Қандай шаңсорғышты таңдау керек: үйге арналған шаңсорғыштардың түрлері

Егер сізге үйге арналған шаңсорғышты бір минут ішінде таңдауға болатындай  көрінсе, ол қате түсінік екендігін айтамыз. Қолмен тазалайтын, классикалық, қапшығымен немесе қапшығынсыз, жарықтандырылған немесе сүзгісі бар — опциялар тым көп.

Үйге арналған техника OLX-та ұсынылған, оның көмегімен сіз өз міндеттеріңізді: дәмді кешкі ас дайындаудан еденді тазалауға дейін орындай аласыз.

Сонымен, бұдан әрі үйге арналған шаңсорғыштың қайсысын таңдау дұрыс шешім екендігін  төменде айтамыз.

Қандай шаңсорғыштар жақсы екенін біржақты айту мүмкін емес. Барлығы жағдайға, сіздің талаптарыңызға байланысты. Осының негізінде тұрмыстық техниканың оңтайлы сипаттамаларын таңдап, қолайлы модельді іздеуге болады. Шаңсорғыштардың негізгі түрлерін қарастырайық.

Классикалық шаңсорғыштар

Шаңсорғыштың ең көп таралған моделі классикалық шаңсорғыш болып табылады. Оның дөңгелектері, гофрленген шлангісі, түтігі және саптамасы бар үлкен корпусы бар. Бұл дәл біз көріп үйренген үлгі.

Оның артықшылықтары:

• қуаттың жоғарылығы;
• үлкен сыйымдылық;
• сіңірудің максималды мүмкіндігі.

Классикалық модельдің кемшілігі оның өлшемі болуы мүмкін. Егер сіздің пәтеріңізде орын шектеулі болса, үлкен шаңсорғышқа орын табу қиынға соғады.

Мұндай модельдер еден жабындары мен кілемдерді үй жағдайында тазалауға арналған. Шаңсорғышта, мысалы, жұмсақ жиһазды тазалауға арналған қосымша саптамалар болса, функциялар аздап көбеюі мүмкін.

Тік шаңсорғыштар

Тік шаңсорғыштар ықшамды болып келеді. Олар түтіктен, саптамадан және шағын контейнерден тұрады. Олардың артықшылықтары мыналар:

• ықшамдылық және қарапайымдылық;
• жеңіл салмақ;
• жетуі қиын жерлерге қол жеткізу.

Мұндағы контейнердің өнімділігі, қуаты мен көлемі классикалық үлгілерден төмен. Оларды кішігірім бөлмелерде қолданған дұрыс. Егер сіз бір бөлмелі пәтерде тұрсаңыз, бұл жиі және оңай тазалау үшін тамаша нұсқа.

Қол шаңсорғыштары

Іс жүзінде қол шаңсорғыш — бұл тік модельдерді де қамтитын жалпыланған атау. Қолмен жұмыс жасайтын модельдер негізгі тағайындаулармен  ерекшеленеді:

• автомобильдік — көбінесе көлденең бағытта болады және көбінесе шаш кептіргішке ұқсайды;
• терезелік — сұйықтықты шашатын, содан кейін кірді сіңіретін ықшамды модельдер;
• бумен сүрткіш — бумен жібіткіштің қосымша функциясы бар тік үлгі.

Қол шаңсорғышының өлшемдері өте кішкентай, салмағы әдетте 3 кг-нан аспайды. Бұл модельдің қуаты аз, сондықтан ол жергілікті тазалау үшін қолданылады. Зарядты 30 минуттан 60 минутқа дейін ұстай алатын аккумуляторы бар.

Робот-шаңсорғыштар

Егер сіз өз орындайтын тапсырмаларыңызды азайтқыңыз келсе, онда сізге робот-шаңсорғыш керек. Ол адамның тікелей қатысуынсыз жұмыс істейді және берілген бағдарлама бойынша автоматты түрде тазалайды.

Робот шаңсорғыштың артықшылықтары:

• сіз болмаған кезде тазалай алады;
• жұмыс кезінде шудың төмен деңгейі;
• ықшам және сақтауға ыңғайлы;
• жетуі қиын жерлерге жетеді.

Дегенмен, шаңсорғыштың жұмыс істеуі үшін үйде табалдырықтар және басқа кедергілер болмауы керек. Барлық кілемдер роботпен «дос болуға» дайын емес. Жалпы тазалауға бұл түр мүлдем сәйкес келмейді, бірақ тазалықты сақтау үшін бұл өте жақсы.

