Қазақстандағы бюджеттік туризм

Елден шығуға мүмкіндік болмаса, қайда баруға болады? Коронавирус пандемиясы салдарынан туризм бүкіл әлемде тоқтап қалды. Қазақстан үшін қойылған шектеулер тек ішкі бағытта саяхаттауға мүмкіндік беріп отыр. 

Біз сізбен Қазақстан ішіндегі бюджеттік саяхат бағыттарымен бөлісетін боламыз

Алакөл

Шілде айының аяғы мен тамыз айының соңында, Алматы мен Шығыс Қазақстан облыстарының шекарасында орналасқан әсем Алакөл көлінде демалыс маусымы басталады. Жылы әрі емдік су мен жартасты жағажай есте қаларлық демалыс кепілі. Сонымен, қатар емдік балшық сан-алуан көңіл сыйлайды, оны өзіңіз жинап алсаңыз да, жағалауда сатып алсаңыз да болады. Демалушылар жол құнын қосқанда шамамен 105 000 теңге бір аптаға жұмсайды. Алакөлге әуе жолдарымен, темір жол арқылы немесе көлікпен қатынай аласыз. 

Балқаш

Қазақстан аумағындағы танымал демалыс орындарының бірі – Балқаш көлі. Алматы, Жамбыл және Қарағанды облыстарының шекарасында орналасқан. Балқаштың басым бөлігі шөл болғандықтан, жазы ыстық болады. Алакөлге қарағанда Балқашта демалыс орындары аздау, сол себепті көбісі жабайы табиғатта демалады. Балқашқа пойызбен де, автобуспен де жетуге болады, алайда саяхатшылардың басым бөлігі жеке көлікті таңдайды. Бір апта демалысқа жол құнын қосқанда шамамен  70 000 теңге қажет болады.

Бурабай

Бурабай – қазақ Швейцариясы, қазақстандықтар арасында аса танымал демалыс орны. Ақмола облысында орналасқан, шипажай болып  шығыс жағалауы саналады. Астана қаласынан такси немесе автобуспен жетуге болады. Бір апталық демалыс 80 000 теңге шамасында шығады. Бурабайда жақсы демалыспен қатар, шипажайда ем алуға болады. 

Каспий

Каспий теңізі бірегей экожүйесі мен жылы суы үшін ерекше бағаланады. Ақтау қаласы Каспий жағалауында демалушыларға ең қолайлы болып есептеледі. Жағалау жаңартылып, жабдықталған. Су жылулығы 25-27 градусқа дейін жетеді. Шомылумен қатар, алуан түрлі қызық жерлерді барып қайтуға болады. Мысалы, жерасты Бекат-ата мешіті, Шақпақ ата, Ақмыштау аңғары, Қаракие ойпаты, Шерқала тауы мен Торыш аңғары сияқты көрнекі жерлерді көруге болады. Демалыс бюджетін нақты санап айту қиын. Алайда, шамамен бір апталық демалысыңыздың құны 200 000 теңгеден басталады. 

Қасиетті жерлер:

Қазақстанда көлдерден бөлек көптеген көрнекті әрі тартымды жерлер көп. Қожа Ахмед Яссауи кесенесіне зиярат ету үшін баруға болады. Елде зиярат еткен адамдардың басына бақ пен амандық қонады деп есептеледі. Бүкіл Қазақстан мен көрші ел зияратшылары сонда жиналады.  Сонымен қатар, Арыстан-баб пен Ұқаш-ата кесенелері танымал болып табылады.  

Туризм бағыттары:

• Айша бибі кесенесі, Жамбыл облысы;
• АЛЖИР мұражайы, Қарағанды облысы;
• Маңғышлақ түбегі, Маңғыстау облысы; 
• Жаркент мешіті, Алматы облысы; 
• Бес-ата әулиелері, Алматы облысы; 
• Бәйдібек Қарашаұлы кесенесі, Түркістан облысы; 
• Домалақ ана кесенесі, Түркістан облысы; 
• «Ақмешіт» үңгірі, Түркістан облысы; 

Әуе компанияларының бағалары жоғары болғандықтан, демалыс орындарына пойызбен, сосын такси немесе автобуспен жеткен қолайлы болады.

Демалысыңыз керемет өтсін!