Қала үшін қымбат емес велосипедті қалай таңдауға болады?

Көптен күткен жылы күндер де келіп жетті, яғни таза ауада экологиялық таза сапарлар туралы ойланатын кез келді. Қала ішінде қауіпсіз және жайлы қозғалуға арналған қымбат емес әрі танымал велосипед нұсқаларын OLX хабарландыру қызметінен таба аласыз. Ал біз болсақ қозғалыс үшін осы көлікті таңдау кезінде қандай параметрлерге назар аудару керектігін айтамыз:

Велосипедтің салмағы неғұрлым жеңіл болса, көлікті басқару соғұрлым ыңғайлы және маневр жасау оңайырақ олады. Сәйкесінше сапарыңыздың сапасы осы параметрге байланысты болатыны таңқаларлық емес. Қала ішінде айдау үшін орташа салмағы шамамен 15 кг велосипедтер өте қолайлы.

Велосипедтің артқы дөңгелегіне педальдің айналмалы берілуіне жауап беретін параметр:

• Тізбекті жетек – бәрімізге белгілі классикалық велосипедтерде кең таралған түр.
• Белдікті жетек велосипедтердің қалалық жиналмалы түрлерінде кездеседі. Жетектің бұл түрінің салмағы өте жеңіл, майлауды қажет етпейді және оңай жиналады. Кемшіліктері: үлкен жүктерді тасымалдауды жоспарласаңыз, пайдалану ұсынылмайды.
• Айқартопсалы жетек айтарлықтай салмағы мен үлкен көлемділігіне байланысты өте сирек кездеседі.

Жақтаудың беріктігі ыңғайлы және сенімді қозғалысқа кепілдік береді, сондықтан бұл бөліктің қандай материалдан жасалғанына назар аудару өте маңызды:

• Болат – ауыр материал, бірақ оған қарамастан беріктікке, бағаның төмендігіне және қолжетімді жөндеуге жарамдылыққа кепілдік береді.
• Алюминий қорытпалары болат жақтауларға қарағанда айтарлықтай жеңіл, сондай-ақ төмен бағасымен және орташа беріктігімен ерекшеленеді және коррозияға ұшырамайды.
• Карбон – өте жеңіл материал, дегенмен беріктігі жағынан кем түспейді. Алайда тікелей соққыларға төзімсіз және жөндеуге жарамайды.

Жақтауды таңдағанда оның өлшеміне де назар аудару керек. Дұрыс таңдалмаған өлшем ыңғайсыз және қисық мініске әкеледі. Бұл параметр сіздің бойыңызға қарай таңдалады:

• 155-163 см – жақтаудың өлшемі 46-48 см;
• 164–172 см – 49–52 см;
• 173–181 см – 53–56 см;
• 182–190 см – 57–59 см;
• 191–199 см – 60–63 см.

Кішкене бір лайфхак: велосипед алу кезінде былтырғы үлгілерді таңдауыңызды ұсынамыз. Велосипедтер, көптеген басқа заттар сияқты, жыл сайын үлгілік қатарын жаңартады. Әрине, көлік неғұрлым жаңа болса, соғұрлым қымбат болады, бірақ бұл техникалық жабдықтандыру жағынан жақсырақ дегенді білдірмейді.