Онлайн түрде сапалы велосипедті қалай таңдауға болады? OLX-тің практикалық кеңестері
Views: 648
Велосипедті қалай онлайн таңдауға болады? Велосипед ұзақ мерзімге сатып алынатын дүние, сондықтан оны таңдау барысында зор жауапкершілік таныту қажет.
Бірінші кезекте неге назар аудару керек? Ең алдымен, бюджетіңізді есептеңіз, себебі бұл мәселеде бюджет аса маңызды мәнге ие. Бюджет мәселесін шешкеннен кейін велосипедтің сыртқы түрі мен өлшемін қарастырыңыз. Велосипедті таңдау процесін киім таңдау процесімен салыстыруға болады. Дүкендерде ер адамдарға, әйелдерге, балаларға арналған түрлі велосипедтер ұсынылған. Велосипедті пайдалану мақсатына қарай дөңгелек түрі таңдалынады. Велосипедті таңдау кезінде амортизация жүйесі мен оның дөңгелегіне көңіл бөлу қажет, себебі велосипед тебуде олардың маңызы зор. Бұл туралы рет-ретімен осы мақалада айтатын боламыз.
Велосипедтің сыртқы түрі мен материалдары.
Велосипед түрлі материалдардан жасалуы мүмкін. Заманауи велосипедтер болаттан, алюминийден, титан немесе карбоннан жасалады. Пайдаланылатын материалға байланысты велосипедтің бағасымен қатар оның қасиеттері де өзгереді.
Велосипед өндірісінде пайдаланылатын материалдардың артықшылықтары мен кемшіліктерін қарастырып көрейік.
Болат 100 жылдан астам уақыт бойы велосипедтердің рамаларын жасау үшін қолданылады. Ол жоғары беріктігімен, төзімділігімен және жөндеу жарамдылығымен ерекшелінеді. Сондай-ақ болаттан жасалған велосипедтер ұзақ жылдар бойы қызмет етіп, қолжетімді бағада ұсынылады. Болат қорытпасының кемшіліктеріне оның ауыр салмағы мен жаңбыр суынан тез тоттанып кетуін жатқызуға болады.
Алюминий таза түрінде пайдаланылмайды. Себебі ол өте жұмсақ. Сондықтан алюминиймен қатар мырыш, мыс, басқа металдар бар қорытпалар қолданылады. Алюминий велосипедтері жеңіл болады, рамаларын тот баспайды және жылдамдығы жоғары болып келеді. Мұндай велосипедтің артықшылықтарымен қатар кемшіліктері де бар: оның құны тым жоғары, жолдарда қатты жүреді, 5 жыл пайдаланғаннан кейін сызаттар пайда болады, сондай-ақ оның жөндеу жарамдылығы өте төмен, себебі алюминий рамасын дәнекерлеу қиын.
Титан ең жақсы материалдардың бірі. Ол таза түрінде пайдаланылмайды. Титан қорытпалары ванадиймен, кремниймен және т.б. қолданылады. Титан рамалары тегіс жол болмаса да, қызметін дұрыс атқарады, дірілдерді жояды. Оның салмағы жеңіл және жоғары беріктігімен, зақымдануға төзімділігімен ерекшелінеді. Титан велосипедтерінің басты кемшілігі – оның бағасы. Себебі титан – өте сирек әрі қымбат металл, оның қорытпалары дәнекерлеу кезінде күрделі технологияларды талап етеді.
Карбон немесе көміртекті пластик – көміртекті талшықты қолданумен композиттік материалдан жасалған өнім. Карбон велосипедтерінің салмағы жеңіл әрі беріктігі жоғары. Бағасының жоғары болуы, сынғыштығы мен орташа қызмет мерзімі оның кемшіліктерін құрайды.
Велосипедтің өлшемі
Велосипедтің өлшемі оны пайдаланатын адамның бойына сәйкес анықталады. Төменде біз сіздің бойыңызға сәйкес келетін раманың өлшемін анықтауға мүмкіндік беретін кестені ұсынамыз:
Раманың өлшемі, дюйм | Сіздің бойыңыз, см. | Раманың өлшемі, cm. |
13″-14.5″ | 145 – 155 | 33-36 |
15″-16″ | 158 – 172 | 38-40 |
17″-18″ | 168 – 182 | 43-47 |
19″-20″ | 178 – 190 | 48-52 |
21″-22″ | 188 – 200 | 55-58 |
23″-24″ | 200 – 210 | 59-62 |
Дөңгелек түрі сіз таңдаған велосипедке байланысты. Егер сіз велосипедті қала ішінде тебетін болсаңыз, гибрид немесе қалалық нұсқаға назар аударыңыз. Олардың дөңгелектері үлкен, мұндай велосипедтерді қалада тебу өте ыңғайлы. Егер құм, тегіс емес жолдарда көп жүретін болсаңыз, тау велосипедін қарастырып көріңіз. Олардың дөңгелектері үлкен әрі тісті болып келеді. Сонымен қатар амортизация туралы ойланыңыз, ол сізге қажет пе? Бұл бұйым велосипедке бірнеше килограмм қосқанымен, жиектастардан оңай өтуге көмектеседі.
Біздің сервисіміздің Спорт/демалыс категориясында велосипедтердің кең таңдауы көрсетілген. Сіз өзіңізге келісетін велосипедті бюджетіңізге сәйкес таңдай аласыз. Велосипедпен серуеніңіз сәтті өтсін!
Соңғы мақалалар
2019 жылғы мәліметке сүйенетін болсақ, Қазақстанда жұмыс көп болғанымен білікті мамандар жетіспейді…
Фильмдерді үлкен экранда және сапалы көлемді дыбыспен көру теледидардан көрумен салыстыруға келмейді…
Болашақ баланың жынысын тек ата-анасы ғана емес, жақын туыстары мен достары да…
Қазақстанның көпшілік тұрғындары киноны үлкен экраннан көруді жөн көреді. Қазір мұны кинотеатрға…
Жуынатын бөлмені жөндеу немесе үй салу кезінде Қазақстанның көпшілік тұрғындары душ кабинасының…