өйткені олар бейресми бөлікке де жарайды, содан кейін оларды күнделікті өмірде киюге болады;



• шалбары бар костюм немесе смокинг — бұл барлық қыздарға үйлесетін, көйлекке жақсы балама.

Іш киімді таңдаған кезде мұқияттылық танытқан жөн. Ол киімнің астында, әсіресе көйлектің матасы жұқа болған жағдайда байқалмауы керек. Ең дұрысы жіксіз іш киімді таңдаған жөн.

Жігіттерге костюм таңдау қыздарға көйлек табудан әлдеқайда оңай болады деп ойлау қате. Мұнда да стильдердің алуан түрі бар. Өзіңізге қолайлысын табу үшін біраз ұйқастырып қараған жөн.

Биылғы жылы өзекті болатын, жігіттерге арналған бітіру кешінің костюмін таңдаудың бірнеше нұсқасы:

• шалбарлы костюм ақ жейдемен үйлеседі, терінің түсіне байланысты оны қоңыр, бордо немесе тіпті қара реңкке ауыстыруға болады;
• жейде, пиджак және джинсымен үйлесімді  casual стиль, тіпті футболка мен кроссовкасы бар нұсқа да сәнді көрінеді;



• смокинг — кешкі стильмен және пиджактағы қайырмалардың үлкенділігімен ерекшеленеді.

Кәдімгі костюмдерді галстуктармен, смокингке тағылатын бабочкамен толықтыруға болады. Соңғы таңдау сіз таңдаған стильге және іс-шараның идеясына арналған дресс-кодта қандай да бір шектеулердің бар-жоғына байланысты. Жігіттер де дайын костюм сатып ала алады, оны жалға ала алады немесе өз параметрлеріне сәйкес тігіп ала алады. Егер бұл смокинг болмаса, оны бітіру кешінен кейін кию мүмкіндігі әлдеқайда жоғары.

Келесі — аяқ киім

Негізгі костюмге дұрыс аяқ киім таңдау керек. Бұл мәселеде қыздарда көптеген нұсқалар бар: классикалық кешкі көйлекке өкшелі аяқ киім, босоножка немесе балеткалар сәйкес келеді. Коктейль көйлегін кедымен, лоферлермен немесе балеткалармен киюге болады, себебі олар қайтадан сәнге оралып жатыр.

Кешке өкшелі аяқ киіммен жүру ыңғайсыз болуы мүмкін екенін ескеріңіз. Сіз өзіңізбен бірге екі аяқ киім ала аласыз: негізгі бөлікке өкшелі аяқ киім, бейресми бөлікке жалпақ табанды аяқ киім.

Мұнда негізгі ереже қолданылады: ұстамды киім акцентті аяқ киіммен толықтырылады. Егер сіздің көйлегіңіз немесе костюміңіз жақсы безендірілген болса, онда аяқ киім минималистік стильде болуы керек. Бұл жігіттерге де қатысты. Casual стильде өкшелі аяқ киімді кедыға немесе замшадан жасалған мокасинге ауыстыруға болады.

Аксессуарлар мен әшекейлер

Әшекейлер мен аксессуарлар киімді толықтырады. Олар сырт-келбетке ерекшелік береді. Қыздар байсалды көйлекпен массивті  әшекейлерді, мысалы, ұзын сырғаларды немесе алқаны үйлестіре алады. Егер көйлегіңіз пайеткадан жасалған болса, аутфитті әшекейлермен шамадан тыс ауырлатудың қажеті жоқ. Бұл жерде бір інжу-маржаны бар алқа жеткілікті болады.

Заманауи сән сізге түсімен сәйкес келетін көйлек, әшекейлер мен сөмкені таңдауға мәжбүр етпейді. Сіз контрасттарды өзгерте аласыз немесе реңктермен өзіндік комбинацияларды құрай аласыз.

Жігіттер үшін сағат, білезік немесе сақина таққан орынды болады. Әртүрлі нұсқалар бар. Ең бастысы — бітіру кешінде сізге ұнайтын көріністі құрап шығару.

Шаш үлгісін таңдаймыз

Әдетте, шаштараз қызметтері ерекше сұранысқа ие, ал сіз шашты бітіру кешінен бұрын алдын-ала жазылуыңыз керек. Olx-та сіз өзіңізге жақын орналасқан шебердің ұсынысын таба аласыз.

OLX статистикасының мәліметтері бойынша, орта есеппен шаштараздарда бітіру кешіне арналған шаш үлгісін 4000 теңгеге жасауға болады.

