​​OLX-те ноутбукты қалай таңдауға болады?

Заманауи болмыста ноутбук сәнді нәрсе емес, көбіне қажеттілік пен мұқтаждық болып саналады. Сондықтан, егер осы техниканы шұғыл түрде қажет етсеңіз, бірақ бюджетіңіз шектеулі болса, онда құрылғыны қайталама нарықта, мысалы, OLX жарнама сервисінен сатып алу тамаша шешім болып табылады. Қолданыста болған ноутбукты жаңа техникамен салыстыра отырып, бірден бір артықшылықты – төмен бағаны байқай аласыз. Соған қарамастан ноутбукты қолдан сатып алғанда, оның дұрыс жұмыс істеп тұрғанына көз жеткізуіңіз керек. Сондықтан, осы мақалада сатып алудан бұрын нені ескеру керектігін айтамыз 🙂

Идеал ноутбукті таңдау критерийлері:

1. Жалпы техникалық сипаттамалар.

Өзіңізге ноутбуктың қай маркасы мен моделі қажет екендігін білсеңіз, іздеу айтарлықтай жеңілдейді. Бұл сіздің қажеттіліктеріңізге, дәлірек айтқанда, техниканы қандай мақсатта пайдаланатыныңызға байланысты анықталады.

• Процессор: оңтайлы түрі – Core i5 және одан жоғары. Intel процессоры бар ноутбуктарға артықшылық беруді ұсынамыз, өйткені олар сенімдірек және сізге ұзақ қызмет етеді.
• Жедел жад – кем дегенде 4 гигабайт.
• Бейне карта: кіріктірілген немесе дискретті ме? Егер сіз компьютерлік ойындардың жанкүйері болсаңыз немесе графика әлде басқа күрделі тапсырмалармен жұмыс жасауды жоспарласаңыз, дискретті бейне картасымен ноутбук сатып алыңыз. Ал көп қуатты қажет етпейтін тапсырмалармен жұмыс істеу үшін кіріктірілген бейне карта жарамды.
• Жинақтауыш: HDD немесе SSD? Қатты дисктің HDD форматы ескірген, бірақ сыйымдырақ. SSD – салқындатуды қажет етпейтін және құрылғының жылдам жұмысына кепілдік беретін заманауи формат.
• Матрица. Экранның оңтайлы өлшемі – 14 дюйм. Егер сіз техниканы жиі алып жүретін болсаңыз, онда 12-13 дюймды сатып алыңыз, мұндай ноутбуктер жеңілірек және ыңғайлырақ.

2. Көрнекілік сипаттамалар.

Ноутбуктың корпусында және дисплейінде ақаулардың болуы техниканың құлағанын немесе соғылғандығын көрсетеді, бұл кейіннен оның жұмысына әсер етуі мүмкін. Сондықтан, одан әрі жұмыс кезінде күтпеген тосын жағдайға тап болмас үшін, мұндай ұсыныстардан бас тартқан дұрыс.

• Дисплей мен корпуста жарықтар мен сызаттардың бар-жоғын мұқият қарап шығыңыз.
• Пернетақтаға назар аударыңыз: сызаттар пернелердің тозғанын көрсетуі мүмкін. Кез-келген құжатты ашып, пернелердің барлығы ешқандай кедергісіз дұрыс жұмыс істейтінін тексеріңіз.
• Ноутбук қақпағының бекіткішін тексеріңіз: ол қиындықсыз, былқылдамай немесе корпустың майысуынсыз ашыла ма?
• Монитор. Құрылғыны жүктеп, экранда дақтардың, түс реңктерінің, пиксель ақаулықтарының бар-жоғын тексеріңіз. Содан кейін дисплейде қандай-да бір кедергі бар-жоғын тексеру үшін ноутбукті әр түрлі бағытта еңкейтіп көріңіз.

3. Құрылғының жұмысын тексеріңіз.

Алдымен ноутбукті қосып, жүйенің іске қосылу жылдамдығын тексеріңіз.

• Батарея. Ең қарапайымнан бастаңыз: батареяның оңай алынып салынатынын тексеріңіз. Батарея қуаты қалай таусылатынын бақылаңыз. Егер сандардың кенет өзгеруін байқасаңыз, бұл батареяның тозығы жеткендігінің және нашар жұмыс істейтіндігінің айқын белгісі.
• USB және HDMI порттарының, DVD дискісінің және картаны оқу құралының жұмысын тексеру үшін USB флэш-дискісін, диск және жад картасын алуды ұмытпаңыз.
• Салқындату жүйесінің жұмысын ақысыз SpeedFan бағдарламалық жасақтамасының көмегімен бақылауға болады, ол ақаулардың бар-жоғын анықтайды. Сондай-ақ, ноутбукпен жұмыс кезінде жылы ауа ағынының әлсіз екенін байқасаңыз, бұл салқындату жүйесінің шаңмен бітеліп қалғанын көрсетуі мүмкін.

Жоғарыдағы нұсқауларды орындау арқылы сіз өзіңіздің барлық қажеттіліктеріңізге жауап беретін сапалы техниканы оңай табатындығыңызға сенімдіміз. OLX-те жарнама таңдау кезінде, интернетте келісім жасаудың қауіпсіздік шараларын әрдайым есте сақтаңыз. Алаяқтықтан сақ болыңыз және қырағы болыңыз! Бұл туралы «Қауіпсіздіктің бес алтын ережесі» мақаласынан оқыңыз.