Киім күтімі: сүйікті заттарыңыздың өмірін қалай ұзартуға болады

Әрине, әр адамға кем дегенде бір рет сүйікті киімінен айырылу қиынға соққан болар: анаңыз сыйлаған жемпір, саяхат кезінде сатып алынған сүйікті футболка. Заттардың қызмет көрсету уақытын ұзартуға әбден болады, ең бастысы – дұрыс күтім мен ұқыпты қарау. Сонымен қатар, бұл сіздің бюджетіңізді айтарлықтай үнемдейді: киім ұзақ қызмет көрсететін болады, сондықтан жаңасын сатып алудың қажеті туындамайды. Келесі кеңестерді пайдаланыңыз:

• Дұрыс сақтау

Беті тегіс, берік ағаш ілгіштерді таңдаңыз. Металдан бас тартқан дұрыс, себебі олар тот басқанда сіздің сүйікті заттарыңызға із қалдырады. Мақта киімдер мен футболкаларды бүктеп, сөрелерде немесе жәшіктерде сақтаған жөн. Киімді кішкене үйінді қылып бөліңіз, бәрін бір сөреге тығуға тырыспаңыз, заттардың арасына ауаның өтуі маңызды.

• Тым жиі жумаңыз

Киім жуылған сайын матаның талшықтары жұқарады, түс қанықтығын, киім бастапқы келбетін жоғалтады. Әрине, бұл лас киім кию керек дегенді білдірмейді, бірақ кір жуғыш машинаны пайдалануды азайтуға тырысыңыз. Мысалы, егер дақтар пайда болса, матаны толығымен жумай-ақ, дақты абайлап кетіруге тырысып көріңіз. Иә, ең бастысы, әрқашан жапсырманы мұқият оқып шығыңыз және ондағы нұсқауларды орындаңыз.

• Сыртқы киімге ерекше күтім

Суық ауа райы аяқтала салысымен, барлық курткалар мен пальтоны бірден бүктеуге асықпаңыз. Сақтау алдында жапсырманы мұқият оқып, сыртқы киімді толықтай тазалау керек. Жүннен жасалған бұйымдар мен күртешелерді машинамен жууға мүлдем тыйым салынады, құрғақ тазалау қызметін қолданған дұрыс.

• Былғары мен күдері киімдерін тазалау

Былғары немесе күдері киімдердің түсі оңып, бастапқы түсін жоғалтпауы үшін тікелей күн сәулесінен аулақ ұстаңыз. Сондай-ақ, мұндай өнімдерді құрғақ тазалауға апару ұсынылады. Дегенмен, киімдеріңізді өзіңіз тазалауға шешім қабылдаған болсаңыз, губканы жақсылап сығып, пайдаланыңыз, себебі былғары мен күдері материалдары ылғалға төзімді емес.

Киімге ұқыпты қарау үнемді және ұзақ қызмет көрсетіп қана қоймайды, сонымен қатар экологиялық таза болып саналады. Егер сіз гардеробыңызды артық заттардан босатуды шешсеңіз, әрқашан OLX жарнамалар қызметінде өз заттарыңызды сата аласыз.