Қандай жөндеу жұмысы бірнеше жыл бойы өзекті болып қалады?

Жөндеу жұмысы – бұл  күш және қаржы жағынан өте шығынды жұмыс, сондықтан оны дайындауға өте мұқият және ықтиятты кіріседі. Әрине, бәрі тұрғын үй мүмкіндігінше ұзақ уақыт бойы жаңа күйде болады деген үмітпен құрылыс-монтаж жұмыстарын жүргізеді. Осы мақалада біз сіздермен бірнеше жыл бойы өзекті және стильді болып қалатын жөндеу жұмыстарын қалай жасауға болатындығы туралы лайфхактармен бөлісуді жөн көрдік.

Тұрғын үйді барлық нормалар мен стандарттарға сәйкес жоспарлаймыз.

Егер қабырғаны құлату немесе, керісінше, қабырға салуды жоспарласаңыз, онда мұндай жоспар ұзақ мерзімді перспективада ыңғайлы және жайлы болатындығына көз жеткізіңіз. Мұндай нәрселермен көп тәжірибе жасамауға кеңес береміз, стандартты жобалау нормалары мен ережелерін ұстанған дұрыс. Бұл мәселеде сізге қолда бар тұрғын үй ауданын тиімді пайдалануды көрсететін мамандар көмектеседі.

Минимализмді ұстаныңыз.

Үйдің стиліне келетін болсақ, «қарапайым, бірақ талғамды» қағидасына сүйенген жөн: минимализм немесе лофтқа жақын стильдерді таңдаңыз, әйтпесе қажетсіз оғаш бөлшектер тез зеріктіреді. Сондай-ақ, үйде мүмкіндігінше бос орын бар екеніне көз жеткізіңіз. Мысалы, өзіңіздің өмір сүру аймағыңызды заттармен үйіп тастамас үшін, кірістірілген сақтау жүйелерін пайдалана аласыз, өйткені сіздің пәтеріңіз немесе үйіңіз қаншалықты кең болса, соғұрлым сіз жайлы өмір сүресіз.

Тек табиғи және жоғары сапалы материалдарды таңдаңыз.

Егер жөндеу жұмыстарынан алынған нәтиженің сізге бірнеше жыл бойы адал қызмет етуін қаласаңыз, онда құрылыс материалдары мен әрлеу жұмыстарынан үнемдемеуіңіз керек. Ақыр соңында, бәріміз білеміз: қаншалықты қымбат болса, соғұрлым сапалы болады, демек соғұрлым берік болады. Жиһазды таңдағанда, арзан пластиктен бас тартып, ағаштан немесе тастан жасалған бұйымдарды таңдаңыз. Интерьердегі табиғи материалдар ұзақ қызмет көрсетеді, сонымен қатар олар ұяңыздың стилі мен сәнін көріктендіреді.

Жеңіл және бейтарап тондарды таңдағаныңыз жөн.

Түстер гаммасы үйдің жалпы интерьеріне айтарлықтай көп әсер етеді. Тағы бірнеше жыл жөндеу жұмыстарына қажеттік туындамас үшін, негіз ретінде ашық түсті әрлеуді қолданған жөн. Біріншіден, жеңіл бейтарап реңктері сізді тез зеріктірмейді және визуалды түрде тарылтпайды. Екіншіден, сіз осындай негізге жарқын қосымшаларды оңай таңдай аласыз, қарама-қарсы түстермен тәжірибе жасай аласыз және т.б.

Оңай ауыстырылатын декор элементтерін қолданыңыз.

Үйіңізге жайлылық пен эстетика қосу үшін сәндік элементтерді қолдануды ұмытпаңыз. Суреттер мен фотосуреттерді қабырғаға іліп қойыңыз, ваза немесе басқа керек-жарақтарды орналастырыңыз. Ең бастысы – бәрі жалпы интерьермен үйлесімді болуы және кенеттен үйде кішігірім өзгерістерді қаласаңыз, оны оңай ауыстыра алуыңыз. 

Егер сіздің үйіңізде жөндеу жұмыстарын қалай тиімді және сапалы ұйымдастыруға болатындығы туралы сұрақтарыңыз болса, біз OLX Құрылыс бөліміндегі құрылыс жайлы басқа мақалаларды оқуға кеңес береміз.