OLX-те смартфонды қалай таңдауға болады?

OLX жарнамалық сервисінде көп сұралатын заттардың бірі смартфондар болып табылады, бұл жоғары технологиялық заманда таңқаларлық емес, солай емес пе? 🙂 Ал егер бұл факт сізді ешқандай таңқалдырмаса да, біз сізді келесі сұрақтар мазалайтынына сенімдіміз: жақсы смартфонды қалай таңдау керек, қандай критерийлерді ұстану керек, құралдың дұрыс жұмыс істеп тұрғанына қалай көз жеткізу керек және тағы басқа. Бұл мақалада біз сіз үшін барлық білу керек нәрсені және OLX-тен телефон сатып алу кезінде неге назар аудару керектігін жинадық.

Пайдаланылған смартфонды қалай таңдауға болады:

Сыртқы зақым.

Смартфонды мұқият қарап шығыңыз: сызаттар, жарықшақтар, жарықтар және т.б. бар ма? Егер сіз кішігірім косметикалық ақауларды байқасаңыз, онда сіз оның корпусын ауыстыра аласыз, дегенмен, бұл мұндай зақымданудың салдары уақыт өте келе көрінбейтініне кепілдік бермейді. Шешімді өз қалауыңыз бойынша қабылдаңыз, алайда құлау мен сызаттардың айқын іздеріне көз жұмуға болмайды, басқа нұсқаларды қарастырған дұрыс.

Дисплей.

Смартфонға жарқын сурет жүктеп, экранда оғаш реңктер, нүктелер бар-жоғын байқаңыз немесе түстердің ауытқуын байқадыңыз ба? Олай болса, бұл смартфонда пиксель жанып кеткен немесе бастапқы экраны арзанына ауыстырылған деген сөз. Жазбаларға немесе хабарламаларға да жазып көріңіз. Егер түсініксіз таңбалар шықса, онда құрылғыдағы сенсорлық экран да ақаулы деген сөз.

Желілік және Wi-Fi модулінің жұмысы.

Сатушымен кездесуге өзіңіздің SIM картаңызды алып, сатып алатын смартфоннан қоңырау шалып көріңіз, осылайша байланыс модулі мен мобильді интернеттің жұмыс қабілеттілігін тексеріңіз. Wi-Fi желісіне қосылуды ұмытпаңыз, сигнал күшін және қол жетімді желілердің көрінуін бағалаңыз.

Дыбыс және динамик.

Музыканы немесе бейнені қосыңыз, дыбысты максималды деңгейге қойыңыз, бұл сізге дыбысты бағалауға мүмкіндік береді. Динамикті тексеру үшін біреудің сізге қоңырау шалуын сұраңыз, сонымен бірге тек сіздің қалай еститініңізді ғана емес, сонымен қатар сымның екінші жағында сіздің қалай естілетініңіздің жағдайы мен сапасын бағалаңыз.

Камера.

Мұнда бәрі оңай: тек «Камера» қосымшасын ашып, автофокусқа, түсірілген суреттердің сапасына және т.б. назар аударыңыз. Мұндағы басты нәрсе – камераны аударуды және сол сияқты алдыңғы камераны бағалауды ұмытпау.

Батарея.

Егер сіз сатып алатын смартфонның батареясы алынбалы болса, жақсы болар еді, онда батареяны тек шығарып, ісіну мен ылғалдылықты тексеру жетерлі. Егер батареяны шығару мүмкін болмаса, телефонды зарядтап, бақылап көріңіз. Егер құрылғыдағы сандар тез өсіп, бірден ондаған пайызға көтерілсе, онда бұл батареяның дұрыс еместігінің айқын белгісі.

Аксессуарлар.

Кездесуге өзіңізбен бірге жұмыс істейтін құлаққаптарды алып келіңіз, аксессуармен дыбыс пен динамиктердің дұрыс жұмыс істеп тұрғанын тексеріңіз. Смартфонды зарядтау құрылғысына қосып, ағытпаның күйін бағалаңыз. Егер зарядтау кабелін сәл тарту кезінде ағытпа өте бос болса, онда сатып алудан бас тартқан дұрыс.

OLX сізге сәтті сауда жасауды тілейді, смартфон сізге адал және ұзақ қызмет етсін! 🙂