Пәтерді тәуліктеп жалға беру

Интернетте бәрін табуға, сатып алуға және сатуға болады. Телефон қосымшалары, тегін хабарландырулар бизнес иелеріне тауарлар мен қызметтері тез уақыт ішінде сатып, клиент табуға мүмкіндік тудырып отыр. Пәтерді тиімді жалға беру туралы сөз қозғайтын боламыз. 

Ең танымал платформалардың бірі OLX-та хабарландыру жариялаудан бастайық. 

Кіреберіс, жатын бөлме, асүй және санузел суреттерін түсіріңіз. Сурет жақсы шығу үшін кішігірім нәрселерге көңіл бөліңіз. Мысалы, төсек-орын жабдығы, асүйдегі ыдыс, сондай-ақ, терезеден ашылатын көрініс те болады. Әдетте, адамдар бірінші суретке назар аударып, сосын хабарландыру сипаттамасын оқиды. Сондықтан, кәсіби фотографты шақырсаңыз да болады. 

Пәтер сипаттамасын жазғанда, орналасқан жерін, бөлмелер санын және қай қабатта орналасқанын жазып өтіңіз. Вай фай, үтік, ванна жабдықтары болса да, оны да жазыңыз. Аялдама немесе метро бекетіне қанша жүру керек, айналада азық-түлік дүкендері бар ма, пәтер ішінде темекі тартуға болады деген сияқты тұстарды нақтылаңыз. 

Бәсеке қабілетті баға қойыңыз. Сайттағы хабарландыруларды бақылап жүріңіз, бағалар төмендегенін байқасаңыз, сіз де бағаңызды төмендеткеніңіз дұрыс болады. Уақытша акция ұйымдастырсаңыз болады. Мысалы, “пәтер жалдау мерзіміне шотында 1000 теңге бар  “Оңай” көлік картасы қолданысқа беріледі”. 

Хабарландыруыңыз тізімде бірінші тұрсын десеңіз жарнама пакеттерін қосыңыз. Хабарландыруды үлкен аудиторияны қамтитын болады. 

Трансфер қызметін қосыңыз. Іс-сапарға келгенде немесе басқа қаладан келген қонақтар үшін тәуліктеп пәтер жалға алынады. Қонақтарыңызды вокзалдан немесе әуежайда қарсы алсаңыз сіздің рейтингіңізде өседі. Бастысы бағасы құлаққа кіретіндей болғаны. Сонымен қоса, жаңа жерге келгенде такси іздеп,  мекен-жайды ешкім нақтылап жүргісі келмейді. 

Сурет пен пәтер бір-біріне сәйкес келу керектігін ұмытпаңыз. Пәтер суреттегідей болса, ал сіз қонағыңызға жақсы әсер қалдырсаңыз, келесі іс-сапарда сіздің үйде ойланбастан тағы тоқтайтын болады.