Ескі тұрмыстық техниканы жөндеу мүмкін бе?

Көптеген заттар сияқты тұрмыстық техника да уақыт өте келе тозады. Кейбір құрылғылардың қызмет ету мерзімі 10 жыл деп күтіледі, бірақ олардың көпшілігі ең жақсы күтімнің өзінде белгілі бір уақыттан ұзақ қызмет етпейді. Құрылғыларыңыздың қанша жыл қолданылғанына қарамастан, оларды пайдалануды тоқтату қажет екенін білдіретін кейбір белгілер бар. Бұл мақалада құрылғыны қашан тастау және құрылғыңызды қашан жөндеуге болатынын қарастырамыз.

Жақсы сапалы электр шәйнегін қолданудың орташа мерзімі максимум 4-5 жыл. Шәйнек қосылмай қалса немесе суды жылдам жылытпаса, оны тастап, жаңасын алатын сәт келді деген сөз емес. Алдымен ақаулық себебін анықтауға көмектесетін диагностика жүргізіп, бөлшектерін ауыстырып, жөндеу жұмыстарын жүргізіп-жүргізбеу керектігін анықтаңыз.

Құрылғыны бұрынғы қалпына келтіру мүмкін болмаса, жөндеудің орнына жаңа шәйнек алу оңайырақ.

Кеңес: Электр шәйнегін қолдану мерзімін созғыңыз келсе, әрқашан қажетті су мөлшерін қайнатыңыз. Сізге қажетті су мөлшерінен көбірек қайнатқанда, ол құрылғының қызмет ету мерзіміне әсер етеді.

Тостер бес немесе алты жылдан көбірек қолданылған болса, оны ауыстырған жөн. Ескі электр тостерінің жылу өткізгіштігі уақыт өте келе көнереді. Электр тостерді қолданғанда жанып немесе оны ұстағанда түтеніп жатқандай көрінсе, тостерді тастап жаңасын сатып алғаныңыз жөн. Көбіне тостер жұмысы оның жасына және қаншалықты сапалы өндірілгеніне байланысты болады.

Зақымдалған сымдар немесе сынған тұтқаларды жөндеу шығындары көбінесе жаңа үтіктен қымбатырақ шығуы мүмкін. Сіздің маркаңыз бен үлгіңіз үшін арнайы жасалған зақымдалған бөлшектерді табу қиын болуы мүмкін. Сондықтан, үтік бұзылған жағдайда оны жөндеп жүргенше, ауыстыруды ойластырған жөн. Мысалы, OLX-те жаңа үтіктердің бағасы 3000 теңгеден басталады.

Тәжірибелі шаштараздардың пікірінше, феніңізді әр екі-жеті жыл сайын ауыстырып тұрған жөн. Қолдану ұзақтығы өнімнің сапасына және оны қаншалықты жиі пайдаланатыныңызға байланысты. Шашыңызды күн сайын құрғататын болсаңыз, онда фенді анда-санда қолданатындарға қарағанда тезірек, яғни екі жыл ішінде ескіруі мүмкін.

Техниканы ауыстыру керектігін көрсететін бірнеше белгі бар. Мысалы, сымды розеткаға қосқанда ұшқын шығады немесе фен үздіксіз қосылып-өшіп тұрады. Осындай белгілер болды ма? Онда жаңасын сатып алатын уақыт келді.

Кеңес: 1875 Вт — фенге дәл ыңғайлы қуат. Жаңа фен таңдағанда, оның ұзақ жұмыс істегенін қаласаңыз осыған көңіл аударыңыз. Мұндай фендер төмен температура мен жоғары қысымды сақтап тұратыны үшін ұсынылады.

Қымбат емес қысқа толқынды пештердің қолданылу мерзімі 2-5 жыл. Қымбатырақ үлгілер 10 жылға дейін қызмет көрсетуі мүмкін. Техниканың істен шығып қалатын кездері де болады. Осы ақаулықтар орын алғанда микротолқынды пешіңізді ауыстыру қажет:

1. Магнетрон және трансформатор. Бұл элементтер АЖЖ-сәулеленудің шығуына жауапты. Олар бұзылған жағдайда техника жұмыс істейтіндей көрінсе де, өнімдер ысымайды.
2. Сақтандырғыштар, жоғары вольтты диодтар және конденсаторлар. Олар сынған кезде микротолқынды пеш қосылмайды.

Техникаңызды қолдану мерзімі өтпеген болса басқа ақаулықтарды жөндеуге болады. Алайда микротолқынды пешті өз бетіңізше жөндемеген дұрыс. Құрылғы күрделі және кәсіби көмекті қажет етеді.