Үйге арналған шаңсорғыштардың түрлерін шаң жинағыштары бойынша да ажыратады. Бұл параметр жабдықты күтіп-ұстауға қаншалықты ыңғайлы болатындығына және шығын материалдарына қанша қосымша қаражат жұмсайтындығыңызға байланысты.

Шаң жинауға арналған қапшығы бар шаңсорғыштар

Көбінесе қапшығы бар шаңсорғыштар бюджеттік модельдер болып табылады, бірақ олардың әртүрлі түрлері бар.

Қапшықтың түрі	Артықшылықтары	Кемшіліктері
Бір рет қолданылатын қағаз қапшық	Арзан, оны әр уақытта сілкудің қажеті жоқ, оны лақтырып тастау жеткілікті	Өткір заттардың түсуінен  жыртылуы мүмкін, үнемі сатып алып отыру керек
Бір рет қолданылатын маталы емес	Қағаздан гөрі берік	Қымбатырақ, бұл шығындарды арттырады
Қайта пайдалануға болатын маталы	Тұрақты пайдалану үшін жарамды, шығын материалдарын үнемдеуге мүмкіндік береді	Сілкіп, мезгіл-мезгіл жуып, шаңды ұстауға тура келеді

Мұнда әркім өзі үшін шешеді. Бір рет қолданылатын қапшықтар аллергиямен ауыратындар үшін тамаша шешім болып табылады. Қап толған сайын сору қабілеті төмендейтінін ескеріңіз.

Қапшығы жоқ шаңсорғыштар

Қаптың орнына контейнерді пайдалануға болады. Әдетте контейнер мөлдір болады, сондықтан оның толғанын қадағалау оңай. Бұл шаңсорғыштың жұмысына әсер етпейді.

Көбінесе контейнерге су толтырылады. Сонда ыдысты тазалаған кезде шаң шашырамайды. Кемшіліктердің ішінде мұндай контейнерді әр тазалаудан кейін жуу қажеттігі бар. Артықшылықтардың бірі — оны жарықтар немесе басқа зақымданулар пайда болған жағдайда ғана ауыстыру керек.

Сондай-ақ циклондық шаңсорғыштар бар. Оларда екі бөліктен тұратын контейнер қарастырылған. Оның ішінде барлық шаң мен ауа орталықтан тепкіш күштің әсерінен жоғары жылдамдықпен айналып, «циклон» түзеді.

Мұндай контейнердің артықшылығы – оны толған кезде тазалауға болады, қоқысты және шаңды ұстамайсыз. Мұндай модельдер айналу арқылы шаңның ұсақ бөлшектерін, тіпті микробтарды ұстап, ауаны тазартады.

Шаңсорғышты қуаттандыру әдісі бойынша қайсысы жақсырақ екенін өзіңіз таңдайсыз. Бүгінгі таңда желілік және аккумуляторлық модельдер ұсынылған.

Аккумуляторлы шаңсорғыштар

Егер сіз пәтерге қандай шаңсорғышты таңдау керектігін ойлансаңыз, онда міндетті түрде зарядталатын модельдерге назар аударыңыз. Олардың заряды бірнеше бөлмені тазалауға жетеді. Бірақ үйді жалпы тазалау үшін олар қолайлы болмасы анық. Аккумуляторы бар шаңсорғыштардың ерекшеліктері:

• жеңіл және ықшам — салмағы 5 кг-ға дейін;
• пайдалану оңай — қажетсіз манипуляцияларсыз алып тазалай аласыз;
• олардың шу деңгейі төмен.

Олар қоқысты сору қуатынан нашарлау. Егер сізде үлпілдек кілем болса, онда мұндай шаңорғышпен бір жерден бірнеше рет өтуге тура келеді.

Желілік шаңсорғыштар

Бұған мүлдем қарама-қарсы модель – желілік модельдер. Розеткаға қосылудың арқасында оларды шексіз пайдалануға болады. Олардың сору қуаты еден жабындарының, кілемдердің әртүрлі түрлерінен қоқыс пен шаңды кетіруге жеткілікті.

Технологияның кемшіліктері электр қуатына және кабель ұзындығының жеткіліксіздігіне байланысты. Сізге үнемі жаңа розеткаларға қосылу немесе ұзартқыш сымдарды пайдалану қажет.

Шаңсорғыштың түрін және негізгі құрылымдық сипаттамаларын анықтаған  кезде функционалдық мүмкіндіктерге өтіңіз. Біз жабдықтың жұмысына және сіздің жайлылығыңызға әсер ететін негізгі параметрлерді таңдадық.

