Мектепке жиналайық: қыркүйектің 1-не дейін не сатып алу қажет?

Тіпті тәжірибелі ата-аналардың мектепке дайындық кезінде күтпеген жағдайларға тап болуы мүмкін. Мысалы, балалар рюкзагында күнделіктен екеу, бірақ бірде-бір қалам жоқ болатын жағдай. Мектепке алдын-ала не сатып алу керектігін және бұл орайда жүйкені қалай жұқартпау керектігін анықтайық.

Әдетте, ата-аналар оқу жылы басталар алдында тамыз айында мектепке не сатып алу керектігін анықтайды. Бірақ соңына дейін уақытты созып жүрмеңіз. Тізім құрып, сол бойынша мектепке жиналыңыз.

Дайындық процесінде ең бастысы — мектепке қажетті заттардың тізімі. «Нені сатып алуға ұмытып кеттім» деп ойланбас үшін ол тізімді алдын ала құрған жөн. Бірінші сынып оқушыларының ата-аналарына мұғалімдер жиі көмектеседі. Олар жиналыстарда қажетті заттар мен кеңсе тауарларының шамалап алынған тізімін береді. Мектеп оқушыларына арналған тауарлардың барлығын OLX-тан сатып ала аласыз. Сонымен, ең алдымен не қажет?

Киім

Ата-аналар мектепке қандай киім сатып алу қажеттігін анықтап алулары қажет. Қазақстандағы мектеп формасы бұдан былай сәл ғана еркіндеу бола алады. Мысалы, ақ жейде немесе ақ көйлек кию туралы талап міндетті ережелердің қатарынан алынды. Ер балаларға арналған форма мыналардан тұрады:

• пенжак немесе түймелері бар кардиган (сыдырмасы бар болса да болады);
• күнделікті жейде немесе трикотаж жемпір;
• шалбар және желетке;
• поло жейдесі немесе теннискалар.

Ер балалар шалбарларының ұзындығы тобықты жауып тұруы маңызды. Қысқы күні жылы жемпірлер, мойынжейделер, тоқылған желеткелер киюге болады.

Қыздарға арналған мектеп формасы да осы позициялардан тұрады. Тек шалбарға сарафан және белдемше қосылады.

Егер мектебіңізде мектеп формасы енгізілген болса, онда мұғаліммен ақылдасып алғаныңыз жөн болады. Ата-аналар кеңесі немесе ұстаздардың өздері кей кезде формаға түзетулер енгізеді.

Матасы мақталы, жүн аралас болғаны абзал. Олар қолайлы әрі төзімді. Мұндай маталарда микробтар мен бактериялар сақталмайды.

Спорттық форманы ұмытпаңыз. Материалдар да ауа өткізетін, яғни табиғи мақтадан полиэстерге дейін, ылғалды кетіретін арнайы технологиялары бар материал болуы керек. Спорттық форма футболка, шалбар, жемпірден тұрады. Жазғы нұсқада велосипедка немесе шорты болуы мүмкін. Қыста футболка лонгсливпен ауыстырылады.

Аяқ киім

Аяқ киім мектепке бару үшін, оны мектепте ауыстыру үшін және дене шынықтырумен айналысу үшін қажет. Әдетте қажет аяқ киім:

1. Жылдың салқын мезгілінде киілетін бәтеңке немесе етік.
2. Туфли — түсі қатты ашық емес, эргономикалы дизайны бар, өкшесі жоқ.
3. Табаны икемді, аяқта нық тұратын кроссовка немесе кеды.

Мектеп оқушысына не қажет екенін анықтап алыңыз. Мысалы, егер бала гимнастика бойынша қосымша сабақтарға баратын болса, онда оған чешки қажет болады.

юкзактар

Баланы мектепке дайындаған кезде оның сөмкесіне ерекше назар бөліңіз. Себебі ол күн сайын сол сөмке ішіне кітаптар, дәптерлер салып алып мектепке апаратын болады. Мектеп оқушыларына арналған сөмкелерді бірнеше параметрлер бойынша таңдау қажет:

• арқасы — қатты, каркасы қатты, анатомиялық болуы қажет;
• төменгі бөлігі — түбі тұрақты әрі берік болуы керек;
• белбеулер мен иықбау — теңшеп алатындай кең болуы керек;
• матасы — берік, тығыз және суды өткізбеуі керек.

