Онлайн сатып алулардың қауіпсіздігі: дәрі-дәрмекке тапсырыс берер алдында нені білу маңызды

Онлайн сатып алулар күнделікті өмірдің ажырамас бөлігіне айналды. Алайда дәрілік заттарды интернет арқылы сатып алу елеулі қауіптермен байланысты болуы мүмкін.

2026 жылы Қазақстанда интернет арқылы арықтауға арналған препараттар мен құрамында денсаулыққа қауіпті компоненттері бар басқа да құралдарды өз бетінше сатып алған кәмелетке толмағандар арасында ауыр улану жағдайлары тіркелді.

Медициналық ұйымдардың мәліметінше, мұндай препараттарды бақылаусыз қолдану денсаулыққа ауыр зардаптар келтірген, ал бір жағдайда өліммен аяқталған.

Қазақстан Республикасының заңнамасына сәйкес мемлекеттік тіркеуден өтпеген, сапасын растайтын құжаттары жоқ немесе қауіпсіздік талаптарына сәйкес келмейтін дәрілік заттар мен медициналық бұйымдарды сатуға тыйым салынғанын есте ұстаған жөн.

Соған қарамастан интернетте, әлеуметтік желілерде және кейбір сауда алаңдарында шығу тегі күмәнді препараттарды сату туралы ұсыныстар әлі де кездеседі.

Өзіңізді және жақындарыңызды қалай қорғауға болады?

Қарапайым қауіпсіздік ережелерін сақтаңыз:

• дәрі-дәрмектерді тек лицензияланған дәріханалардан және ресми интернет-дәріханалардан сатып алыңыз;
• сатып алмас бұрын препараттың мемлекеттік тіркеуден өткенін тексеріңіз;
• күмәнді сайттар, әлеуметтік желілер және ресми емес сауда алаңдары арқылы дәрі-дәрмекке тапсырыс бермеңіз;
• дәрігердің кеңесінсіз арықтауға арналған препараттарды және басқа да дәрілік заттарды қолданбаңыз;
• кәмелетке толмағандардың дәрі-дәрмекті өз бетінше сатып алуына және қолдануына жол бермеңіз;
• мемлекеттік немесе орыс тіліндегі нұсқаулық пен таңбалаудың болуына назар аударыңыз;
• бағасы күмәнді түрде арзан тауарларға сақтықпен қараңыз;
• егер қаптамада QR-код болса, оны DariKZ және Naqty Ónim мобильді қосымшалары арқылы тексеріңіз.

Күмәнді препаратты анықтасаңыз не істеу керек?

Егер мемлекеттік тіркеуден өтпеген, тыйым салынған немесе күмән тудыратын дәрілік заттар мен медициналық бұйымдардың сатылуына тап болсаңыз, бұл туралы OLX.kz қолдау қызметіне және Медициналық және фармацевтикалық бақылау комитетінің аумақтық бөлімшелеріне хабарлаңыз.

Байланыс деректері:

Мекенжайы: Алматы қаласы, Абылай хан даңғылы, 63;

• E-өтініш сервисі арқылы;
• Онлайн байланыс арқылы (тел.: 8-727-273-48-51).

Уәкілетті органдарды дер кезінде хабардар ету дәрілік заттардың заңсыз айналымының жолын кесуге және азаматтардың денсаулығын қорғауға көмектеседі.

Өзіңізді және жақындарыңызды қорғаңыз: күмәнді пайда немесе онлайн сатып алудың ыңғайлылығы үшін денсаулығыңызға қауіп төндірмеңіз.