Орташа қызмет көрсету мерзімі — 3-5 жыл. Мәселен, мұзды ұсақтатуға пайдаланылатын мейрамханада проблемалар ертерек шығуы мүмкін. Жаңасын алмай тұрып ауыстыруға болып-болмайтытын білу үшін блендеріңіздің кепілдігін тексеріңіз — мүмкін жолыңыз болып кетер.

Осы 4 белгі бойынша техниканы жөндеу немесе ауыстыру қажет екенін білесіз:

– Ол араластырып жатқанда тоқтап қалады. Оны бірнеше минут демалтып, қайта қоссаңыз болады, бірақ көбіне техника бұзық дегенді білдіреді. Бәлкім бұл сақтандырғыштың қысқа тұйықталуымен немесе сымның үзілуімен байланысты. Себебін білу үшін шағын үй техникасын жөндейтін шеберханаға апарыңыз.

– Бауы ескіре бастайды. Бауы толығымен үзіліп кетпей тұрғанда құрылғыны жөндеңіз немесе ауыстырыңыз.

– Құмыраның түбіне дәл жүз астына қойылатын “О-пішінді” резеңке құрғап кеткен және жарылған.  Бұл мәселе болса онлайн немесе тіпті шаруашылық дүкенінен ауыстыруға сатып алуға болады.

– Тағы бір маңызды, бірақ көзге көріне бермейтін, ауыстыруды талап ететін себептердің бірі – сізге функционалдығы көп блендер қажет болуы мүмкін. Мәселен, сіздікі мұзды ұсақтауға және толық мұздатылған жемістерден пюре жасауға әлсіз болуы мүмкін. Бірақ күшті блендер бәрін жасайды, сонымен қатар кілегейлі сорпаларды, тіпті жаңғақ сүтін жасайды. Сондықтан блендеріңіз көбірек функция атқарғанын қаласаңыз, жаңарту мүмкіндігін қарастырыңыз.

Оны жақын жердегі қоқысқа тастауға асықпаңыз. Мұндай құралдарды пайдаға асыруға болады. Қажетсіз құрылғылардан құтылу үшін:

Істейтін құрылғыны құрбан етіңіз.

Тұрмыстық техниканы пайдаға асыру бағдарламасын қарастыру үшін, ескі құрылғыңыз бұрынғыдай істеп-істемей тұрғанына көз жеткізіңіз. Құрылғы әлі де жақсы күйде болса, оны пайдаға асыратын көп адамдар болуы мүмкін. Әркімнің жаңа техника алатын жағдайы жоқ, сондай-ақ құрылғыны ұзақ пайдалану экологияға аз зарар келтіреді.

Кейбір жағдайларда құралды тегін немесе азғантай сомаға беретін болсаңыз, үйіңізге келіп алып кететіндер болуы мүмкін.

Уәкілетті сатушылардан қайта өңдеу опцияларын пайдаланыңыз.

Құрылғыны сол жерден алған болсаңыз ғана,  кейде тегін болады. Сіз дәл сол күні жаңасын сатып алсаңыз ғана кейбір компаниялар ескісін алып кетеді.

Өндіруші сатушылардан қайта өңдеу опциялардың бар-жоғын тексеріңіз.

Тұтынушы сұранысы мен заңнаманы ескере отырып, өндірушілердің көпшілігі қазір тұрмыстық техниканы тікелей және жанама қайта өңдеу бағдарламаларын ұсынады. Осы ірі өндірушілердің кейбіреулері белгілі бір бөлшек сауда орындарына жеткізу қызметін ұсынады.

Үлкен тұрмыстық техникалар үшін көбіне қиын болады, өйткені өндірушілер тегін жеткізуді әрқашан ұсына бермейді.

Металл сынықтарына сатып жіберіңіз.

Тұрмыстық техниканы пайдаға асыру кезіндегі нұсқалардың бірі – оларды металл сынықтарына сатып жіберу, ол үшін аз да болса ақша ала аласыз. Әсіресе үлкен тұрмыстық техникамен жұмыс істегенде.

Мәселен, егер сізде ескі кір жуғыш машина, кептіргіш, тоңазытқыш немесе мұздатқыш болса, бұл машиналарда болат сияқты металл көп болады.

Жақын жерден металл сынықтарын өңдейтін пункт табып, оларға хабарласып, металл сынықтарының бағаларын сұрастырыңыз. Ескі техниканы өз бетіңізше жеткізуге тура келуі мүмкін.

Қажетті тауарды OLX-тен алуға немесе жөндетуге болады. Сол күні мыңдаған сатушылар мен жөндеушілер көмектесуге дайын. Сұрағыңызды шешуге көмектестік деп үміттенеміз.