Қазір бітіру кешіне арналған шаш үлгісі жалпы сән трендтеріне сәйкес келетінін ескеріңіз. Массивті байланған шаш үлгісін көбісі жасамайды. Трендте талғампаздық пен қарапайымдылық. Сіз шебермен кездесу туралы алдын-ала келісе аласыз. Нюанстарды талқылаңыз. Егер сіз шашыңыздың стайлингке көнбейтінін білсеңіз, сынақ үлгі ретінде алдын ала жасап көргеніңіз жөн. Осылайша сіз мерекенің қақ ортасында шашыңыздың шығып кетпей, жинақы тұратынына сенімді боласыз.

Макияжды ойластырамыз

Макияждың да жағдайы шаш үлгісімен бірдей. Бітіру кеші болатын уақытта кәсіби бет әрлеуші өте сұранысқа ие. Әдетте қыздар бітіру кеші қашан болатынын нақты білгеннен кейін жазылады. Сонымен қатар, нақты бір макияжды бірден таңдаудың қажеті жоқ — оны күні жақындағанда таңдауға болады.

OLX-та кешкі және коктейльдік макияждың орташа бағасы — 3500 теңге.

Таңдау мүмкіндігінше әртүрлі болуы мүмкін: жеңіл «күндізгіден» бастап стильді смоки-айсқа дейін. Макияждың қандай болатыны және неге баса назар аудару керектігі — тек сізге байланысты. Мұнда да, шаш үлгісі сияқты, жалпы концепцияны маманмен алдын-ала талқылауға болады.

Бірнеше күн бұрын сіз ешқандай косметикалық процедураларды жасамауыңыз керек. Олар қызарудан бастап қабыршақтануға дейін терінің зақымдануын тудыруы мүмкін

Маникюр жасаймыз

Егер қыздар үнемі маникюр жасататын болса, мұнымен ешқандай мәселе туындамайды. Жай ғана сіздің шеберге баратын ай сайынғы бару уақытын бітіру кешіне туралап белгілеңіз. Алайда, жоғарыдағы себептерге сәйкес, бұл жерге де алдын ала жазылу керек.

Қорытындылайық. OLX мәліметтері бойынша әртүрлі қызметтер мен тауарлардың орташа құнына назар аудара отырып, бітіру кешіне қыздың орташа толық бейнесі шамамен 10000 теңге тұрады деп айтуға болады. Әдетте жігіттерде бұл сома макияждың жоқтығынан және көп әшекей тақпау себебінен сәл төмен болады.

Бітіру кеші — оның салтанаты мен жауапкершілігіне байланысты ерекше мереке. Уайымдамас үшін бұл күнді егжей-тегжейлі жоспарлаңыз. Бірақ егер бірдеңе жоспарға сәйкес келмесе, үмітіңізді үзбеңіз және өзіңізді өзіңіз ренжітпеңіз. Амал әрқашан табылады, ал жүйке клеткалары сізге бітіру кешіне дейін әбден қажет.

Осы күнге дұрыс дайындалуға көмектесетін кеңестер:

1. 11-сыныпты бітіру шығындары машинаны сатып алатындай шығын мөлшеріне тең келмеуі керек — стильді, бейненің нақтылығын сақтай отырып, көп нәрсені үнемдеуге болады және ақшаны ұтымды пайдалануға болады.
2. Бітіру кешінің алдында әбден ұйықтап алыңыз, себебі сізге ұзақ уақыт бойы сергек болу қажет.
3. Сіз сыныптастарыңызбен бірігіп, алдын-ала көлікке тапсырыс беріп үнемдей отырып, іс-шараның басталуына уақытына кешікпей келе аласыз.
4. Телефонды қуаттаңыз немесе өзіңізбен повербанк алыңыз — оны ұстап жүру ыңғайсыз болса да, оны мұғалімге немесе ата-анаңызға уақытша бере аласыз.
5. Аяққа жабыстырғыш, ылғалды майлықтар және аяқ киімге арналған гельді жастықшаларды ала жүріңіз, аяқ-киімді бітіру кешіне киместен бұрын оны үйдің ішіне киіп, аяғыңызға ыңғайлап алған жөн.
6. Бейресми бөлімде қыздар жай табанды аяқ киімді алып, ұзын кешкі көйлекті ыңғайлы қысқарақ көйлекпен ауыстырған дұрыс.

Енді сіз бітіру кешіне не әкелу керектігін және сырт келбетті алдын ала қалай ойластыру керектігін білесіз. Сізге тек мерекеден ләззат алып, демалу ғана қалады. Сәтті бітірудің кешінің негізгі ережесі: өзіңізді жайлы сезініңіз.