Онлайн түрде құрылыс материалдарын қалай таңдауға және шеберді қалай табуға болады? Шебермен келіссөздер жүргізуге көмектесетін кеңестер

Жөндеу жұмыстарын жүргізуді жоспарлап жүрсіз бе? Әрине, әрбір тұлға жөндеу жұмысының нәтижесі сапалы әрі сәнді болуын қалайды. Сондықтан құрылыс материалдары мен шеберді таңдау процесіне үлкен жауапкершілікпен қарау қажет. Біз шеберді және құрылыс материалдарын таңдауда қателеспеуге көмектесетін бірнеше тамаша кеңестермен бөлісуге дайынбыз.

Достардың ұсыныстары және Интернеттегі іздеулер

Бірінші тәсіл – бұл ең оңай тәсіл. Жақындарыңыз бен достарыңыздан құрылысшылар жөнінде сұрастырып көріңіз. Пікірлер мен ұсыныстар шешім қабылдауға әрқашан оң әсер етеді. Екінші тәсіл – ғаламторды пайдалану. Ол  да өте оңай, біздің сервисте сұрауыңызды енгізіңіз. Қажетті сұраныс санатына бірден кіру үшін Құрылыс және жөндеу категориясына өтуге кеңес береміз. Бізде құрылыстан бастап тапсырыс бойынша жиһаз жасауға дейін жиырмадан астам қызмет түрлерін табасыз.

Сұхбат

Хабарландыруда ұсынылған ақпаратқа ғана емес, басқа да мәліметтерге назар аударыңыз. Міндетті түрде көрсетілген телефон нөмірі бойынша қоңырау шалып, жарнаманың өзекті екеніне көз жеткізіңіз. Шебермен диалог жүргізген өте пайдалы, осы арқылы жұмыс кезеңдерін білуге, сондай-ақ жұмыс құнын сұрауға болады. Сіз алдын ала жоспарланған жұмыстарды фото немесе видео арқылы жібере аласыз.

Шарт

Кәсіпқой маман толық ақпаратты ұсынып, жұмыстың шынайы мерзімдерін айта алады. Егер сіз шебердің тәжірибесіне күмән келтірсеңіз, сіз оның біліктілігін растайтын құжаттарды және орындалған жұмыстардың үлгілерін сұрай аласыз.
Шебермен міндетті түрде шарт жасаңыз, үлгілік шарттарды ғаламтордан табуға және оны өзіңізге келісетіндей етіп өзгертуге болады.

Тәжірибесі мол шеберді арзан бағаға жалдау мүмкін емес. Қысқа мерзімде және арзан бағамен жөндеу жұмыстарын жүргізуге уәде беретін тұлғаларға сенбеңіз. Бұл өз ісін жетік білмейтін өтірікші болып шығуы мүмкін. Егер жалдайтын жұмысшы он саусағынан өнер тамған шебер екенін айтса, сақ болыңыз. Бірінші кезіккен құрылысшыларды жалдамаңыз, нарықтағы орташа бағаны зерттеңіз, бірнеше шеберлермен сөйлесіп көріңіз. Кезең-кезеңмен төлем жүргізу қарастырылған шартты жасаңыз. Бұл жөндеу процесінің мерзімдерін бақылауға және уақтылы төлем жасауға көмектеседі.

Ерекше көңіл бөлуді қажет ететін негізгі критерийлер:

Жарамдылық мерзімі

Біз тауар құнының жоғарылауынан сескеніп, тауар санын көбейтіп аламыз.  Алайда барлық материалдардың қолданылу мерзімі ұзақ емес, қажет болған жағдайда осы зат жарамды болмауы мүмкін.

Ұзақ мерзімділігі

Материал өзінің қасиетін қаншалықты ұзақ сақтай алатынын көрсететін қасиет. Осы критерий бойынша жөндеу жұмыстарын жүргізу немесе материалды ауыстыру мерзімін болжауға болады.

Ылғалға және төмен температураға төзімділігі

Біздің еліміздің аумағында температура көрсеткішінің өзгеруі айқын байқалады, төрт мезгілдің барлығын көруге болады, сондай-ақ кейбір аудандарда ылғалдық деңгейі жоғары. Сондықтан осы критерийге назар аударыңыз. 

Монтаждау құны

Құны төмен қызметтерді пайдалану әркез жақсылыққа әкеп соқпайды. Жұмыс сапасы материалдың сапасына байланысты болады, сондықтан бұл жағдайда тепе-теңдікті сақтаған дұрыс.

Біздің Құрылыс/жөндеу категориясында көптеген құрылыс материалдары ұсынылған. Бастаған істеріңіз оңға бассын! Егер сізге осы материал ұнаса, онымен өз достарыңызбен бөлісіңіз!