Не таңдаған жөн: үтік пе әлде буландырғыш па?

Әр үйде киім үтіктейтін техника бар. Заманауи технологияның арқасында олар үнемі жетілдірілуде, бүгінгі күні нарықта осы тұрмыстық техниканың түр-түрі кездеседі. Қандай үтік таңдаған жөн, үтік таңдаған дұрыс па әлде буландырғыш па деген сұрақтар өзектілігін жоғалтпайды. Осы сұрақтарға жауап іздеп, үй техникасын бірге сатып алайық 🙂

Алуан түрлі құрылғылардың болғанына қарамастан, қарапайым үтік өз сұранысын жоғалтпады. Ол ықшам, мобильді, ыңғайлы және бағасы бойынша үнемді. Үтік үшін оңтайлы будың атқылау қарқыны 40-50 г/мин құрайды, көрсеткіштері одан төмен үлгілерді сатып алмаған жөн. Мұндай тұрмыстық техника қажет болған жағдайда ауыспалы бумен заттарды құрғатып үтіктейді.

Күрделі маталарды немесе көп мөлшерде үтіктеу үшін бу генераторы бар үтікті таңдаған дұрыс. Олардың арасындағы негізгі айырмашылық – су ыдысының және бу генераторының орналасқан жері. Кәдімгі үтікте олар құрылғының ішінде орналасады, бу генераторы бар үтікте олар шланг арқылы байланысқан бөлек құрылымның ішінде болады. Будың қарқындылық көрсеткіші 100-200 г/мин бу үтігін алған дұрыс , бұл күрделі және нәзік маталарды тегістеу, мата талшықтарының көлемін қалпына келтіру, бірнеше рет бүктелген киімдерді бумен үтіктеу және т.б. мүмкіндіктерін береді.

Буландырғыш қыржым мен қатпар маталарды тегістеуге мүмкіндік беретін күшті бу ағынына ие. Қолданғаннан кейін мата бастапқы жылтырлығына, серпімділігіне және жұмсақтығына оралады. Буландыру киімге жылтыр дақ, қыртыс және т.б. түрінде зақым келтірмейді. Бұндай техниканың бірнеше түрі бар:

• Тік буландырғыштың өз ілгішіндегі заттарды үтіктеуге болады.
• Үтіктеу жүйесі бар буландырғыш бу генераторынан, үтіктен және үтіктеу тақтасынан тұрады. Тегістелуі қиын маталар үшін өте ыңғайлы, себебі бу жоғары қысыммен беріледі.
• Қол буландырғышы іш киім және басқа жеңіл маталарды үтіктеуге арналған. Ықшам, жеңіл әрі жұмыста қолдану оңай.

• Будың атқылауы құрғақ, қалың немесе қатты қыржымдалған маталар үшін қажет. Буландырғыш үлгісіне қарай будың күші 70-тен 200 г/минут арасы болуы мүмкін.
• Су ыдысының көлемі: буландырғыштың жұмыс уақыты бұл параметрге тікелей байланысты. Ыдыс неғұрлым үлкен болса, соғұрлым үзіліссіз үтіктей аласыз. Сыйымдылығы аз ыдысы бар буландырғышты пайдалану кезінде, қайта-қайта су құйып тұруға мәжбүр боласыз.
• Қуат құрылғының өнімділігін сипаттайды: қысымның және бу шығару жылдамдығы. Жоғары үтіктеу жылдамдығы жоғары қуат тұтынумен қамтамасыз етіледі.

Функционалдық жағынан осы тұрмыстық техникалардың қайсысы жақсырақ? Қайсысын сатып алған дұрыс: үтік пе әлде буландырғыш па? Буландырғыш кәдімгі үтіктің орнын баса ала ма? Әрқайсысының негізгі артықшылықтары мен кемшіліктерін қарастырайық:

• Үтік матаны тегіс етіп, қатпарлар мен қыржымды кетіреді. Киімді құртып алу ықтималдығы жоғары:  оны күйдіріп алуға, із немесе сары дақ қалдыруға болады. Құрылғы буландырғышқа қарағанда көбірек қуат тұтынады.
• Буландырғыш матаны тым құрғатпайды, киім ұзақ уақыт бойы өзінің бастапқы түрін сақтайды және жағымсыз иістерді жояды. Жаға, тігіс және т.б. сияқты қол жеткізу қиын жерлерді жақсы үтіктейді. Буландырғыштың басты артықшылығы – жібек, жұқа синтетика, зығыр, барқыт, түкті, моншағы бар заттар және т.б. тәрізді нәзік және күрделі маталарды өте мұқият үтіктеуі. Қолдану аясы кеңірек: өзіңізге ыңғайлы кез келген жерде үтіктей аласыз. Мысалы, перделерді шешпей-ақ үтіктеуге болады. Қол буландырғышын пайдалану кезінде техниканы әрқашан тік күйде ұстау керек, әйтпесе өзіңізді күйдіріп алуыңыз мүмкін.

Бу генераторы мен буландырғыш екеуінің бірін таңдау кезінде, құрылғыны қай жерде және қандай мақсатта пайдаланатыныңызды ойлаңыз. Үтік көптеген заттарды,  тігістерді үтіктеуге өте ыңғайлы. Буландырғыш қуатты аз тұтынады және жылдам үтіктеуге көмектеседі.