Сөмкеде жарықты шағылыстыратын жолақшалар болуы қажет. Бұл сыртқы киімге де қатысты. Осылайша сіз балаңыздың жолдағы қауіпсіздігін қамтамасыз ететін боласыз. Ауыстырып киетін киім мен аяқ киімге арналған бөлек жеңіл сөмкені де ұмытпаңыз.

Кеңсе тауарлары

Мектепке арналған кеңсе тауарларын сыныпқа және оның талаптарына қарай тізім бойынша сатып алыңыз. Бірінші сыныпқа арналған базалық кеңсе тауарлары:

1. Көк сиялы қалам. Бірден көп алып қойған жөн, себебі қаламның сиясы тез таусылады.
2. Жай қарындаштар. Басқан кездегі қаттылық деңгейі әртүрлісін таңдауға болады.
3. Өшіргіштер мен контейнері бар ұштағыштар. Оларды да бірден бірнешеуін сатып алған жөн, себебі балалар ұсақ заттарды жиі жоғалтады.
4. Ағаштан немесе пластиктен жасалған сызғыштар. 10 және 20 см екеуін алуға болады.
5. Дәптерлер. Көлденең жолақты және торлы, 12 беттік болуы қажет.
6. Мұқаба. Дәптерлер үшін кішкентайын, ал түрлі-түсті қағаздар, альбомдар, картон үшін үлкенін алған жөн.
7. Пенал. Ішіндегіні бүлдіріп алмау үшін корпусы қаттысын таңдаған жөн.

Кейде пеналдарды ішіндегі салмасымен бірге сатады. Сонымен қатар, түрлі-түсті қағаз, түрлі-түсті қарындаштар, фломастерлер, альбом, пластилин және оған қажетті аксессуарлар қажет.

Жұмыс орнын жайғастыруға арналған заттар

Мектепке арналған заттардың тізімі мұнымен аяқтала қоймайды. Бала бірінші сыныпқа барардың алдында ата-ана үйдің ішінде оқуға қолайлы орынды жайғастыруды да ойланулары қажет. Жұмыс орны балаға ұнап, оны ынталандыруы қажет. Бұл орайда бірінші сынып оқушысына мыналар қажет:

1. Парта немесе жазу үстелі.
2. Биіктігі және арқалығы теңшелетін орындық.
3. Кітап пен қаламдарды, қарындаштарды қоюға арналған зат.
4. Үстел шамы.
5. Кітап сөресі немесе стеллаж.

Жұмыс орнында кестенің шаблонын орнатуға болады. Осылайша балаңыз аптаның күндерін жақсы меңгеріп алады.

Ата-аналар мектепке нені сатып алу қажеттігін шешу барысында кей кезде жақсы маркетингтің салдарынан, кей кезде аңдамай ақшаларын босқа жұмсаулары мүмкін. Біз сіздерге бюджетті үнемдеуге көмектесетін бірнеше базалық кеңестер ұсынамыз.

Мектептен нақтылап алыңыз

1-сыныпқа арналған кеңсе тауарларының тізімін мұғалімнен алған жөн. Мысалы, сіз балаңызға циркуль алсаңыз, ол оны тек бес жылдан кейін ғана қолданады. Әр оқу орнының мектеп формасына деген талабы әртүрлі болуы мүмкін, ал балалар жеке бағдарлама бойынша оқулары мүмкін. Ата-аналар кеңесі киім үшін бірдей материалды бекітіп алуы мүмкін. Сондықтан мектепке қажетті заттардың тізімін алдын ала алған жөн.

Қатты және ауыр заттарды алып тастаңыз

Кеңсе тауарларын таңдаған кезде жеңіл материалдарға, мысалы, пластик пен силиконға басымдық беріңіз. 70 беттік альбомнан гөрі 15 беттік альбом сатып алған дұрысырақ. Алған ауыр және қатты заттарыңыздың саны көп болған сайын, балаңыздың алып жүруіне қиын болатын болады.

Баламен бірге сатып алыңыз және баламен ақылдасыңыз

Сіз бірінші және одан жоғары сынып үшін не қажет екенін білсеңіз де, балаңыздың пікірін тыңдауды ұмытпаңыз. Егер балаңыздың кейбір шешімдерімен келіспейтін болсаңыз, өз пікіріңізді ғана айта бермей, оған ненің қолайлы, ал ненің қолайсыз екенін түсіндіруге тырысыңыз.

Оқу жылына даярлық – еңбекті талап ететін процесс. Оны жеңілдету үшін мектепке қажеттінің тізімін құрыңыз, шыдамды болыңыз және мектеп оқушысының өзінің қызығушылығын ескеріңіз.