Сору қуаты және қуат тұтыну

Шаңсорғыштың қуаты неғұрлым жоғары болса, соғұрлым ол көп қоқысты жинайды, соғұрлым ол электр энергиясын тұтынады. Техниканың өнімділігіне тағы бір көрсеткіш – сору күші әсер етеді. Әдетте бұл тұтынылатын қуаттың 20-25%-на тең.

Әртүрлі тапсырмалар үшін әртүрлі сору күші қажет:

• жергілікті тазалау үшін — 250 Вт дейін;
• линолеум немесе паркет үшін — 250-ден 350 Вт дейін;
• пәтер үшін — 350-400 Вт;
• кілемдері бар үйлер немесе бөлмелер үшін — 400 Вт-тан жоғары.

Қуат реттегіші бар модельді таңдаған жөн. Сонда сіз сору қуатын да, электр энергиясын тұтынуды да басқара аласыз.

Ауаны сүзу және шу деңгейі

Бөлмедегі ауаның тазалығы мен шаңның сақталуы сүзгінің түріне байланысты. Бүгінгі таңда ең жақсы нұсқа – HEPA сүзгісі. Ол шаң мен бактериялардың ұсақ бөлшектерінің шамамен 99%-ын ұстай алады. Егер үйде балалар немесе аллергиямен ауыратындар болса, бұл тамаша нұсқа.

Шу деңгейіне келетін болсақ, дыбыс деңгейі жабдықтың қуатына және жұмыс принципіне байланысты. Циклондық және контейнерлік модельдердің дыбысы қатты шығады. Сәл тынышырақ модель — аквасүзгісі бар шаңсорғыштар. Үнсіз деуге боларлық модель — роботтар немесе шаңсорғыш-сүрткіштер.

Шаңды жинауға арналған қаптың немесе контейнердің сыйымдылығы

Шаң жинағыштың көлемі бөлменің көлеміне байланысты. Пәтер немесе шағын үй үшін 1-2 литр жеткілікті. Ал үлкен бөлме үшін — 4-тен 10 литрге дейін қажет.

Маневрлік, салмақ және жинақылық

Әдетте тік және қолмен жұмыс істейтін модельдер маневрлік пен жинақылыққа жауап береді. Бұл робот шаңсорғыштарға да қатысты. Дегенмен, мұнда модельдердің қуаты мен тиімділігін ескере отырып, үй үшін қандай шаңсорғыштар жақсы екенін бағалау қажет. Классикалық шаңсорғыштар өлшемдері мен габариттері бойынша үлкенірек, бірақ олар үлкен аумақты жақсырақ тазартады.

Тазалаудың әртүрлі түрлеріне арналған қосымша саптамалар мен керек-жарақтар

Шаңсорғыштың функционалдығы саптамаларға байланысты. Әдетте өндіруші еденге, кілемдерге және ойықтарға арналған бірден 2-3 саптаманы салады. Қымбатырақ үлгілерде мыналарға арналған саптамалар бар:

• маталы және жылтыр жиһаз;
• паркет және ламинат;
• турбощетка.

Көбінесе оларды өзіңіз сатып ала аласыз.

Түпкілікті шешім қабылдауға көмектесетін бірнеше кеңестер:

• бөлменің түрін және тазалау қажеттіліктерін салыстырыңыз – егер орын үлкен болса, онда желілік модельдерге артықшылық беріңіз;
• жеке ерекшеліктерді ескеріңіз – егер үйде жануарлар болса, онда турбо щетка олардың жүнін жақсы жинайды;
• оңтайлы қуатты таңдаңыз – автомобильге минималды қуат қажет, екі қабатты үйге максималды қуат қажет.

Басқа пайдаланушылардың өндіруші және нақты модель туралы не жазатынын тексеруді ұмытпаңыз. Өзіңіздің жайлылығыңыз үшін басқа біреудің тәжірибесін пайдаланыңыз. Сондай-ақ, үйде аллергиямен ауыратындар болса, шаңды жақсы сіңіретін үлгілерді таңдау керек екенін есте ұстаған жөн.

Енді сіздің қажеттіліктеріңіз үшін ең жақсы шаңсорғышты таңдау туралы негізгі біліміңіз бар. Оның конструкциясын, желіге қосылуын, шаң жинағыштың көлемі мен түрін, сүзгінің қуаты мен түрін ескеріңіз. Қосымша функционалдылық туралы ұмытпаңыз: дисплейдің немесе жаңа саптамалардың болуы тазалауды жеңілдетуі мүмкін.