Газды баллон қондырғысын орнату қанша тұрады?
Газ тұтыну бензиннен 20%-ға дейін жоғары болса да, жанармайды үнемдеу мақсатымен көптеген жүргізушілер автокөлікті газға ауыстыру шешімін қабылдайды. Сұйылтылған мұнай газын пайдалану қаншалықты тиімді болса да, көлікке газ орнату біраз ақшаны қажет етеді. Бірақ, статистика мен есептер автогаз бағасы тұрақты түрде төмен болған жағдайда, бұл қайта орнату жұмыстары бір жыл ішінде өзін ақтап, ұзақ мерзімде жүргізушінің ақшасын айтарлықтай үнемдейтінін көрсетеді.
Түрлері
Газды баллон қондырғысы бірнеше буыннан тұрады:
- ГБҚ 1-ші буыны – нарықтағы газ қондырғылардың ішіндегі ең қарапайымы, тек карбюраторлы және моноинжекторлы қозғалтқыштарға арналған.
- ГБҚ 2-ші буыны – қозғалтқыштардың барлық түріне орнатуға болатындықтан, сондай-ақ метан және пропанмен өзара әрекетіне байланысты ең көп таралған түр болып табылады. 2008 жылға дейін шығарылған карбюраторлы және инжекторлы автокөліктерге орнату орынды.
- ГБҚ 3-ші буынның 2-ші буын қондырғысынан айырмашылығы – өзінің басқару блогы мен механикалық бүріккішінің болуында, сондай-ақ газ араластырғышының болмауы тарсылдау және жарылыс мүмкіндігін азайтады.
- ГБҚ 4-ші буыны инжекторлы қозғалтқыштары бар көліктерге арналған, сондықтан оны соңғы үлгідегі жаңа көліктерге орнатады. Бұл – жетілдірілген, жоғары сапалы әрі экологиялық таза қондырғы.
- ГБҚ 5-ші буыны – жаңа және техникалық жағынан жетілдірілген жүйе. Алдыңғы буындардан басты айырмашылығы – қыздыруды бәсеңдетпей және цилиндрлерге сұйық күйде газ беру функциясын қолданбай отын айналымын беру. Бұл буын машина майын шайып жібермейді, қоршаған ортаға зияны жоқ және бағасы да арзан.
Газды баллон қондырғысы көлікке қалай орнатылады?
1. Жүйені орнатпас бұрын май құятын клапан мен отынды ауыстыру түймелерін бекіту орындарын анықтау керек.
2. Газ қысымын төмендетуге мүмкіндік беретін және редуктордың шығысындағы қысымның белгілі бір деңгейін ұстап тұратын газ редукторын орнату. ГБҚ-ның осы бөлігіне салқындату жүйесіне қолданылатын резеңке шлангілер қосылады.
3. Электромагнит клапанын орнату. Бұл элемент автокөлік шанағына, бәсеңдеткішке барынша жақын бекітіледі.
4. Электронды басқару блогын қосу. Бұл газды басқару жөніндегі электронды блоктың қосылу схемасын және машиналардың электр жүйелері бойынша негізгі білімді қажет етеді.
5. Жолаушылар салонына орнатылатын отын қосқышын орнату.
6. Газ бүріккішін орнату. Олар қозғалтқыштың енгізу коллекторының жанындағы жалпы рампаға орнатылады.
7. Мультиклапанды орнату және газды баллонды бекіту.
8. Жанармай құрылғысын орнату.
Газды баллон қондырғысын орнату қанша тұрады?
Қондырғыны орнату құны келесі параметрлерге байланысты:
- жүйе буыны;
- жүйе өндірушісі;
- газды баллонның өлшемі;
- қозғалтқыш параметрлері.
Мысалы, Алматы қаласында 4 цилиндрлі қозғалтқышы бар көлікке газ орнату орта есеппен 130-220 мың теңгені құрайды. V6, V8 сияқты қозғалтқышы қуатты және үлкенірек темір тұлпарлар үшін қайта орнату қымбатқа шығады – 270-390 мың теңге.
Орнату кезіндегі қауіпсіздік
Машинаны отынның жаңа түріне ауыстырғаннан кейін тұрақты техникалық қызмет көрсету қажет болатынын есте сақтаңыз. Автокөлікке газ қондырғысын орнату – қауіпсіздікке аса назар арударуды талап ететін маңызды қайта жабдықтау жұмысы болып табылады. Өкінішке қарай, газ-ауа қоспасының жарылу жағдайлары да болып тұрады, бұл көпшілік ойлағандай қондырғыға емес, ГБҚ орнату кезіндегі қателіктерге, адам факторларына байланысты. Қондырғы өндірушілері жоғары қысымға шыдайтын сапалы баллондар жетілдіріп, жаңа қауіпсіздік жүйелерін енгізуде. Көлігіңізге ГБҚ орнататын адамдарға үлкен жауапкершілік артылады. Сондықтан қайта жабдықтау жұмыстарына ақшаңызды үнемдемеңіз! Өз саласының мамандары мен кәсіпқойлар ғана сапа мен қауіпсіздікке кепілдік бере алады.
Соңғы мақалалар
2019 жылғы мәліметке сүйенетін болсақ, Қазақстанда жұмыс көп болғанымен білікті мамандар жетіспейді…
OLX-те сіз браузеріңізде JavaScript өшірілген болуы мүмкін екенін хабарлайтын қатені көрген болуыңыз…
Смартфон енді адамға «тек байланыс үшін» функциясын ғана атқара алмайды. Бұл көңіл…
Егер сіз жаттығу залына бармасаңыз және жоспарыңызда арықтау болса, онда жаттығуларды үйде…
Күтім косметикасының ішінде патчтар — бұл теріні реанимациялау кезіндегі жедел жәрдем. Арнайы…