Пульсоксиметрді қалай таңдау керек: пайдалы кеңестер.

Бүгінгі дәрі-дәрмек қобдишалары түрлі препараттар мен дәрі-дәрмектердің жиынтығы ғана емес, әр түрлі құрылғылардың жиынтығы болып табылады. Пульсоксиметр – қандағы оттегі концентрациясын өлшеуге арналған кеңінен таралған құралдардың бірі. Аппарат коронавирус, жүрек-қан тамырлары және басқа да ауруларды диагностика жасау үшін пайдаланылады. Сатурация деңгейін дұрыс өлшеу үшін осы аппаратты мұқият таңдау керек. Түрлі пульсоксиметрлерді  OLX хабарландыру сервисінде таба аласыз 🙂

• Түрі

Үй жағдайында пайдаланатын пульсоксиметрлер ішінде саусаққа бекітілетін құрал танымал. Саусаққа арналған ойығы бар қыстырғыш ретінде келеді. Бұл аппараттың басқа нұсқасы білекке қыстырылады. Сыртқы айырмашылығынан бөлек, функционалында үлкен айырмашылықтары жоқ. 

• Мөлшер 

Мөлшері келмейтін пульсоксиметр көмеігмен қандағы оттегі мөлшерін өлшейтін болсаңыз, нәтижесі дұрыс шықпау ықтималы жоғары. Бұл құралдың балаларға да, үлкендерге де арналған түрі бар. Сондықтан сатып алмастан бұрын кім және қандай мақсатқа пайдаланатынын ойластырғаныңыз жөн. 

• Форм-фактор

Батарейкамен жұмыс істейтін пульсоксиметрлер үй жағдайында пайдалануға ыңғайлы. Әдетте тасымалдауға ыңғайлы және пайдалануы оңай болып келеді. Жылжымайтын пульсоксиметрлер клиникалық зерттеулер үшін стационарларда кеңінен пайдаланады. 

• Қосымша функционал 

Қосымша функционалы неғұрлым көп болса, бағасы да соғұрлым қымбат болады. Пульсоксиметр қарапайым құрал және сатурация өлшеу үшін девайстың қосымша мүмкіндіктері қажет емес. Алайда түрлі-түсті дисплей, датчиктер сияқты қосымша функционалдары болуы мүмкін. 

• Құжаттар 

Сапалы аппарат алғыңыз келсе, нарықта белгілі брендтерді таңдағаныңыз жөн. Сонымен қатар лицензия, сертификат сияқты құжаттарды тексеріп алыңыз.