Ескі тұрмыстық техниканы не істеймін?

Тұрмыстық техниканы жаңартпақсыз ба? Ескісін қайда жібереріңізді білмейсіз бе? Бір жағынан көңіліңіз босап, тастауға қимайсыз: “Осы тоңзатқыш бірге талайды көрді ғой”. Сондай-ақ теледидарды  қоқысқа тастап  үлкен габаритты қоқыс үшін айыппұл да алғың келмейді. 

Тәсіл 1: Утилизация (Қоқыстарды кәдеге жарату)

Утилизация – бұзылған және жөндеуге келмейтін техникадан құтылудың ең тиімді тәсілі. Қалаңыздағы утилизация орындарын немесе метелл қалдықтарын қабылдау пунктерін табыңыз. Кәдеге жарамайтын темірден құтылып та қоймай, біраз табыс та аласыз. Ескірген техника тапсырған үшін кішкентай мөлшерде сыйақы беріледі. Экологияға зиян келтірмей техникадан құтылған үшін де уайымдамайсыз. 

Тәсіл 2: Сату, беру немесе сыйлау 

Техника сізге керек болмай қалған болса, ол ешкімге керек емес деп ойламаңыз. Біреу оны әлі кәдесіне жарата алады. Тіпті бұзылғаны болсада, біреу қосалқы бөлшектерін пайдалана алады. OLX сервесін қолданып, сатуға қойыңыз. Ұсынысыңыз біреуге қызық болары сөзсіз. Техника мүлдем қолданысқа жарамайтын болса, тегін беріп тастасаңыз болады. 

Тәсіл 3: “Trade in” бағдарламасына қатысыңыз 

Ескі техниканы тапсырсаңыз жаңасына жеңілдік береміз деген талай жарнаманы көрген боларсыз. “Trade in” жүйесі деп аталады, және әдетте сатып алушыларға 10-20% көлеміндегі жеңілдік беріледі. Кей дүкендер белгілі марка, бренд тауар тапсырғаныңыз үшін-ақ төлеуі мүмкін. 

Тәсіл 4: Екінші өмір сыйлаңыз 

Сүйікті техниканы қимай бара жатсаңыз, шығармашылыққа беріліп, ескі заттарды жаңаша пайдаланып көріңіз. Мысалы, ескі техниканы интерьер элементі ретінде пайдалансаңыз болады. Музыка бағаналарынан кішкентай үстел, я ескі тоңзатқыш конденсатор-торынан фото жақтауын жасап қойсаңыз болады. Электр шайнегі гүл вазасы, ескі теледидар корпусы үй жануарларыңызға үй бола алады. Эксперименттен қорқпаңыз =)