Пайдалы қаржылық әдеттер

Қаржылық сауаттылық әр адам білуге тиісті  заманауи әлемдегі ең қажетті дағдылардың бірі. 

Көп нәрсені автопилот режимінде істеп үйреніп қалдық, сонымен қатар ақшамызды еш ойланбастан пайдалана береміз. Әдеттеріңізге бір көз жібертік көріңіз, қаражатыңызды қаншалықты сауатты пайдаланасыз? Сіз ойға батып отырғанды пайдаланып, күнделікті өмірңізде кәдеге жарайтын, пайдалы қаржылық әдеттермен бөліспекпіз. 

Кіріс пен шығыс есебін жүргізіңіз 

Айлығыңызды және қанша, қайда жұмсағаныңызды жазып отырыңыз. Осылайша ақшаңыз “судай” қайда кетіп жатқанын түсінесіз.  CoinKeeper, Money Pro, Wallet сияқты көптеген қаржыңызды қадағалайтын қолданбалар көп. 

Импульсивті сауда жасамаңыз 

Керегі жоқ заттарға “жоқ” деуді үйреніңіз. Сауда жасар алдында ең кемінде бірнеше апта ойланыңыз, сонда бір нәрсенің қаншалықты керек екенін түсінесіз. Есебіңізге бір көз жүгіртіп, қандай шығындарды азайта алатыңызды ойланыңыз. 

Қауіпсіздік көпшігін дайындаңыз 

Өмірде әр түрлі жағдайлар болады, сондықтан пайда болған қиындықтарға қарамастан, туындаған жағдайды шешуге немесе/және алғашқы уақытқа жетерліктей қаражатыңыз болғаны жөн. Айлығыңыздың 5-10% әр сайын сақтаңыз, бұл ақшаға қол тигізбеңіз. Ең азынды 3-5  айлығыңыздың сомасы жинағанда, қауіпсіздік көпшігі дайын болады. 

Саналы тұтынушы болыңыз 

Ұқыпты әрі үнемді тұтыну арқылы қаражатыңызды ғана сақтап қоймайсыз, сондай-ақ эко-қозғалысқа үлесіңізді қосасыз. Шектен тыс тұтына бермеңіз, соңғы сән трендтерді қуалаудың да қажеті жоқ, керегіңізді ғана алуға тырысыңыз. Жоғары сапалы киім мен аяқ-киім таңдаңыз, ал ескі заттарыңызды сатыңыз. OLX алаңында пайдаланылған заттарды сату немесе сатып алу жөнінде хабарландырулар жариялай аласыз! 

Қаржылық жоспар құрыңыз 

Жеке автоға немесе отбасылық демалысқа ақша жинағыңыз келеді ме? Жоспарсыз қиын болады, әдетте қызығып, керек емес заттарға ақшамызды жұмсап қоямыз. Сондықтан,қаржылық жоспар құру маңызды. Керек соманы санаңыз және ай сайын белгілі мөлшерде ақшаңызды жинауды бастаңыз. “50-20-30” бюджет құрудың мінсіз жоспары: 

• 50% қаражатыңызды міндетті айлық шығындарға (азық-түлік, жалдама, пәтерақы) жұмсаңыз; 
• 20% қаражатыңызды сақтап қойыңыз; 
• 30% қаражатыңызды ойын-сауық жұмсаңыз. 

Осы қаржылық әдет күнделікті өміріңізге сіңіп, қаржылық тәуелсіздікке жол ашады деп сенеміз 🙂