Қазақстандағы арзан және қымбат жылжымайтын мүлік: таңдау бар ма? 

Жеке шаршы метрді иелену – әр адамның арманы. Қазақстандағы жылжымайтын мүлік бағасы жыл сайын артып келеді және әр аймақта бұл өзгерістер әртүрлі сезіледі. Сондықтан OLX елдегі арзан және қымбат баспананы салыстыруды жөн көрді. Биылғы жылдың мамыр айында ғана қайталама тұрғын үй бағасы 1%-ға, жаңадан салынған пәтерлер 1,7%-ға өсті. Қалаңызда пәтер/үй іздеп жүрсіз бе? OLX хабарландыру қызметіне қараңыз, онда көптеген опцияларды таба аласыз 🙂

Қазақстандағы пәтер бағалары өзгеріп отырады және тұрақты болатын кездер өте сирек.  Соңғы статистикалық деректерге сүйенетін болсақ, соңғы бес жылдықта жаңа және ескі үйлерге баға тек өсіп жатыр. Құрылыс материалдары мен жер бағасы қымбаттағандықтан, тұрғын үй бағасы да сәйкесінше қымбаттайды. Мәселен, жаңа бір бөлмелі пәтер бағасы бір шаршы метрге 400 мың теңгеден басталады, ал ескі үйлерде бағасы 30-50 мың теңгеге қымбатырақ болады. Жылжымайтын мүлік бағасы классына, орналасқан ауданына, айналасындағы инфрақұрылымға, қалаға байланысты өзгеріп отырады. Алматы қаласында пәтерлер құны Қазақстан бойынша ең қымбат болып саналады. Орта есеппен Алматыда пәтер бағасы 30 миллион теңге құрайды. 

Қазақстандағы тұрғын үй бағалары орналасқан қалаға байланысты өзегріп отырады. 

Алматы 

Ең қымбат тұрғын үйлер Алматыда, онда бір шаршы метр үшін орта есеппен 495 800 теңге төлеуге тура келеді. Жылжымайтын мүліктің жоғары бағасы бастапқы және қайталама нарықтарда, сондай–ақ жалға берілетін тұрғын үйлерде де байқалады. Алматыдағы ең қымбат пәтер бағасы шаршы метрге 690–700 мың теңгеден басталады. 

Нұр-Сұлтан

Астанамызда бағалар төменірек – бір шаршы метрге 369 800 теңге. 

Сонымен қатар тұрғын үй бағасының жартыжылдық өсімі бұл қалада еліміз бойынша ең төмен көрсеткіш болып табылады. 

Петропавловск 

Петропавл қаласы 2021 жылғы жылжымайтын мүліктері қымбат өңірлер тізімінде алғашқы үштікті жабады. Бір шаршы метрдің орташа құны – 325 800 теңге.

Қазақстандағы ең қымбат үй Алматы қаласында орналасқан, коттедждің бағасы – 3,2 миллиард теңге. Жалпы көлемі: 2000 шаршы метр, 10 бөлмесі бар, жер көлемі: 7000 шаршы метр. Сондай-ақ Алматыда ең қымбат пәтер орналасқан, оның бағасы 1,5 миллиард теңге. Көлемі – 485 шаршы метр 7 бөлмелі пәтер. 

Қазақстандағы ең арзан пәтерлер әдетте шағын өңірлерде орналасқан.

Ақтөбе

Ақтөбеде бір шаршы метрі орта есеппен 199 300 теңгеге пәтер сатып алуға болады. Жылдан жылға қалада тұрғын үй бағасының қалыпты өсуі байқалады.

Теміртау

Өткен жылы жылжымайтын мүлік бағасының ең жоғары өсімі Теміртауда байқалғанымен, бір шаршы метрдің орташа құны әлі де Қазақстандағы ең төменгі көрсеткіштердің бірі болып саналады – 173 300 теңге.

Қызылорда

Былтырғы ең арзан тұрғын үй бағасы Қызылордада байқалды. Бір шаршы метрдің орташа құны 168 600 теңге. Бір қызығы Қызылордада үш пәтердің бағасына Алматыдан бір–ақ пәтер алуға болады. Алматыдағы ең арзан пәтерлер 3,5 миллионов теңге тұрады. Олардың жалпы көлемі 10–15  шаршы метр. Олар Түрксіб, Наурызбай және Әуезов аудандарында орналасқан. Бұндай пәтерлер бір адамға жарайды.